ಹೀಗಿದ್ದರೂ ಅವರ ರೀಸೆಂಟ್ ಪೋಸ್ಟ್ ಭಾರೀ ವೈರಲ್ ಆಯಿತು. ಎಲ್ಲಾ ಕಡೆ ಶೇರ್ ಆಯಿತು. ಸಾಮಾಜಿಕ ಮಾಧ್ಯಮದಲ್ಲಿ ಹಲವರು ಶಾರುಖ್ ಪೋಸ್ಟ್ ಮಾಡೇ ಬಿಟ್ರಾ ಅಂತ ಆಶ್ಚರ್ಯಪಟ್ಟರು.

ಈ ಊಹಾಪೋಹಗಳ ನಡುವೆ, ಸೂಪರ್‌ಸ್ಟಾರ್ ಅವರ ಎಕ್ಸ್  ಖಾತೆಯಿಂದ ಪೋಸ್ಟ್ ಮಾಡಲಾಗಿದೆ ಎಂದು ತೋರಿಸುವ ಸ್ಕ್ರೀನ್‌ಶಾಟ್ ಆನ್‌ಲೈನ್‌ನಲ್ಲಿ ಶೇರ್ ಆಗಲು ಪ್ರಾರಂಭಿಸಿತು. ಇದನ್ನು ನೋಡಿ ಅನೇಕ ನೆಟ್ಟಿಗರು ಅಂತೂ ಕೊನೆಗೂ ಶಾರುಖ್ ಖಾನ್ ರಿಯಾಕ್ಟ್ ಮಾಡಿಯೇ ಬಿಟ್ರು ಎಂದು ನಂಬುವಂತೆ ಮಾಡಿತು.

ಶಾರುಖ್ ಖಾನ್ ಅವರು ಮಾಡಿದ್ದಾರೆ ಎಂದು ಬಿಂಬಿಸುವ ಸ್ಕ್ರೀನ್‌ಶಾಟ್ ಅನ್ನು ಸಾಮಾಜಿಕ ಮಾಧ್ಯಮ ಬಳಕೆದಾರರು ಹಂಚಿಕೊಂಡಿದ್ದು, ಇದು ಗಮನ ಸೆಳೆದಿದೆ. ಆದರೆ ನಡೆಯುತ್ತಿರುವ ಪ್ರತಿಭಟನೆಗೆ ಶಾರುಖ್ ಇನ್ನೂ ಪ್ರತಿಕ್ರಿಯಿಸದ ಕಾರಣ, ಸ್ಕ್ರೀನ್‌ಶಾಟ್ ನಿಜವಲ್ಲ.

ಸ್ಕ್ರೀನ್‌ಶಾಟ್‌ನಲ್ಲಿ ಹೀಗೆ ಬರೆಯಲಾಗಿದೆ, ”ಎಲ್ಲಾ ಆತ್ಮೀಯ ವಿದ್ಯಾರ್ಥಿಗಳಿಗೆ, ನೀವು ಅಸಲಿ ತಾಕತ್ತು ಏನೆಂಬುದನ್ನು ತೋರಿಸಿದ್ದೀರಿ. ಅದು ಪುಸ್ತಕ, ಪೆನ್ನು ಮತ್ತ ಧ್ವನಿ. ನೀವು ನಿರಾಶೆಯಾಗಬಹುದು, ಸುಸ್ತಾಗಬಹುದು, ಆದರೆ ಸೋಲೊಪ್ಪದಿರಿ. ನಿಮ್ಮನ್ನು ನೀವು ಸುರಕ್ಷಿತವಾಗಿರಿಸಿ. ದೇಶದ ನಾಯಕರು, ಮುಖಂಡರು ಹಾಗೂ ನಮಗೆಲ್ಲರಿಗೂ ನಿಮ್ಮ ಧ್ವನಿ ಕೇಳಬೇಕು. ಬದಲಾವಣೆಗಳು ಬೇಕು, ಯಾಕೆಂದರೆ ಮುಂದೆ ಯಾರೂ ಈ ರೀತಿ ಕಷ್ಟಪಡಬಾರದು. ನಾನು ನೈತಿಕವಾಗಿ ಹಾಗೂ ಭಾವನಾತ್ಮಕವಾಗಿ ನಿಮ್ಮೆಲ್ಲರ ಜೊತೆಗಿದ್ದೇನೆ”ಎಂದು ಬರೆಯಲಾಗಿದೆ.

ಶಾರುಖ್ ಖಾನ್ ಅವರ ಅಧಿಕೃತ ಇನ್‌ಸ್ಟಾಗ್ರಾಮ್ ಮತ್ತು ಎಕ್ಸ್ (ಹಿಂದಿನ ಟ್ವಿಟರ್) ಖಾತೆಗಳ ಪರಿಶೀಲನೆಯು ಅವರು ಅಂತಹ ಯಾವುದೇ ಪೋಸ್ಟ್ ಅನ್ನು ಎಂದಿಗೂ ಹಂಚಿಕೊಂಡಿಲ್ಲ ಎಂದು ತೋರಿಸುತ್ತದೆ. ಅವರ ಅಧಿಕೃತ ಸೋಷಿಯಲ್ ಮೀಡಿಯಾದಲ್ಲಿ ಇಂಥಹ ಪೋಸ್ಟ್ ಕಾಣದ ಕಾರಣ ಆನ್‌ಲೈನ್‌ನಲ್ಲಿ ಪ್ರಸಾರವಾಗುತ್ತಿರುವ ಸ್ಕ್ರೀನ್‌ಶಾಟ್ ಕಟ್ಟುಕಥೆ ಎಂದು ದೃಢಪಡಿಸಲಾಗಿದೆ.