ಮೈಸೂರು: ಕಲರ್ಸ್ ಕನ್ನಡದಲ್ಲಿ (Colors Kannada) ಪ್ರಸಾರವಾಗುತ್ತಿರುವ ಬಿಗ್ ಬಾಸ್ ಕನ್ನಡ (Bigg Boss Kannada) ರಿಯಾಲಿಟಿ ಶೋ ದಿನದಿಂದ ದಿನಕ್ಕೆ ರೋಚಕ ತಿರುವುಗಳನ್ನು ಪಡೆದುಕೊಳ್ಳುತ್ತಿದ್ದು, ಸ್ಪರ್ಧಿಗಳ ಪರವಾಗಿ ಅಭಿಮಾನಿಗಳು (Fans) ಹತ್ತಾರು ವಿಭಿನ್ನ ದಾರಿಗಳಲ್ಲಿ ಪ್ರಚಾರ ನಡೆಸುತ್ತಿದ್ದಾರೆ. ಅದರಲ್ಲೂ ವಿಶೇಷವಾಗಿ, 13ನೇ ಸೀಸನ್‍ನ ಜನಪ್ರಿಯ ಸ್ಪರ್ಧಿ ‘ಮಾಡರ್ನ್ ಮಹಾಕವಿ ಮಂಜ’ (Madarn Mahakavi Manja) ಎಂದೇ ಖ್ಯಾತಿ ಗಳಿಸಿರುವ ಮಂಜುನಾಥ್ ಅವರಿಗೆ ನಂಜನಗೂಡಿನ ಹೋಟೆಲ್ ಮಾಲೀಕರೊಬ್ಬರು ನೀಡಿರುವ ಬೆಂಬಲ ಸಖತ್ ವೈರಲ್ (Viral) ಆಗುತ್ತಿದೆ. ಕೇವಲ ಸಾಮಾಜಿಕ ಜಾಲತಾಣಗಳಲ್ಲಿ ಮಾತ್ರವಲ್ಲದೇ, ಹೋಟೆಲ್‍ಗೆ (Hotel) ಬರುವ ಗ್ರಾಹಕರ ಕೈಸೇರುವ ಬಿಲ್‍ನಲ್ಲೇ ವೋಟ್ ಮಾಡುವಂತೆ ಮನವಿ ಮಾಡುತ್ತಿರುವುದು ಎಲ್ಲರ ಅಚ್ಚರಿಗೆ ಕಾರಣವಾಗಿದೆ.