ಬಿಗ್​ಬಾಸ್ ಜೋಡಿಯ ವೆಕೇಷನ್ ಆಸ್ಪತ್ರೆಯ ವಾಸ್ತವ್ಯವಾಗಿ ಮಾರ್ಪಟ್ಟಿದೆ ಎಂದು ಬಹಿರಂಗಪಡಿಸಿದರು. ಆಸ್ಪತ್ರೆಯಲ್ಲಿ ಜಾಸ್ಮಿನ್ ಪಕ್ಕದಲ್ಲಿ ಇರುವ ಫೋಟೋಗಳನ್ನು ಅಲಿ ಪೋಸ್ಟ್ ಮಾಡಿದ್ದಾರೆ. ಒಂದು ಫೋಟೋದಲ್ಲಿ ಜಾಸ್ಮಿನ್ ಆಸ್ಪತ್ರೆಯ ಹಾಸಿಗೆಯ ಮೇಲೆ ಮಲಗಿದ್ದಾಗ ನಟ ಆಕೆಯನ್ನು ಅಪ್ಪಿಕೊಳ್ಳುತ್ತಿರುವುದು ಕಾಣಬಹುದು.

ಇನ್ನೊಂದು ಫೋಟೋದಲ್ಲಿ ನಟಿ ವೀಲ್‌ಚೇರ್‌ನಲ್ಲಿ ಕುಳಿತಿರುವುದನ್ನು ತೋರಿಸಲಾಗಿದೆ. ಆಸ್ಪತ್ರೆಯಂತೆ ಕಾಣುವ ಸ್ಥಳದಲ್ಲಿ ಜಾಸ್ಮಿನ್ ತನ್ನ ಹುಟ್ಟುಹಬ್ಬದ ಕೇಕ್ ಕಟ್ ಮಾಡುವ ವೀಡಿಯೊವನ್ನು ಸಹ ಅವರು ಹಂಚಿಕೊಂಡಿದ್ದಾರೆ.

ಫೋಟೋಗಳ ಜೊತೆಗೆ, ಆಲಿ ತನ್ನ ಗರ್ಲ್​ಫ್ರೆಂಡ್​​ಗೆ ಹುಟ್ಟುಹಬ್ಬದ ಭಾವನಾತ್ಮಕ ವಿಶ್ ಕೂಡಾ ಹಾಕಿದ್ದಾರೆ. ಆಕೆಯ ಅನಾರೋಗ್ಯವನ್ನು ನೋಡುವುದು ಎಷ್ಟು ಕಷ್ಟಕರವಾಗಿತ್ತು ಎಂಬುದನ್ನು ವಿವರಿಸಿದ್ದಾರೆ.

“ಜನ್ಮದಿನದ ಶುಭಾಶಯಗಳು, ಜಾಸ್ಮಿನ್. ನಾವು ನಿಮ್ಮ ಹುಟ್ಟುಹಬ್ಬವನ್ನು ಆಚರಿಸಲು ಇಲ್ಲಿಗೆ ಬಂದಿದ್ದೆವು, ಆದರೆ ವಿಧಿಯ ಪ್ಲಾನ್ ಬೇರೆ ಇತ್ತು. ಹುಟ್ಟುಹಬ್ಬದ ಸುಂದರ ನೆನಪುಗಳನ್ನು ಹುಟ್ಟುಹಾಕುವ ಬದಲು ನಾವು ಆಸ್ಪತ್ರೆಯ ಕೋಣೆಯಲ್ಲಿದ್ದೇವೆ. ನೀವು ನೋವಿನಿಂದ ಕಷ್ಟಪಡುವುದನ್ನು ನೋಡುವುದು ಈ ಪ್ರವಾಸದ ಅತ್ಯಂತ ಕಠಿಣ ಭಾಗವಾಗಿದೆ ಎಂದಿದ್ದಾರೆ.

ನೀವು ಆರೋಗ್ಯವಾಗಿ ಮತ್ತು ಮತ್ತೆ ನಗುತ್ತಿರುವುದನ್ನು ನೋಡುವುದಕ್ಕಾಗಿ ನಾನು ಪ್ರತಿ ಸೆಲೆಬ್ರೇಷನ್ ಕೂಡಾ ಬಿಟ್ಟುಕೊಡಬಲ್ಲೆ” ಎಂದು ಅವರು ಬರೆದಿದ್ದಾರೆ. ನಂತರ ಅವರು ತಮ್ಮ ಸ್ಥಿತಿಯ ಬಗ್ಗೆ ಅಭಿಮಾನಿಗಳಿಗೆ ಅಪ್ಡೇಟ್ ನೀಡುವ ಇನ್‌ಸ್ಟಾಗ್ರಾಮ್ ಸ್ಟೋರಿ ಶೇರ್ ಮಾಡಿದರು.

ನನಗೆ ಮೆಸೇಜ್ ಕಳುಹಿಸುವ ಮತ್ತು ಕಾಲ್ ಮಾಡಿದ ಎಲ್ಲರಿಗೂ ಈ ಮೆಸೇಜ್! ಪ್ರೀತಿ, ಪ್ರಾರ್ಥನೆ ಮತ್ತು ಸಂದೇಶಗಳಿಗಾಗಿ ಎಲ್ಲರಿಗೂ ಧನ್ಯವಾದಗಳು. ಇದು ತುಂಬಾ ಕಷ್ಟಕರ ಮತ್ತು ಭಾವನಾತ್ಮಕ ಕೆಲವು ದಿನಗಳು. ನಿಮ್ಮ ಮೆಸೇಜ್, ಕಾಲ್​ಗೆ ರೆಸ್ಪಾಂಡ್ ಮಾಡಲು ಅಥವಾ ನಿಮ್ಮ ಕರೆಗಳಿಗೆ ಉತ್ತರಿಸಲು ಸಾಧ್ಯವಾಗದಿದ್ದರೆ ಕ್ಷಮಿಸಿ. ಇದೀಗ, ನನ್ನ ಸಂಪೂರ್ಣ ಗಮನ ಅವಳ ಮೇಲಿದೆ ಎಂದಿದ್ದಾರೆ.

ಅವಳು ಅತ್ಯುತ್ತಮ ಆರೈಕೆಯನ್ನು ಪಡೆಯುತ್ತಿದ್ದಾಳೆ. ನಿಧಾನವಾಗಿ ಚೇತರಿಸಿಕೊಳ್ಳುತ್ತಿದ್ದಾಳೆ. ದಯವಿಟ್ಟು ಅವಳಿಗಾಗಿ ಪ್ರಾರ್ಥಿಸಿ. ಅವಳು ಶೀಘ್ರ ಗುಣಮುಖಳಾಗುತ್ತಾಳೆ” ಎಂದು ಅಲಿ ಹೇಳಿದರು.