ಕಿರುಕುಳಕ್ಕೆ ಒಳಗಾದ ವ್ಯಕ್ತಿ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿರುವ ವಿವರಗಳ ಅನ್ವಯ, ಆತ ಕಳೆದ 9 ತಿಂಗಳಿನಿಂದ 14 ಸಾವಿರ ರೂಪಾಯಿ ಬಾಡಿಗೆ ಪಾವತಿ ಮಾಡುತ್ತಿದ್ದಾರೆ. 40 ಸಾವಿರ ರೂಪಾಯಿ ಸೆಕ್ಯೂರಿಟಿ ಡೆಪಾಸಿಟ್ ಮಾಡಿದ್ದಾರೆ. ಒಂಬತ್ತು ತಿಂಗಳಿನಲ್ಲಿ ಒಂದು ಬಾರಿಗೂ ಬಾಡಿಗೆ ಪಾವತಿ ಮಾಡೋದು ಕಡಿಮೆಯಾಗಿಲ್ಲವಂತೆ. ಆದರೆ ಕಳೆದ ಕೆಲ ದಿನಗಳಿಂದ ಮನೆಯ ಮಾಲೀಕ ಕಿರಿಕಿರಿ ಶುರು ಮಾಡಿದ್ದರಂತೆ. ಇದರಿಂದ ಬೇಸತ್ತ ಆತ ಬೇರೆ ಮನೆ ಹುಡುಕಾಟ ಮಾಡಲು ಶುರು ಮಾಡಿದ್ದರಂತೆ, ಇದರ ನಡುವೆ ಜಗಳ ನಡೆದು ಮನೆ ಖಾಲಿ ಮಾಡುವಂತೆ ಮಾಲೀಕ ಮೆಸೇಜ್ ಮಾಡಿದ್ದನಂತೆ.

ಈ ಪೋಸ್ಟ್ ಪ್ರತಿಕ್ರಿಯೆ ನೀಡಿರುವ ಹಲವರು, ತಮ್ಮ ಅನುಭವಗಳನ್ನು ಹಂಚಿಕೊಂಡಿದ್ದಾರೆ. ಬೆಂಗಳೂರಿನಲ್ಲಿ ಮನೆ ಖಾಲಿ ಮಾಡುವ ಸಂದರ್ಭದಲ್ಲಿ ಒಂದು ತಿಂಗಳು ಬಾಡಿಗೆ ಹಣ, ವಿದ್ಯುತ್ ಬಿಲ್ ಚಾರ್ಜ್‌ಗಳ ಹೆಸರಿನಲ್ಲಿ 14 ಸಾವಿರ ರೂಪಾಯಿ ಕಟ್ ಮಾಡಿಕೊಳ್ಳುವುದು ಸಾಮಾನ್ಯ ಸಂಗತಿ. ನೀವು ಅಗ್ರಿಮೆಂಟ್ ಮಾಡಿಕೊಳ್ಳುವಾಗ ಈ ಬಗ್ಗೆ ಎಚ್ಚರಿಕೆ ತೆಗೆದುಕೊಳ್ಳಬೇಕು ಎಂದು ನೆಟ್ಟಿಗರೊಬ್ಬರು ಹೇಳಿದ್ದಾರೆ.