ಚೆನ್ನೈ: ಕೇಂದ್ರ ಸಚಿವ (Union Minister) ಅಮಿತ್ ಶಾ (Amit Shah) ಹಾಗೂ ತಮಿಳುನಾಡು ಬಿಜೆಪಿ ಮಾಜಿ ರಾಜ್ಯಾಧ್ಯಕ್ಷ (former Tamil Nadu BJP state president) ಕೆ. ಅಣ್ಣಾಮಲೈ (Annamalai) ಹಿಂದೊಮ್ಮೆ ದೆಹಲಿಯಲ್ಲಿ ಭೇಟಿಯಾಗಿದ್ದರು. ಅಣ್ಣಾಮಲೈ ಬಿಜೆಪಿಗೆ ರಾಜೀನಾಮೆ ಕೊಡುವ ಮುನ್ನ ಜೂನ್ 2, 2026ರಂದು ದೆಹಲಿಗೆ ತೆರಳಿದ್ದ ಅಣ್ಣಾಮಲೈ, ಅಮಿತ್ ಶಾ ಭೇಟಿಯಾಗಿ ಮಹತ್ವದ ಚರ್ಚೆ ನಡೆಸಿದ್ದರು. ಆ ಬಳಿಕವೇ ಬಿಜೆಪಿಯಿಂದ ಅಣ್ಣಾಮಲೈ ಹೊರ ಬಂದಿದ್ದರು. ಈ ಭೇಟಿ ವೇಳೆ ಅಮಿತ್ ಶಾ ಅಣ್ಣಾಮಲೈ ಕಿವಿಯಲ್ಲಿ ಏನೋ ಹೇಳುತ್ತಿರುವ ಫೋಟೋ ವೈರಲ್ ಆಗಿತ್ತು. ಆ ಫೋಟೋ ಬಗ್ಗೆ ಆಗ ಸಾಕಷ್ಟು ಚರ್ಚೆ ನಡೆದಿತ್ತು. ಆದರೆ ಅಂದು ತಮ್ಮ ಕಿವಿಯಲ್ಲಿ ಏನು ಹೇಳಿದ್ದರು ಎನ್ನುವ ಗುಟ್ಟನ್ನು ಇದೀಗ ಅಣ್ಣಾಮಲೈ ರಟ್ಟು ಮಾಡಿದ್ದಾರೆ.