Last Updated:
ಕಲ್ಕಿ ಸಿನಿಮಾದಲ್ಲಿ ದೀಪಿಕಾ ಪಡುಕೋಣೆ ಬದಲು ನಟಿಸಲಿದ್ದಾರಾ ಆಲಿಯಾ ಭಟ್? ಹರಿದಾಡುತ್ತಿರೋ ಸುದ್ದಿ ನಿಜಾನಾ?
ಆಲಿಯಾ ಭಟ್ (Alia Bhatt) ತಮ್ಮ ಮುಂಬರುವ YRF ಸ್ಪೈ ಯೂನಿವರ್ಸ್ ಚಿತ್ರ ಆಲ್ಫಾ (Alpha) ಬಿಡುಗಡೆಗೆ ಸಜ್ಜಾಗಿದ್ದಾರೆ. ಆಕ್ಷನ್-ಪ್ಯಾಕ್ಡ್ ಟ್ರೇಲರ್ (Trailer) ಬಿಡುಗಡೆಯಾದಾಗಿನಿಂದ, ಅಭಿಮಾನಿಗಳು ಮತ್ತು ಹಲವಾರು ಸೆಲೆಬ್ರಿಟಿಗಳಿಂದ (Celebrities) ವ್ಯಾಪಕ ಮೆಚ್ಚುಗೆಯನ್ನು ಪಡೆಯುತ್ತಿದೆ.
ನಾಗ್ ಅಶ್ವಿನ್ ಅವರ ಕಲ್ಕಿ 2898 AD ಚಿತ್ರದ ಮುಂದುವರಿದ ಭಾಗಕ್ಕೆ ಆಲಿಯಾ ನಟಿಸುವ ಸಾಧ್ಯತೆ ಇದೆ ಎಂಬ ಊಹಾಪೋಹಗಳ ನಡುವೆ, ಚಿತ್ರದ ಪ್ರಮುಖ ನಟ ಪ್ರಭಾಸ್ ಕೂಡ ಆಲ್ಫಾ ಟ್ರೇಲರ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಈ ಪ್ರಾಜೆಕ್ಟ್ ಈಗ ಈಗ ಎಲ್ಲರಲ್ಲೂ ಉತ್ಸಾಹ ಹೆಚ್ಚಾಗಿದೆ. ಇತ್ತೀಚೆಗೆ, ಪ್ರಭಾಸ್ ತಮ್ಮ ಇನ್ಸ್ಟಾಗ್ರಾಮ್ ಸ್ಟೋರೀಸ್ನಲ್ಲಿ ಆಲ್ಫಾ ಚಿತ್ರದ ಟ್ರೇಲರ್ ಅನ್ನು ಹಂಚಿಕೊಂಡರು. ಸಿನಿಮಾ ಬಿಡುಗಡೆಗೆ ಮುಂಚಿತವಾಗಿ ಅವರು ಆಲಿಯಾ ಮತ್ತು ಇಡೀ ತಂಡದ ಮೇಲೆ ಹೊಗಳಿಕೆಯ ಸುರಿಮಳೆಗೈದರು.
“ಆಲ್ಫಾ ಟ್ರೇಲರ್ ಅದ್ಭುತವಾಗಿದೆ. ಭರವಸೆ ಮೂಡಿಸುವಂತಾಗಿದೆ. ಜುಲೈ 3 ರಂದು ಸಿನಿಮಾ ಬರಲಿದೆ. ಆಲಿಯಾ, YRF ಮತ್ತು ಇಡೀ ತಂಡಕ್ಕೆ ಶುಭ ಹಾರೈಸುತ್ತೇನೆ” ಎಂದು ಪ್ರಭಾಸ್ ಬರೆದಿದ್ದಾರೆ. ಆಲಿಯಾ ಪ್ರಭಾಸ್ ಸ್ಟೋರಿಯನ್ನು ರೀ ಶೇರ್ ಮಾಡಿದರು. “ತುಂಬಾ ಧನ್ಯವಾದಗಳು” ಎಂದು ಬರೆದರು.
ಸ್ವಲ್ಪ ಸಮಯದೊಳಗೆ, ಅವರ ಪೋಸ್ಟ್ ಎಲ್ಲರ ಗಮನ ಸೆಳೆಯಿತು. ಅನೇಕ ಅಭಿಮಾನಿಗಳು ನಟಿ ಆಲಿಯಾ ಅವರು ಕಲ್ಕಿ 2898 AD ನ ಮುಂದುವರಿದ ಭಾಗಕ್ಕೆ ಬರುತ್ತಿದ್ದಾರಾ? ಅದನ್ನೇ ಇಲ್ಲಿ ಕನ್ಫರ್ಮ್ ಮಾಡಿದ್ದಾರಾ ಎಂದು ಚರ್ಚಿಸುತ್ತಿದ್ದಾರೆ.
ಆಲ್ಫಾ ಟ್ರೇಲರ್ ಅನ್ನು ಪ್ರಭಾಸ್ ಹೊಗಳಿದ ನಂತರ, ಅಭಿಮಾನಿಗಳು ಅವರು ಆಲಿಯಾ ಜೊತೆಗಿನ ಕಲ್ಕಿ ಸಿನಿಮಾದ ಸಹಯೋಗದ ಬಗ್ಗೆ ಸೂಕ್ಷ್ಮವಾಗಿ ಸುಳಿವು ನೀಡಿರಬಹುದು ಎಂದು ಮಾತನಾಡುತ್ತಿದ್ದಾರೆ. ಆದರೆ ಯಾವುದೂ ಅಧಿಕೃತವಾಗಿ ಅನೌನ್ಸ್ ಆಗಿಲ್ಲ.
ಕಲ್ಕಿ 2 ರಲ್ಲಿ ಆಲಿಯಾ ಅವರು ನಟಿಸಬಹುದು ಎನ್ನುವ ಬಗ್ಗೆ ಸ್ವಲ್ಪ ಸಮಯದಿಂದ ಊಹಾಪೋಹಗಳು ಜೋರಾಗಿದೆ. ಬಹು ನಿರೀಕ್ಷಿತ ಸೀಕ್ವೆಲ್ಗಾಗಿ ನಟಿ ಇತ್ತೀಚೆಗೆ ಹೈದರಾಬಾದ್ನಲ್ಲಿ ಐದು ದಿನಗಳ ಶೂಟಿಂಗ್ ವೇಳಾಪಟ್ಟಿಯನ್ನು ಪೂರ್ಣಗೊಳಿಸಿದ್ದಾರೆ ಎಂದು ವರದಿಗಳು ಹೇಳಿಕೊಂಡಿವೆ. ಆದಾಗ್ಯೂ, ಚಿತ್ರದಲ್ಲಿ ಅವರ ಸೇರ್ಪಡೆಯನ್ನು ತಯಾರಕರು ಇನ್ನೂ ಅಧಿಕೃತವಾಗಿ ದೃಢಪಡಿಸಿಲ್ಲ.
Bangalore,Karnataka
