ಹಾರ್ಮುಜ್ ಜಲಸಂಧಿಗೆ ಸಂಬಂಧಿಸಿದಂತೆ, ಒಪ್ಪಂದಕ್ಕೆ ಸಹಿ ಹಾಕಿದ ನಂತರ ನಿರ್ಣಾಯಕ ಜಲಮಾರ್ಗವನ್ನು ತೆರೆಯಲಾಗುವುದು ಎಂದು ಟ್ರಂಪ್ ಹೇಳಿದ್ದು, ಇರಾನ್ ನಮ್ಮಿಂದ ‘ಹೊಡೆತ’ ಎದುರಿಸಿದ ಕಾರಣ ಮಾತ್ರ ಶಾಂತಿ ಒಪ್ಪಂದಕ್ಕೆ ಒಪ್ಪಿಕೊಂಡಿತು ಎಂದು ಹೇಳಿದರು. ಅಸಲಿಗೆ ಇರಾನ್ ಅಮೆರಿಕಾ ವಿರುದ್ಧ ಪ್ರತಿದಾಳಿ ನಡೆಸಿದ ನಂತರ ಟ್ರಂಪ್‌ಗೆ ಕದನ ವಿರಾಮದ ನೆನಪಾಗಿದೆ ಅನ್ನೋದು ಗಮನಾರ್ಹ. ಯಾಕೆಂದರೆ ಟ್ರಂಪ್ ಪ್ರಸ್ತಾಪವನ್ನು ಇರಾನ್ ಖಡಾಖಂಡಿತವಾಗಿ ತಿರಸ್ಕರಿಸಿದೆ.

ಇರಾನ್ ಜೊತೆಗಿನ ಒಪ್ಪಂದದ ಬಗ್ಗೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿಕೆ ನೀಡಿದ ಕೆಲವೇ ಗಂಟೆಗಳ ನಂತರ, ಇರಾನ್ ಟ್ರಂಪ್ ಪ್ರಸ್ತಾಪವನ್ನು ಸ್ಪಷ್ಟವಾಗಿ ತಿರಸ್ಕರಿಸಿದೆ. ಇರಾನ್ ವಿದೇಶಾಂಗ ಸಚಿವಾಲಯದ ವಕ್ತಾರ ಎಸ್ಮಾಯಿಲ್ ಬಾಘೈ ಅವರು, ಉಭಯ ದೇಶಗಳ ನಡುವೆ ಯಾವುದೇ ಅಂತಿಮ ಒಪ್ಪಂದಕ್ಕೆ ಬಂದಿಲ್ಲ ಮತ್ತು ಅಂತಹ ವರದಿಗಳು ಕೇವಲ ಊಹಾಪೋಹಗಳಾಗಿವೆ ಎಂದು ಹೇಳಿದ್ದಾರೆ. ಭಾರತೀಯ ವಾಣಿಜ್ಯ ಹಡಗುಗಳ ಮೇಲಿನ ಇತ್ತೀಚಿನ ಅಮೆರಿಕದ ದಾಳಿಯನ್ನು ಅವರು ಖಂಡಿಸಿದ್ದು, ಅಮೆರಿಕವನ್ನು ಹೊಣೆಗಾರರನ್ನಾಗಿ ಮಾಡುವಂತೆ ಅಂತರರಾಷ್ಟ್ರೀಯ ಸಮುದಾಯಕ್ಕೆ ಮನವಿ ಮಾಡಿದರು.

ಇರಾನಿನ ಮಾಧ್ಯಮಗಳು ಸಹ ಆ ವರದಿಗಳನ್ನು ನಿರಾಕರಿಸಿದೆ. ಕಳೆದ ಎರಡು ತಿಂಗಳಲ್ಲಿ ಅಮೆರಿಕ ಅಧ್ಯಕ್ಷರು ಶಾಂತಿ ಒಪ್ಪಂದದ ಬಗ್ಗೆ ಕನಿಷ್ಠ 38 ಬಾರಿ ಹೇಳಿಕೊಂಡಿದ್ದಾರೆ ಎಂದು ಹೇಳಿ ವ್ಯಂಗ್ಯವಾಡಿವೆ. ‘ಸಂಭಾವ್ಯ ತಿಳುವಳಿಕೆಯ ವಿಷಯವನ್ನು ಇರಾನ್ ಪ್ರಕಟಿಸುವವರೆಗೆ, ಈ ವಿಷಯದ ಕುರಿತು ಟ್ರಂಪ್‌ನಿಂದ ಬರುವ ಯಾವುದೇ ಸುದ್ದಿಯನ್ನು ಅವರ ಹಿಂದಿನ ಸಂದೇಶದಂತೆಯೇ ಪರಿಗಣಿಸಬೇಕು’ ಎಂದು ತಸ್ನಿಮ್ ಸುದ್ದಿ ಸಂಸ್ಥೆ ಎಚ್ಚರಿಸಿದೆ.

ಆದರೆ, ಅಮೆರಿಕ, ಇಸ್ರೇಲ್ ಜೊತೆಗೆ, ಇರಾನ್ ತನ್ನ ಪರಮಾಣು ಕಾರ್ಯಕ್ರಮವನ್ನು ಸಂಪೂರ್ಣವಾಗಿ ನಿಲ್ಲಿಸಬೇಕೆಂದು ಬಯಸುತ್ತದೆ, ಟೆಹ್ರಾನ್ ಈ ಪ್ರಸ್ತಾಪವನ್ನು ಸಂಪೂರ್ಣವಾಗಿ ವಿರೋಧಿಸುತ್ತದೆ.