ಈ ಹಿಂದೆ ನಟ ಸಲ್ಮಾನ್ ಖಾನ್ ಅವರಿಗೆ ಹಾವು ಕಚ್ಚಿದ್ದ ಘಟನೆಯಿಂದಾಗಿ , ಈ ಬಾರಿ ಕೂಡಾ ಜನ ಸ್ವಲ್ಪ ಭಯಭೀತರಾಗಿದ್ದರು. ಬಾಂದ್ರಾ ಪ್ರದೇಶದ ನಿವಾಸಿಗಳಿಗೆ ಸಂಜೆಯ ವೇಳೆಯಲ್ಲಿ ಏಕಾಏಕಿ ಅಪಾರ್ಟ್‌ಮೆಂಟ್ ನೆಲ ಮಹಡಿಯಲ್ಲಿ ಹಾವು ಕಾಣಿಸಿಕೊಂಡಿರುವ ಮಾಹಿತಿ ದೊರೆಯಿತು.

ಗ್ಯಾಲಕ್ಸಿ ಅಪಾರ್ಟ್‌ಮೆಂಟ್‌ನಲ್ಲಿ ಕರ್ತವ್ಯದಲ್ಲಿದ್ದ ಪೊಲೀಸ್ ಕಾನ್‌ಸ್ಟೆಬಲ್ ಮನೋಜ್ ಕಟ್ಟೆ ಅವರು ಕಾರು ಪಾರ್ಕಿಂಗ್ ಪ್ರದೇಶದ ಶಟರ್ ಬಳಿ ಹಾವು ಇರುವುದು ಗಮನಿಸಿದ ತಕ್ಷಣ, ‘ಸ್ನೇಕ್ ದೋಸ್ತ್’ ಎಂದು ಪರಿಚಿತರಾಗಿರುವ ಹಾವು ರಕ್ಷಣಾ ತಜ್ಞ ವಿಕಿ ದುಬೆ ಅವರಿಗೆ ಮಾಹಿತಿ ನೀಡಿದರು. ದುಬೆ ಸ್ಥಳಕ್ಕೆ ತಲುಪಿದ ನಂತರ, ತುಂಬಾ ಎಚ್ಚರಿಕೆಯಿಂದ ಹಾವನ್ನು ಹಿಡಿಯುವ ಪ್ರಕ್ರಿಯೆಯನ್ನು ಕೈಗೊಂಡರು. ಹಾವು ಸುಮಾರು 5 ಅಡಿ ಉದ್ದವಾಗಿದ್ದು, ಅದು ವಿಷಕಾರಿಯಲ್ಲವೆಂಬುದು ದೃಢಪಟ್ಟ ನಂತರ ನಿವಾಸಿಗಳು ನಿಟ್ಟುಸಿರೆಳೆದರು.ಇನ್ನು ಘಟನೆಯ ನಂತರ ನಗರ ಪ್ರದೇಶಗಳಲ್ಲಿ ಇಂತಹ ಘಟನೆಗಳು ಆಗಾಗ ಸಂಭವಿಸುವುದರಿಂದ, ಸರಿಯಾದ ದಾಖಲಾತಿ ಮತ್ತು ಮುಂದಿನ ಕ್ರಮಗಳು ಅತ್ಯಗತ್ಯ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.