ಶ್ರೀಲಂಕಾ ವಿರುದ್ಧದ (India vs Sri Lanka) ಎರಡನೇ ಟೆಸ್ಟ್ ಪಂದ್ಯದಲ್ಲಿ ಟೀಮ್ ಇಂಡಿಯಾ ಅನಿರೀಕ್ಷಿತ ಫಲಿತಾಂಶವನ್ನು ಎದುರಿಸಿದೆ. ಗೆಲುವು ಖಚಿತವೆಂದು ಭಾವಿಸಲಾಗಿದ್ದ ಪಂದ್ಯದಲ್ಲಿ, ಕಳಪೆ ಬೌಲಿಂಗ್ ಪ್ರದರ್ಶನದಿಂದ ಟೀಮ್ ಇಂಡಿಯಾ ಡ್ರಾಗೆ ತೃಪ್ತಿಪಟ್ಟುಕೊಂಡಿದೆ. ಗುರುವಾರ ಮುಕ್ತಾಯಗೊಂಡ ಟೆಸ್ಟ್ ಪಂದ್ಯದಲ್ಲಿ ಸೋನಲ್ ದಿನುಷಾ (264 ಎಸೆತಗಳಲ್ಲಿ 133 ರನ್) ಅವರ ಅಜೇಯ ಶತಕದಿಂದಾಗಿ ಶ್ರೀಲಂಕಾ ಪಂದ್ಯವನ್ನು ಡ್ರಾ ಸಾಧಿಸಿಕೊಳ್ಳಲು ಯಶಸ್ವಿಯಾಯಿತು. ಪರಿಣಾಮವಾಗಿ ಭಾರತ ಎರಡು ಟೆಸ್ಟ್ ಸರಣಿಯನ್ನು 1-0 ಅಂತರದಿಂದ ವಶಪಡಿಸಿಕೊಂಡಿತು. ಈ ಡ್ರಾ ಭಾರತದ ವಿಶ್ವಟೆಸ್ಟ್ ಚಾಂಪಿಯನ್​ಶಿಪ್ (WTC Final) ಫೈನಲ್ ಹಾದಿಯನ್ನೂ ಕಠಿಣಗೊಳಿಸಿದೆ.