Last Updated:
ಮೈಸೂರು ಶೂಟರ್ ಜಮ್ಮಡ ಪ್ರೀತ್ ಅಪ್ಪಯ್ಯ 14ನೇ ಕರ್ನಾಟಕ ರಾಜ್ಯ ಶೂಟಿಂಗ್ ಚಾಂಪಿಯನ್ಶಿಪ್ 2026ರಲ್ಲಿ ಎರಡು ಚಿನ್ನ, ರಾಷ್ಟ್ರೀಯ ದಾಖಲೆ, ಮೌಂಟ್ ಕಿಲಿಮಂಜಾರೊ ಮತ್ತು ಮೌಂಟ್ ಎಲ್ಬ್ರಸ್ ಏರಿಕೆ ಸಾಧನೆ.
ಮೈಸೂರು: ಕ್ರೀಡಾ (Sports) ಕ್ಷೇತ್ರಕ್ಕೆ ವಯಸ್ಸು ಅಡ್ಡಿಯಲ್ಲ ಎಂಬುದನ್ನು 52 ವರ್ಷದ ಮೈಸೂರಿನ (Mysuru) ಜಮ್ಮಡ ಪ್ರೀತ್ ಅಪ್ಪಯ್ಯ ಅವರು ಮತ್ತೊಮ್ಮೆ ಸಾಬೀತುಪಡಿಸಿದ್ದಾರೆ. ಬೆಂಗಳೂರಿನಲ್ಲಿ (Bengaluru) ನಡೆದ 14ನೇ ಕರ್ನಾಟಕ ರಾಜ್ಯ ಶೂಟಿಂಗ್ ಚಾಂಪಿಯನ್ಶಿಪ್-2026ರಲ್ಲಿ ಇವರು ತೋರಿದ ಸಾಧನೆ ಇದೀಗ ಕ್ರೀಡಾ ವಲಯದಲ್ಲಿ ಭಾರೀ ಸಂಚಲನ ಮೂಡಿಸಿದೆ.
ಬೆಂಗಳೂರಿನ ವಿಶ್ವವಿದ್ಯಾಲಯದ ಶೂಟಿಂಗ್ ರೇಂಜ್ನಲ್ಲಿ ನಡೆದ ಈ ಪ್ರತಿಷ್ಠಿತ ಕ್ರೀಡಾಕೂಟದಲ್ಲಿ, ಪ್ರೀತ್ ಅಪ್ಪಯ್ಯ ಅವರು .177 ಓಪನ್ ಸೈಟ್ 10 ಮೀಟರ್ ಏರ್ ರೈಫಲ್ ಸೀನಿಯರ್ ಮಾಸ್ಟರ್ ವುಮೆನ್ ಹಾಗೂ ಮಾಸ್ಟರ್ ವುಮೆನ್ ವಿಭಾಗದಲ್ಲಿ ಭಾಗವಹಿಸಿದ್ದರು. ಕೇವಲ ಪದಕ ಗೆಲ್ಲುವುದಷ್ಟೇ ಅಲ್ಲ, ರಾಷ್ಟ್ರೀಯ ದಾಖಲೆ ನಿರ್ಮಿಸುವ ಮೂಲಕ ಚಿನ್ನದ ಕಿರೀಟವನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಮೈಸೂರು ಸ್ಪೋಟ್ರ್ಸ್ ಶೂಟಿಂಗ್ ಅಕಾಡೆಮಿಯ ತರಬೇತುದಾರ ಹೆಚ್.ಎಸ್. ವಿವೇಕ್ ಅವರ ಮಾರ್ಗದರ್ಶನದಲ್ಲಿ ಅವರು ತೋರಿದ ಶಿಸ್ತು ಮತ್ತು ಏಕಾಗ್ರತೆ ಇಂದು ಅವರನ್ನು ಯಶಸ್ಸಿನ ಉತ್ತುಂಗಕ್ಕೆ ಕೊಂಡೊಯ್ದಿದೆ.
Mysore,Mysore,Karnataka
