Last Updated:
ಪೌಷ್ಟಿಕಾಂಶ ತಜ್ಞರು ನಮ್ಮ ದೈನಂದಿನ ಆಹಾರದಲ್ಲಿ ಇಂತಿಷ್ಟೇ ಪ್ರೊಟೀನ್ ತೆಗೆದುಕೊಳ್ಳಬೇಕೆಂದು ಸೂಚಿಸುತ್ತಾರೆ. ಪ್ರೊಟೀನ್ ಮೂಲಗಳಿಂದ ಕೂಡ ನಮ್ಮ ಪ್ರೊಟೀನ್ ಅಗತ್ಯಗಳನ್ನು ನೆರವೇರಿಸಿಕೊಳ್ಳಬಹುದು.
ಪ್ರೊಟೀನ್ ಪೌಡರ್ (Protein Powder) ಅನ್ನು ನಮ್ಮ ಡಯೆಟ್ನಲ್ಲಿ (Diet) ಸೇರಿಸಿಕೊಳ್ಳುವುದು ದೈನಂದಿನ ಪ್ರೊಟೀನ್ ಗುರಿಯನ್ನು ಸಫಲಗೊಳಿಸಲು ಸಹಾಯ ಮಾಡುತ್ತದೆ. ಪ್ರೊಟೀನ್ ಪೌಡರ್ ಅನ್ನು ಶಾಪ್ಗಳಲ್ಲೇ ಖರೀದಿ ಮಾಡಬೇಕೆಂದಿಲ್ಲ ಮನೆಯಲ್ಲೇ ಶುಚಿಯಾಗಿ ಆರೋಗ್ಯಭರಿತವಾಗಿ (Healthy) ಪ್ರೊಟೀನ್ ಪೌಡರ್ ಅನ್ನು ತಯಾರಿಸಬಹುದಾಗಿದೆ. ಪೌಷ್ಟಿಕಾಂಶ ತಜ್ಞರು ನಮ್ಮ ದೈನಂದಿನ ಆಹಾರದಲ್ಲಿ (Food) ಇಂತಿಷ್ಟೇ ಪ್ರೊಟೀನ್ ತೆಗೆದುಕೊಳ್ಳಬೇಕೆಂದು ಸೂಚಿಸುತ್ತಾರೆ. ಪ್ರೊಟೀನ್ ಮೂಲಗಳಿಂದ ಕೂಡ ನಮ್ಮ ಪ್ರೊಟೀನ್ ಅಗತ್ಯಗಳನ್ನು ನೆರವೇರಿಸಿಕೊಳ್ಳಬಹುದು.
ಸಾಂದರ್ಭಿಕ ಚಿತ್ರ
ಸಸ್ಯಾಹಾರಿಗಳು ಟೋಫು, ಪನ್ನೀರ್, ಸೋಯಾ, ಸೋಯಾ ಬೀನ್ಸ್, ನಟ್ಸ್, ಸೀಡ್ಸ್ಗಳಿಂದ ಪ್ರೊಟೀನ್ ಅಗತ್ಯಗಳನ್ನು ಪೂರೈಸಿಕೊಳ್ಳಬಹುದು ಇನ್ನು ಮಾಂಸಾಹಾರಿಗಳು ಮೊಟ್ಟೆ, ಮೀನು, ಚಿಕನ್ ಮೊದಲಾದ ಆಹಾರ ಉತ್ಪನ್ನಗಳಿಂದ ಪ್ರೊಟೀನ್ ಅಗತ್ಯಗಳನ್ನು ಪೂರ್ಣಗೊಳಿಸಬಹುದು. ನಮ್ಮ ದೇಹದ ತೂಕಕ್ಕೆ ಅನುಗುಣವಾಗಿ ಇಂತಿಷ್ಟು ಪ್ರಮಾಣದ ಪ್ರೊಟೀನ್ ಸೇವನೆ ಕಡ್ಡಾಯವಾಗಿದ್ದು, ಇದು ತೂಕ ನಷ್ಟ, ತೂಕ ನಿರ್ವಹಣೆಗೂ ಸಹಕಾರಿಯಾಗಿದೆ. ಇಂದಿನ ಲೇಖನದಲ್ಲಿ ಮನೆಯಲ್ಲೇ ಪ್ರೊಟೀನ್ ಪೌಡರ್ ಹೇಗೆ ತಯಾರಿಸುವುದು ಎಂಬುದನ್ನು ತಿಳಿದುಕೊಳ್ಳೋಣ.
ಮನೆಯಲ್ಲೇ ಪ್ರೊಟೀನ್ ಪೌಡರ್ ತಯಾರಿಸುವುದು ಹೇಗೆ?
- ಈ ಪಾಕವಿಧಾನವನ್ನು ತಯಾರಿಸಲು, 1 ½ ಕಪ್ ಹಸಿ ಕುಂಬಳಕಾಯಿ ಬೀಜಗಳು ಮತ್ತು ½ ಕಪ್ ಚಿಯಾ ಬೀಜಗಳನ್ನು ಪ್ರತ್ಯೇಕವಾಗಿ ಪುಡಿ ಮಾಡಿಕೊಳ್ಳಿ ನಂತರ ಇದನ್ನು ಮಿಶ್ರ ಮಾಡಿ.
- ಒಂದು ಬಟ್ಟಲಿನಲ್ಲಿ, ನಿಮ್ಮ ಪುಡಿಮಾಡಿದ ಕುಂಬಳಕಾಯಿ ಬೀಜಗಳು ಮತ್ತು ಪುಡಿಮಾಡಿದ ಚಿಯಾ ಬೀಜಗಳನ್ನು 1 ಕಪ್ ಬಾದಾಮಿ ಹಿಟ್ಟು ಮತ್ತು ¼ ಕಪ್ ಪುಡಿಮಾಡಿದ ಅಗಸೆಯೊಂದಿಗೆ ಸೇರಿಸಿ.
- ಪರಿಮಳಕ್ಕಾಗಿ, 3 ಚಮಚ ಕೋಕೋ ಮತ್ತು 1 ಟೀಚಮಚ ದಾಲ್ಚಿನ್ನಿ ಸೇರಿಸಿ ಮತ್ತು ನಿಮ್ಮ ಪ್ರೋಟೀನ್ ಪುಡಿಯನ್ನು ಚೆನ್ನಾಗಿ ಮಿಶ್ರಣವಾಗುವವರೆಗೆ ಮಿಶ್ರಣ ಮಾಡಿ. ಇದರಲ್ಲಿ ಹತ್ತು ಸರ್ವಿಂಗ್ಗಳಿದ್ದು, ಪ್ರತಿ ಸರ್ವಿಂಗ್ನಲ್ಲಿ 13 ಗ್ರಾಂ ಪ್ರೊಟೀನ್ ದೊರೆಯುತ್ತದೆ.
- ಈ ಪ್ರೋಟೀನ್ ಪುಡಿಯನ್ನು ಫ್ರಿಡ್ಜ್ನಲ್ಲಿ ಮುಚ್ಚಿದ ಪಾತ್ರೆಯಲ್ಲಿ ಒಂದು ತಿಂಗಳು ಇಡಬಹುದು. ನೀವು ಅದನ್ನು ನಿಮ್ಮ ಸ್ಮೂಥಿಗಳು ಅಥವಾ ಪ್ರೋಟೀನ್ ಶೇಕ್ಗಳಲ್ಲಿ ಸುಲಭವಾಗಿ ಮಿಶ್ರಣ ಮಾಡಬಹುದು.
ಸಾಂದರ್ಭಿಕ ಚಿತ್ರ
ಮನೆಯಲ್ಲೇ ಮಾಡಿದ ಪ್ರೊಟೀನ್ ಪೌಡರ್ ಕುರಿತು ಆಹಾರ ತಜ್ಞೆ ಜೆಸ್ಸಿಕಾ ಬಾಲ್, ಎಂ.ಎಸ್., ಆರ್.ಡಿ ಅನಿಸಿಕೆ ವ್ಯಕ್ತಪಡಿಸಿದ್ದು ನಟ್ ಇಲ್ಲವೇ ಸೀಡ್ ಅಲರ್ಜಿ ಇಲ್ಲದೇ ಇರುವವರು ಮನೆಯಲ್ಲೇ ತಯಾರಿಸಿದ ಪ್ರೊಟೀನ್ ಪೌಡರ್ ಅನ್ನು ತಯಾರಿಸಬಹುದು. ಶಾಪ್ನಲ್ಲಿ ದೊರೆಯುವ ಪ್ರೊಟೀನ್ ಪೌಡರ್ಗಳು ಅಧಿಕ ಸಕ್ಕರೆಯನ್ನು ಹೊಂದಿರಬಹುದು, ಅಲ್ಲವೇ ಪೌಷ್ಟಿಕಾಂಶವಿಲ್ಲದ ಸಿಹಿಕಾರಗಳನ್ನು ಒಳಗೊಂಡಿರಬಹುದು ಹೀಗಾಗಿ ಪ್ರೊಟೀನ್ ಪೌಡರ್ ಅನ್ನು ಮನೆಯಲ್ಲೇ ತಯಾರಿಸಿಕೊಳ್ಳುವುದು ಒಳಿತು ಎಂದು ಬಾಲ್ ಹೇಳುತ್ತಾರೆ.
ಶಾಪ್ಗಳಲ್ಲಿ ಖರೀದಿಸುವ ಪ್ರೊಟೀನ್ ವಿಧಗಳಿಗಿಂತ ಇದು ಕಡಿಮೆ ಪ್ರೊಟೀನ್ ಅನ್ನು ಹೊಂದಿದೆ. ಯು.ಎಸ್.ನಲ್ಲಿ ಹೆಚ್ಚಿನ ಜನರು ತಮ್ಮ ವಿಶಿಷ್ಟ ಆಹಾರ ಪದ್ಧತಿಯೊಂದಿಗೆ ತಮ್ಮ ಪ್ರೋಟೀನ್ ಅಗತ್ಯಗಳನ್ನು ಪೂರೈಸುತ್ತಾರೆ. ಆದ್ದರಿಂದ ಇದು ನಿಮ್ಮ ಉಳಿದ ಆಹಾರಕ್ರಮಕ್ಕೆ ಹೇಗೆ ಹೊಂದಿಕೊಳ್ಳುತ್ತದೆ ಎಂಬುದನ್ನು ಪರಿಗಣಿಸಿ ಇದನ್ನು ತೆಗೆದುಕೊಳ್ಳುವುದು ಒಳಿತು ಎಂಬುದು ಬಾಲ್ ಸಲಹೆಯಾಗಿದೆ. ಮನೆಯಲ್ಲಿ ತಯಾರಿಸಿದ ಮತ್ತು ಅಂಗಡಿಯಲ್ಲಿ ಖರೀದಿಸಿದ ಪ್ರೋಟೀನ್ ಪುಡಿಗಳು ತಮ್ಮ ಸೇವನೆಯನ್ನು ಹೆಚ್ಚಿಸಲು ಬಯಸುವವರಿಗೆ ಉತ್ತಮ ಆಯ್ಕೆಗಳಾಗಿರಬಹುದು.
ನಿಮ್ಮ ಸ್ವಂತ ಪ್ರೋಟೀನ್ ಪೌಡರ್ ತಯಾರಿಸುವುದು ಹೆಚ್ಚು ಪ್ರೋಟೀನ್ ತಿನ್ನಲು ಆರೋಗ್ಯಕರ ಮತ್ತು ಸುಲಭವಾದ ಮಾರ್ಗವಾಗಿದೆ. ಇನ್ನು ಕೆಲವರು ಶಾಪ್ಗಳಲ್ಲೇ ಪ್ರೊಟೀನ್ ಪೌಡರ್ ಖರೀದಿಸುವುದು ಉತ್ತಮ ಎಂದು ಯೋಚಿಸುತ್ತಾರೆ ಈ ಸಮಯದಲ್ಲಿ ಉತ್ತಮ ಬ್ರ್ಯಾಂಡ್ನ ಪ್ರೊಟೀನ್ ಪೌಡರ್ಗಳಿಗೆ ಆದ್ಯತೆ ನೀಡಿ ಎಂದು ಬಾಲ್ ತಿಳಿಸುತ್ತಾರೆ.
