ಯೋಗರಾಜ್ ಭಟ್ರ ಎಣ್ಣೆ ಹಾಡು; ಇಲ್ಲೂ ಇದೆ ಭಗ್ನ ಪ್ರೇಮದ ಕತೆ!
(ಚಿತ್ರ ಕೃಪೆ: ಅಮೋಲ್ ಪಾಟೀಲ್ ಡೈರೆಕ್ಟರ್)
ಆದರೆ, ಈ ಬಾಯಾರಿಕೆ ಅಂದ್ರೆ ಎಣ್ಣೆಯ ಬಾಯಾರಿಕೆ ಇದಲ್ಲ. ಇದು ಪ್ರೀತಿಯ ಬಾಯಾರಿಕೆ ಅಂತಲೂ ಫೀಲ್ ಆಗ್ತಾ ಹೋಗುತ್ತದೆ. ಹಾಡನ್ನ ನೋಡ್ತಾ ಹೋದ್ರೆ ಇಡೀ ಹಾಡಿನ ಒಳಗೆ ಇರೋ ಭಗ್ನ ಪ್ರೀತಿಯ ಚಿತ್ರಣ ಮನಸ್ಸಿಗೆ ಇಳಿಯುತ್ತದೆ.
ಈ ಒಂದು ಹಾಡಿನಲ್ಲಿ ಅಮಲಿನ ವಿಚಾರವು ಬರುತ್ತದೆ. ಆದರೆ, ಈ ಅಮಲು ಎಣ್ಣೆಯ ಅಮಲಲ್ಲ. ಇದು ಪ್ರೀತಿಯ ಮತ್ತು ಅವಳ ಮೇಲಿನ ಒಲವಿನ ಅಮಲಿನ ಕತೆ ಹೇಳುತ್ತದೆ.
ಪ್ರೀತಿ ಕೂಡ ಅಮಲು ಅಲ್ಲವೇ ಅಂತಲೂ ಹೇಳಿರೋದು ಇದೆ. ಇದರಲ್ಲಿ ಒಂದು ಸಾಲಿದೆ. ಅದು ಅಷ್ಟೆ ಅದ್ಭುತವಾಗಿಯೇ ಇದೆ.
ನಿನ್ನ ಅಮಲಿನಲ್ಲಿ…
(ಚಿತ್ರ ಕೃಪೆ: ಅಮೋಲ್ ಪಾಟೀಲ್ ಡೈರೆಕ್ಟರ್)
ಈ ಸಾಲಿನ ಮುಂದೆ ಇನ್ನು ಎರಡು ಸಾಲು ಬರುತ್ತವೆ. ನೀ ಇರದ ಊರಿನಲಿ.. ನೆರಳಿರದ ದಾರಿಯಲ್ಲಿ .. ಕೊನೆಗೊಂದು ಬಾರಿರಲಿ.. ಅನ್ನೋದೇ ಈ ಸಾಲಾಗಿದೆ.
ಇದನ್ನ ನೋಡ್ತಾ ಹೋದ್ರೆ ಪ್ರೀತಿಯ ಅಮಲಿನಲ್ಲಿರೋ ಪ್ರೇಮಿಯ ಆಸೆಗಳು ಅದೆಷ್ಟು ನೋಡಿ ಅನಿಸುತ್ತದೆ. ನೀ ಇರದ ಊರಿನಲ್ಲಿ ನೆರಳೂ ಇರದ ದಾರಿಯಲ್ಲಿ ಕೊನೆಗೊಂದು ಬಾರು ಇರಲಿ ಅಂತ ಕೇಳುವುದು ವಿಷಾದದ ಉತ್ತುಂಗ ಅನಿಸುತ್ತದೆ.
ಈ ಹಾಡಿನಲ್ಲಿ ಬರೂ ನಾಯಕಿಯ ಹೆಸರು ಅಮಲಾ ಅಂತಲೇ ಇದೆ. ಈ ಅಮಲಾಳ ಅಮಲಿನಲ್ಲಿಯೇ ಇರೋ ಪ್ರೇಮಿ ಒಂದು ಮಾತು ಹೇಳ್ತಾನೆ. ಸದಾ ನಿನ್ನ ಅಮಲಿನಲ್ಲಿಯೇ ಇರೋಕೆ ಇಷ್ಟ ಪಡುತ್ತೇನೆ.
ಈ ಅಮಲಿನಿಂದ ಹೊರಗೆ ಬಂದ್ರೆ ಬೇಸರ ಆಗುತ್ತದೆ ಅನ್ನುವ ಅರ್ಥದಲ್ಲಿಯೇ ಒಂದು ಲೈನ್ ಕೂಡ ಬರುತ್ತದೆ. ಅಂದ್ಹಾಗೆ ಈ ಹಾಡಿನಲ್ಲಿ ಪ್ರಜ್ವಲ್ ಶೆಟ್ಟಿ ಬಂಬ್ರಾಣ, ವೆನ್ಸಿಟಾ ಡಯಾಸ್, ದೀಕ್ಷಾ ಭೀಸೆ ಇವರೆಲ್ಲ ಅಭಿನಯಿಸಿದ್ದಾರೆ. ಇಡೀ ಹಾಡಿನಲ್ಲಿ ಇವರೇ ಹೈಲೈಟ್ ನೋಡಿ.
ಗಜಲ್ ರೀತಿನೆ ಫೀಲ್ ಆಗುವ ಈ ಹಾಡನ್ನ ವಾಸುಕಿ ವೈಭವ್ ಹಾಡಿದ್ದಾರೆ. ಯೋಗಾಜ್ ಭಟ್ ಬರೆದಿದ್ದಾರೆ. ಚೇತನ್ ಸೋಸ್ಕಾ ಮ್ಯೂಸಿಕ್ ಮಾಡಿದ್ದಾರೆ.
ಭಟ್ರ ಶಿಷ್ಯ ಅಮೋಲ್ ಪಾಟೀಲ್ ಈ ಹಾಡನ್ನ ಡೈರೆಕ್ಷನ್ ಮಾಡಿದ್ದಾರೆ. ಇನ್ನುಳಿದಂತೆ ಈ ವಿಡಿಯೋ ಸಾಂಗ್ ಹೃದಯ ತಟ್ಟುತ್ತದೆ. ಜನರ ಪ್ರೀತಿಯನ್ನು ತನ್ನದೇ ರೀತಿಯಲ್ಲಿ ಗೆಲ್ಲುತ್ತಿದೆ ಅಂತ ಹೇಳಬಹುದು.
