ಅನಿರೀಕ್ಷಿತ ಅತಿಥಿಗಳು ಚಿತ್ರದ (Anireekshitha Atithigalu Movie) ಕತೆ ಏನು ಅಂತ ಮೊದಲೇ ಗೊತ್ತಿತ್ತು. ರಂಗಭೂಮಿ ಕಲಾವಿದರೇ ಸೇರಿ ಈ ಚಿತ್ರ ಮಾಡಿದ್ದೇವೆ ಅಲ್ವೇ? ಹಾಗಾಗಿಯೇ ಈ ಕತೆ ಹೇಗೆ ಹುಟ್ಟಿದೆ ಅನ್ನೋದು ತಿಳಿದಿದೆ. ಇದರಲ್ಲಿ ಬರುವ ಪಾತ್ರಗಳ ಪರಿಚಯ ಆಗಲೇ ಇತ್ತು. ಗೆಳೆಯ ಹಾಗೂ ಚಿತ್ರದ ಡೈರೆಕ್ಟರ್ ಮನೋಜ್ ಅಣ್ಣಯ್ಯ (Manoj Annaiah) ನಾವೆಲ್ಲ ಒಟ್ಟಿಗೆ ಕೆಲಸ ಮಾಡಿದವರು. ಮನೋಜ್ ಅಭಿನಯ ಕೂಡ ಮಾಡಿದ್ದಾರೆ. ಇವರೆ ಕತೆಯನ್ನ ಬರೆದಿರೋದ್ರಿಂದ ನಾವೆಲ್ಲ ಜೊತೆಗೇನೆ ಇದ್ದೇವು. ಆದರೆ, ಈ ಒಂದು ಚಿತ್ರದಲ್ಲಿ ನನಗೂ ಒಂದು ಪಾತ್ರ ಇದೆ ಅನ್ನೋದು ತಿಳಿದಿರಲಿಲ್ಲ. ಅದು ನಿಜಕ್ಕೂ ಅನಿರೀಕ್ಷಿತವೇ ಆಗಿತ್ತು. ನನಗೆ ಇದು ಅನಿರೀಕ್ಷಿತವಾಗಿ ಸಿಕ್ಕ ಪಾತ್ರ ಅಂತ ಈ ಚಿತ್ರಕ್ಕೆ ಅನಿರೀಕ್ಷಿತ ಅತಿಥಿಗಳು ಅಂತ ಟೈಟಲ್ ಏನೂ ಇಲ್ಲ. ಹೀಗೆ ಚಿತ್ರದ ನಾಯಕ ನಟ ವಿವೇಕ್ ಸಿಂಹ (Vivek Simha) ಹೇಳಿಕೊಂಡಿದ್ದಾರೆ. ನ್ಯೂಸ್ -18 ಕನ್ನಡ ಡಿಜಿಟಲ್‌ ಜೊತೆಗಿನ Exclusive ಸಂದರ್ಶನದಲ್ಲಿಯೇ ಇದನ್ನ ಹೇಳಿಕೊಂಡಿದ್ದಾರೆ. ಇವರ ಮಾತುಗಳ ಕಂಪ್ಲೀಟ್ ವಿವರ ಇಲ್ಲಿದೆ ಓದಿ.