ಹೌದು, ವಿರಾಟ್ ಕೊಹ್ಲಿ ಫಿಟ್ನೆಸ್ಗೆ ತುಂಬಾ ಗಮನ ಕೊಡುತ್ತಾರೆ. ಆದರೆ ಅವರ ಫಿಟ್ನೆಸ್ ಕೇವಲ ದೇಹದ ಬಗ್ಗೆ ಮಾತ್ರವಲ್ಲ. ನಿಯಮಿತ ವ್ಯಾಯಾಮ, ನಿಯಂತ್ರಿತ ಅಭ್ಯಾಸ, ಸಾಕಷ್ಟು ವಿಶ್ರಾಂತಿ ಮತ್ತು ಮಾನಸಿಕ ಶಿಸ್ತು ಇವೆಲ್ಲವೂ ಇದರಲ್ಲಿ ಸೇರಿವೆ.
ಆದರೆ ವ್ಯಾಯಾಮ ಮತ್ತು ಆಹಾರಕ್ಕಿಂತಲೂ ಮುಖ್ಯವಾದ ಒಂದು ವಿಷಯ ಇದೆ. ಅದು ಇಲ್ಲದಿದ್ದರೆ ಎಷ್ಟು ಕಷ್ಟಪಟ್ಟು ಟ್ರೈನಿಂಗ್, ಡಯಟ್ ಮಾಡಿದರೂ ಫಲಿತಾಂಶ ಬರುವುದಿಲ್ಲ. ಕೊಹ್ಲಿ ಇಂದಿಗೂ ಮೊದಲ ಸ್ಥಾನದಲ್ಲಿ ಇರುವುದಕ್ಕೆ ಕಾರಣವಾದ ಆ ಒಂದು ಅಂಶ ಏನು? ಅದನ್ನು ಈಗ ತಿಳಿದುಕೊಳ್ಳೋಣ ಬನ್ನಿ.
ವಿರಾಟ್ ಕೊಹ್ಲಿ ಬೆಳಿಗ್ಗೆ ಬೇಗ ಎದ್ದು ಯೋಗ ಮತ್ತು ದೇಹವನ್ನು ಸಡಿಲಗೊಳಿಸುವ ವ್ಯಾಯಾಮದಿಂದ ದಿನ ಆರಂಭಿಸುತ್ತಾರೆ. ನಂತರ ತೂಕ ಎತ್ತುವ ವ್ಯಾಯಾಮ, ಡೆಡ್ಲಿಫ್ಟ್, ಸ್ಕ್ವಾಟ್ ಮಾಡುತ್ತಾರೆ. ಜೊತೆಗೆ ವೇಗದ ಓಟ, HIIT ಮತ್ತು ಚುರುಕಾಗಿ ಚಲಿಸುವ ಅಭ್ಯಾಸಗಳನ್ನು ಮಾಡುತ್ತಾರೆ. ವಾರಕ್ಕೆ 5-6 ದಿನ ತರಬೇತಿ ಮಾಡುತ್ತಾರೆ.
ಉಳಿದ ದಿನಗಳಲ್ಲಿ ಲಘು ವ್ಯಾಯಾಮ ಮತ್ತು ಸ್ಟ್ರೆಚಿಂಗ್ ಮಾಡುತ್ತಾರೆ. ಇದೆಲ್ಲಾ ಕೇವಲ ಮಸಲ್ ಗೇನ್ ಮಾಡಲು ಅಲ್ಲ. ಮೈದಾನದಲ್ಲಿ ವೇಗವಾಗಿ ಓಡಲು, ಬ್ಯಾಟ್ ಮಾಡುವಾಗ ಶಕ್ತಿ ಉಳಿಸಿಕೊಳ್ಳಲು ಮತ್ತು ಗಾಯವಾಗದಂತೆ ಇರಲು ಇದನ್ನು ಮಾಡುತ್ತಾರೆ.
ವಿರಾಟ್ ಕೊಹ್ಲಿ ತಿನ್ನುವ ಆಹಾರ ತುಂಬಾ ಸರಳ. 2018ರ ನಂತರ ಅವರು ಸಸ್ಯಾಹಾರಕ್ಕೆ ತಿರುಗಿದರು. ಅವರು ತಿನ್ನುವ 90% ಆಹಾರವನ್ನು ಆವಿಯಲ್ಲಿ ಅಥವಾ ನೀರಿನಲ್ಲಿ ಕುದಿಸಿ ಬೇಯಿಸುತ್ತಾರೆ. ಮಸಾಲೆ, ಎಣ್ಣೆ ಮತ್ತು ಸಕ್ಕರೆ ಬಹುತೇಕ ಬಳಸುವುದಿಲ್ಲ. ಉಪ್ಪು, ಮೆಣಸು ಮತ್ತು ನಿಂಬೆರಸ ಮಾತ್ರ ಹಾಕುತ್ತಾರೆ.
ಸಲಾಡ್, ದಾಲ್, ರಾಜ್ಮಾ, ಅಲಸಂದೆ, ಕ್ವಿನೋವಾ, ಟೋಫು, ತರಕಾರಿ ಮತ್ತು ಹಸಿರು ಎಲೆಗಳು ಅವರ ಮುಖ್ಯ ಆಹಾರ. ರುಚಿಗಾಗಿ ಅಲ್ಲ, ದೇಹಕ್ಕೆ ಶಕ್ತಿ ಕೊಡಲು ತಿನ್ನುತ್ತಾರೆ. ಒಂದೇ ರೀತಿಯ ಆಹಾರವನ್ನು ತಿಂಗಳುಗಳ ಕಾಲ ಮೂರು ಹೊತ್ತು ತಿನ್ನುವುದಕ್ಕೆ ಅವರಿಗೆ ಯಾವುದೇ ತೊಂದರೆ ಇಲ್ವಂತೆ.
ಎಲ್ಲಕ್ಕಿಂತ ಮುಖ್ಯವಾದುದು ಶಿಸ್ತು ಮತ್ತು ನಿರಂತರ ಅಭ್ಯಾಸ. ಕೊಹ್ಲಿ ಹೇಳುವ ಪ್ರಕಾರ, ವ್ಯಾಯಾಮ ಮಾಡುವುದು ಸುಲಭ, ಆದರೆ ತಿನ್ನುವುದನ್ನು ನಿಯಂತ್ರಿಸುವುದು ಕಷ್ಟ. ಆದರೆ ವರ್ಷಗಳಿಂದ ಇದನ್ನೇ ಒಂದೇ ರೀತಿ ಮಾಡುವ ಮನಸ್ಸಿನ ಬಲವೇ ಅವರ ನಿಜವಾದ ಫಿಟ್ನೆಸ್ ಸೀಕ್ರೆಟ್. ಎಂಟು ಗಂಟೆ ನಿದ್ರೆ, ವಿಶ್ರಾಂತಿ, ಧ್ಯಾನ ಮತ್ತು ಪ್ರತಿದಿನದ ರೊಟೀನ್ ಅನ್ನು ಆಫ್ ಸೀಸನ್ನಲ್ಲೂ ಬಿಡುವುದಿಲ್ಲ. ಫಿಟ್ನೆಸ್ ಒಂದು ದಿನದ ಕೆಲಸವಲ್ಲ, ಅದು ಜೀವನಶೈಲಿ. ಇದೇ ಕಾರಣಕ್ಕೆ ಕೊಹ್ಲಿ ವರ್ಷಗಳ ನಂತರವೂ ಶಿಖರದಲ್ಲಿದ್ದಾರೆ.
