ಜಿಂಬಾಬ್ವೆ ವಿರುದ್ಧದ ಸರಣಿಯ ಮೊದಲ ಪಂದ್ಯದಲ್ಲಿ ವೈಭವ್ ಸೂರ್ಯವಂಶಿ ಕೇವಲ 19 ಎಸೆತಗಳಲ್ಲಿ ತಮ್ಮ ಮೊದಲ ಅರ್ಧಶತಕ ಬಾರಿಸಿ ಔಟಾದರು. ಹೀಗಾಗಿ ಎರಡನೇ ಪಂದ್ಯದಲ್ಲಿ ಅವರು ಬಿಗ್ ಇನ್ನಿಂಗ್ಸ್ ಆಡಬಹುದು ಎಂದು ಎಲ್ಲರಿಗೂ ಅನಿಸಿತು. ಅದರಂತೆ ಸೂರ್ಯವಂಶಿ ಭರ್ಜರಿ ಬ್ಯಾಟಿಂಗ್ ಮಾಡಿದರು.

ವೆಸ್ಲಿ ಮಧ್ವರೆ ಎಸೆದ 15ನೇ ಓವರಿನ ಕೊನೆಯ ಎಸೆತದಲ್ಲಿ ವೈಭವ್ ದೊಡ್ಡ ಹೊಡೆತ ಹೊಡೆಯಲು ಪ್ರಯತ್ನಿಸಿದರು. ಲಾಂಗ್ ಆಫ್‌ನಲ್ಲಿ ನಿಂತಿದ್ದ ಬ್ರಾಡ್ ಇವಾನ್ಸ್ ಮುಂದಕ್ಕೆ ಡೈವ್ ಮಾಡಿ ಅದ್ಭುತ ಕ್ಯಾಚ್ ಹಿಡಿದರು. ವೈಭವ್ ಹೊರಹೋಗಲು ಸಿದ್ಧರಾಗಿರಲಿಲ್ಲ, ರಿವ್ಯೂಗಾಗಿ ಕಾಯುತ್ತಿದ್ದರು. ಆದರೆ ಟಿವಿ ಅಂಪೈರ್ ಅದು ಸರಿಯಾದ ಕ್ಯಾಚ್ ಎಂದು ದೃಢಪಡಿಸಿದಾಗ ಅವರು ಬಹಳ ನಿರಾಶೆಯಿಂದ ಹಿಂತಿರುಗಿದರು.

ವೈಭವ್ ಸೂರ್ಯವಂಶಿ ಈ ಪಂದ್ಯದಲ್ಲಿ ಶತಕ ಹೊಡೆದಿದ್ದರೆ, ಟಿ20 ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಶತಕ ಹೊಡೆದ ಅತಿ ಚಿಕ್ಕ ವಯಸ್ಸಿನ ಆಟಗಾರನೆಂಬ ದಾಖಲೆ ಅವರಿಗೆ ಸಿಗುತ್ತಿತ್ತು. ಅವರ ವಯಸ್ಸು ಕೇವಲ 15 ವರ್ಷ 121 ದಿನಗಳು. ಆದರೆ ಅವರು ಶತಕ ಹೊಡೆಯಲು ಸಾಧ್ಯವಾಗಲಿಲ್ಲ. ಹೀಗಾಗಿ ಸೂರ್ಯವಂಶಿ ವಿಶ್ವ ದಾಖಲೆಯನ್ನು ಮಿಸ್ ಮಾಡಿಕೊಂಡರು.

ವೈಭವ್ ಸೂರ್ಯವಂಶಿ ಟಿ20 ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಅರ್ಧಶತಕ ಹೊಡೆದ ಅತಿ ಚಿಕ್ಕ ವಯಸ್ಸಿನ ಆಟಗಾರ.  ಜುಲೈ 23ರಂದು ಹರಾರೆಯಲ್ಲಿ ಜಿಂಬಾಬ್ವೆ ವಿರುದ್ಧ 15 ವರ್ಷ 118 ದಿನಗಳ ವಯಸ್ಸಿನಲ್ಲಿ ಅವರು ಈ ದಾಖಲೆ ಮಾಡಿದರು. ಆ ಪಂದ್ಯದಲ್ಲಿ ಎಡಗೈ ಆರಂಭಿಕ ಬ್ಯಾಟರ್ ಕೇವಲ 18 ಎಸೆತಗಳಲ್ಲಿ ತಮ್ಮ ಮೊದಲ ಅಂತಾರಾಷ್ಟ್ರೀಯ ಅರ್ಧಶತಕವನ್ನು ಹೊಡೆದರು. ಈ ಇನ್ನಿಂಗ್ಸ್‌ನಿಂದ ಅವರು ಪುರುಷರ ಅಂತಾರಾಷ್ಟ್ರೀಯ ಕ್ರಿಕೆಟ್‌ನ ಎಲ್ಲಾ ಫಾರ್ಮ್ಯಾಟ್‌ಗಳಲ್ಲಿ ಅರ್ಧಶತಕ ಹೊಡೆದ ಅತಿ ಕಿರಿಯ ಆಟಗಾರರೂ ಆದರು.