ಈ ಕಾರಣದಿಂದ ತಿರುಮಲದಲ್ಲಿ ಭದ್ರತೆಯೂ ಮತ್ತಷ್ಟು ಹೆಚ್ಚಾಗಲಿದೆ. ಭಕ್ತರಿಗೆ ಮಾತ್ರ ಅಲ್ಲ, ಭದ್ರತೆಗೂ ಕೂಡ ಇಲ್ಲಿನ ಆಡಳಿತ ವರ್ಗ ಫೋಕಸ್ ಮಾಡುತ್ತಿದೆ. ತಿರುಮಲದಲ್ಲಿ ಅನುಮಾನಾಸ್ಪದವಾಗಿ ತಿರುಗಾಡುವವರ ಮೇಲೆ ಕಣ್ಣಿಡಲು ಮುಂದಾಗಿದೆ. ಅಂಗಡಿಗಳು, ಹೋಟೆಲ್‌ಗಳು, ಕಾರ್ಮಿಕರಲ್ಲಿ ಸೇರಿದಂತೆ ಜನರ ನಡುವೆ ಅನುಮಾನಾಸ್ಪದವಾಗಿ ಯಾರೇ ಕಂಡು ಬಂದರೂ ವಿಚಾರಣೆ ನಡೆಸಲು ಮುಂದಾಗುತ್ತಿದೆ.

ತಿರುಮಲ ಬೆಟ್ಟದ ಮೇಲೆ 1299 ಅಂಗಡಿಗಳು ಇದೆ. ಬೀದಿ ಬದಿ ವ್ಯಾಪಾರಿಗಳ ಸಂಖ್ಯೆ ಸುಮಾರು 588ರಷ್ಟಿದೆ ಎಂದು ಟಿಟಿಡಿ ಲೆಕ್ಕಾಚಾರಗಳು ಹೇಳ್ತಿದೆ. ತಿರುಮಲದಲ್ಲಿ ಶಾಪ್, ಹೋಟೆಲ್, ಫಾಸ್ಟ್ ಫುಡ್ ಸೆಂಟರ್‌ಗಳಲ್ಲಿ ಬೇರೆ ಬೇರೆ ಪ್ರದೇಶಗಳಿಂದ ಬಂದು ಕೆಲಸ ಮಾಡುತ್ತಿರುವವರ ಸಂಖ್ಯೆ ಸುಮಾರು ಸಾವಿರ ಮಂದಿಯಷ್ಟಿದ್ದಾರೆ. ಇವರಿಗೆ ತಿರುಮಲದಲ್ಲಿ ಉಳಿದುಕೊಳ್ಳಲು ಅನುಮತಿ ಇಲ್ಲ. ತಿರುಪತಿಯಿಂದ ಬಂದ ಪ್ರತಿದಿನ ವಾಪಸ್ ಆಗಲೇಬೇಕು. ಆದರೆ ಕೆಲವರು ಭಕ್ತರ ನಡುವೆ ಇದ್ದು, ಸಣ್ಣ ಸಣ್ಣ ವ್ಯಾಪಾರ ಮಾಡುತ್ತಿರುತ್ತಾರೆ. ಆ ಮೂಲಕ ಅನಧಿಕೃತವಾಗಿ ಜೀವನ ನಡೆಸುತ್ತಿದ್ದಾರೆ. ಇಂತಹವರ ಸಂಖ್ಯೆ ಸುಮಾರು ಒಂದು ಸಾವಿರ ಮಂದಿ ಇದ್ದಾರೆ ಎಂದು ಅಂದಾಜು ಮಾಡಲಾಗಿದೆ.

ತಿರುಮಲದಲ್ಲಿ ಅದರಲ್ಲೂ ಭಕ್ತರ ಸಂಖ್ಯೆ ಹೆಚ್ಚಾಗಿರುವ ಪ್ರದೇಶಗಳಲ್ಲಿ, ಭಕ್ತರ ಹೆಸರಿನಲ್ಲಿಯೇ ಅನಧಿಕೃತವಾಗಿ ನಿಯಮಗಳಿಗೆ ವಿರುದ್ಧವಾಗಿ ಸಣ್ಣ ಸಣ್ಣ ವ್ಯಾಪಾರ ಮಾಡುತ್ತಾರೆ. ಮತ್ತೊಂದು ಕಡೆ ತಿರುಮಲದಲ್ಲಿ ಅಭಿವೃದ್ಧಿ ಕಾಮಗಾರಿಗಳು, ಭವನ ನಿರ್ಮಾಣ ಕೆಲಸಗಳು ನಡೆಯುತ್ತಿರುತ್ತವೆ. ಈ ಕೆಲಸ ಮಾಡಲು ಹೊರ ಪ್ರದೇಶಗಳಿಂದ ಆಗಮಿಸುತ್ತಾರೆ. ಇಂತಹವರ ಸಂಖ್ಯೆ ಕೂಡ ಅಧಿಕೃತವಾಗಿ ದಾಖಲಿಸಲಾಗುತ್ತದೆ. ಟಿಟಿಡಿಗೆ ಸಂಬಂಧ ಇಲ್ಲದೆ, ತಿರುಮಲಕ್ಕೆ ಬಂದು ಮತದಾನದ ಹಕ್ಕನ್ನು ಸುಮಾರು 1000 ಮಂದಿಯನ್ನು ಗುರುತಿಸಿದ್ದಾರೆ. SIRನಲ್ಲಿ ಇಂತಹ ಪ್ರಕರಣಗಳನ್ನು ಕಂಡುಕೊಳ್ಳಲು ತಿರುಮಲದಲ್ಲಿ ತನಿಖೆಗಳನ್ನು ನಡೆಸಲು ಅನುಮತಿ ನೀಡಿ ಅನುಮಾನಾಸ್ಪದ ವ್ಯಕ್ತಿಗಳನ್ನು ಗುರುತಿಸಿ ಅವರನ್ನು ಬೆಟ್ಟದಿಂದ ಕಳುಹಿಸುವ ಕೆಲಸ ಆಗ್ತಿದೆ.