ಆದರೆ ಬದಲಾದ ಕಾಲಕ್ಕೆ ತಕ್ಕಂತೆ ಕ್ರಿಕೆಟ್ ಕೂಡ ಗಮನಾರ್ಹ ಬದಲಾವಣೆಗಳಿಗೆ ಒಳಗಾಗಿದೆ. ಬಿಳಿ ಜೆರ್ಸಿಯಿಂದ ಕಲರ್ ಜರ್ಸಿಗೆ, ಐದು ದಿನಗಳ ಕ್ರಿಕೆಟ್‌ನಿಂದ 50, 20 ಓವರ್ ಕ್ರಿಕೆಟ್​​​ಗೆ ಆಟ ವಿಕಸನಗೊಂಡಿದೆ, ಆದರೆ ವೇಗದ ಬೌಲರ್​​ಗಳ ಭಯ ಇನ್ನೂ ಬದಲಾಗಿಲ್ಲ. ಟಿ20 ಅಂತರರಾಷ್ಟ್ರೀಯ ಕ್ರಿಕೆಟ್ ಪ್ರವೇಶಿಸಿದಾಗ, ಬ್ಯಾಟ್ಸ್‌ಮನ್‌ಗೆ ಅನುಕೂಲಕರವಾದ ಈ ಸ್ವರೂಪವು ವೇಗದ ಬೌಲರ್‌ಗಳ ಪ್ರಾಬಲ್ಯವನ್ನು ಕೊನೆಗೊಳಿಸುತ್ತದೆ ಎಂದು ತೋರುತ್ತಿತ್ತು, ಆದರೆ ಅದು ಆಗಲಿಲ್ಲ.  ಇಂದಿಗೂ ಕೆಲವು ವೇಗದ ಬೌಲರ್ಸ್ ಮ್ಯಾಚ್ ವಿನ್ನರ್​​ಗಳಾಗಿ ತಮ್ಮನ್ನ ತಾವೂ ಸಾಬೀತುಪಡಿಸಿಕೊಂಡಿದ್ದಾರೆ.  ತಮ್ಮ ವೇಗದಿಂದಲೇ ಎಲ್ಲರನ್ನೂ ಬೆರಗುಗೊಳಿಸಿದ ಐದು ಟಿ20 ವೇಗದ ಬೌಲರ್‌ಗಳ ಬಗ್ಗೆ ಈ ಸುದ್ದಿಯಲ್ಲಿ ತಿಳಿಯೋಣ.

ಭಾರತದ ವೇಗದ ಬೌಲರ್ ಜಸ್ಪ್ರೀತ್ ಬುಮ್ರಾ ಅಂತಾರಾಷ್ಟ್ರೀಯ ಟಿ20ಐ ಪಂದ್ಯದಲ್ಲಿ ವೇಗದ ಬೌಲರ್‌ಗಳ ಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿದ್ದಾರೆ. ಅಂತರರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಬುಮ್ರಾ ಗಂಟೆಗೆ 153.6 ಕಿಲೋಮೀಟರ್ ವೇಗದಲ್ಲಿ ಬೌಲಿಂಗ್ ಮಾಡಿರುವ ದಾಖಲೆಯನ್ನು ಹೊಂದಿದ್ದಾರೆ. ಅವರು 2019 ರಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಈ ವೇಗದ ಎಸೆತವನ್ನ ಮಾಡಿದ್ದರು.

ನಾಲ್ಕನೇ ಸ್ಥಾನದಲ್ಲಿ ದಕ್ಷಿಣ ಆಫ್ರಿಕಾದ ವೇಗದ ಬೌಲರ್ ಇದ್ದಾರೆ. ತಮ್ಮ ವೇಗದಿಂದ ವಿನಾಶವನ್ನುಂಟು ಮಾಡಬಲ್ಲ ಆನ್ರಿಕ್, 2022 ರ ಟಿ20 ವಿಶ್ವಕಪ್‌ನಲ್ಲಿ ಬಾಂಗ್ಲಾದೇಶ ವಿರುದ್ಧ ಗಂಟೆಗೆ 154.31 ಕಿಲೋಮೀಟರ್ ವೇಗದಲ್ಲಿ ಬೌಲಿಂಗ್ ಮಾಡಿದ್ದರು.

ನ್ಯೂಜಿಲೆಂಡ್‌ನ ವೇಗದ ಬೌಲರ್ ಲಾಕಿ ಫರ್ಗುಸನ್ 2022 ರ ಟಿ20 ವಿಶ್ವಕಪ್‌ನಲ್ಲಿ ಗಂಟೆಗೆ 154.55 ಕಿಲೋಮೀಟರ್ ವೇಗದಲ್ಲಿ ಬೌಲಿಂಗ್ ಮಾಡಿದ್ದರು. ಇದು ಫರ್ಗುಸನ್ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿಸಿದೆ.

ಪಟ್ಟಿಯಲ್ಲಿರುವ ಎರಡನೇ ಹೆಸರು ಭಾರತೀಯ ವೇಗಿ ಉಮ್ರಾನ್ ಮಲಿಕ್. 2023 ರಲ್ಲಿ, ಶ್ರೀಲಂಕಾ ವಿರುದ್ಧದ ಟಿ20 ಅಂತರರಾಷ್ಟ್ರೀಯ ಪಂದ್ಯದಲ್ಲಿ ಉಮ್ರಾನ್ ಗಂಟೆಗೆ 155 ಕಿಲೋಮೀಟರ್ ವೇಗದಲ್ಲಿ ಎಸೆತವನ್ನು ಎಸೆದರು. ಉಮ್ರಾನ್ ತಮ್ಮ ಮಾರಕ ವೇಗದಿಂದ ಅಭಿಮಾನಿಗಳನ್ನು ಆಕರ್ಷಿಸಿದ್ದರು. ಅವರು ಅಖ್ತರ್ ಅವರ ವೇಗದ ಎಸೆತದ ದಾಖಲೆಯನ್ನು ಮುರಿಯುತ್ತಾರೆ ಎಂದೇ ನಂಬಲಾಗಿತ್ತು. ಆದರೆ ಅದು ಇನ್ನೂ ಸಂಭವಿಸಿಲ್ಲ. ಅವರು ಪ್ರಸ್ತುತ ಗಾಯದ ಸಮಸ್ಯೆಯಿಂದ ಬಳಲುತ್ತಿದ್ದಾರೆ.

ಈ ಇಂಗ್ಲಿಷ್ ಬೌಲರ್ ಟಿ20 ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ 156.3 ಕಿಮೀ/ಗಂ ವೇಗದಲ್ಲಿ ಬೌಲಿಂಗ್ ಮಾಡಿದ ದಾಖಲೆಯನ್ನು ಹೊಂದಿದ್ದಾರೆ. ಮಾರ್ಕ್ ವುಡ್ ಟೆಸ್ಟ್ ಸ್ವರೂಪದಲ್ಲಿ 154.74 ಕಿಮೀ ವೇಗದಲ್ಲಿ ಬೌಲಿಂಗ್ ಮಾಡಿದ್ದಾರೆ. ಚೆಂಡಿನ ಬೌನ್ಸ್ ಮತ್ತು ವೇಗವನ್ನು ಇಚ್ಛೆಯಂತೆ ಹೊಂದಿಸಬಲ್ಲ ಬೌಲರ್‌ಗಳಲ್ಲಿ ವುಡ್ ಕೂಡ ಒಬ್ಬರು.