ರೋಹಿತ್ ಶರ್ಮಾ (Rohit Sharma) ಎಂದರೆ ಕಣ್ಣುಗಳ ಮುಂದೆ ಮೊದಲು ಬರುವುದು ನೀಲಿ ಜರ್ಸಿ (Blue Jersey), ಬ್ಯಾಟ್ (Bat) ಹಿಡಿದು ಸಿಕ್ಸರ್‌ಗಳ ಮಳೆ ಸುರಿಸುವ ಸ್ಪೋಟಕ ಬ್ಯಾಟರ್. ಈಗ ಅದೇ ರೋಹಿತ್ ಹೊಸ ರಂಗಕ್ಕೆ ಬರುತ್ತಿದ್ದಾರೆ. ಹೌದು, ಇತ್ತೀಚಿನ ದಿನಗಳಲ್ಲಿ ರೋಹಿತ್ ಶರ್ಮಾ ಮತ್ತೆ ಸುದ್ದಿಯಲ್ಲಿದ್ದಾರೆ. ಅವರು ಟೆಸ್ಟ್ (Test) ಮತ್ತು ಟಿ20ಯಿಂದ ನಿವೃತ್ತರಾದರೂ ಏಕದಿನ (ODI) ಪಂದ್ಯಗಳನ್ನು ಆಡುತ್ತಲೇ ಇದ್ದಾರೆ. ಆದರೂ ತಂಡದಲ್ಲಿ ಅವರ ಸ್ಥಾನದ ಬಗ್ಗೆ ಪ್ರತಿದಿನ ವದಂತಿಗಳು ಬರುತ್ತಿವೆ. ಮುಂದಿನ ವರ್ಷದ ಏಕದಿನ ವಿಶ್ವಕಪ್‌(World Cup)ನಲ್ಲಿ ಅವರಿಗೆ ಸ್ಥಾನ ಸಿಗುತ್ತದೆಯೇ ಎಂಬ ಚರ್ಚೆಯೂ ನಡೆಯುತ್ತಿದೆ. ಈಗ ರೋಹಿತ್ ಟಿವಿ (TV) ಶೋ (Show)ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.