Last Updated:
ಟೆಸ್ಟ್ ಮತ್ತು ಟಿ20 ಕ್ರಿಕೆಟ್ನಿಂದ ನಿವೃತ್ತರಾಗಿರುವ ರೋಹಿತ್ ಮತ್ತು ಕೊಹ್ಲಿ, ಸದ್ಯ 2027ರ ವಿಶ್ವಕಪ್ ಆಡುವ ಗುರಿಯೊಂದಿಗೆ ಏಕದಿನ ಮಾದರಿಯಲ್ಲಿ ಮಾತ್ರ ಆಟ ಮುಂದುವರಿಸಿದ್ದಾರೆ. ಆದರೆ ಆ ಮೆಗಾ ಟೂರ್ನಿಯವರೆಗೂ ಅವರು ತಂಡದಲ್ಲಿ ಮುಂದುವರಿಸುತ್ತಾರೆಯೇ ಮತ್ತು ದೈಹಿಕವಾಗಿ ಫಿಟ್ ಆಗಿರುತ್ತಾರೆಯೇ ಎಂಬ ಪ್ರಶ್ನೆಗಳು ಆಗಾಗ್ಗೆ ಉದ್ಭವಿಸುತ್ತಲೇ ಇರುತ್ತವೆ. ಅದರಲ್ಲೂ ರೋಹಿತ್ ಶರ್ಮಾ ಅವರ ಭವಿಷ್ಯದ ಬಗ್ಗೆ ಹೆಚ್ಚಿನ ಅನುಮಾನಗಳಿವೆ.
2027ರ ಏಕದಿನ ವಿಶ್ವಕಪ್ನಲ್ಲಿ (2027 World Cup) ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ (Rohit Sharma and Virat Kohli) ಆಡಲಿ ಅಥವಾ ಆಡದಿರಲಿ, ಭಾರತೀಯ ತಂಡಕ್ಕೆ ಯಾವುದೇ ಸಮಸ್ಯೆ ಎದುರಾಗುವುದಿಲ್ಲ ಎಂದು ಟೀಮ್ ಇಂಡಿಯಾದ ಮಾಜಿ ಆಯ್ಕೆಗಾರ ಸಂದೀಪ್ ಪಾಟೀಲ್ (Sandeep Patil) ಅಚ್ಚರಿ ಹೇಳಿಕೆ ನೀಡಿದ್ದಾರೆ. ಈ ಜೋಡಿ ಬಿಟ್ಟುಹೋಗುವ ಸ್ಥಾನವನ್ನು ತುಂಬಬಲ್ಲ ಸಮರ್ಥ ಆಟಗಾರರು ಭಾರತ ತಂಡಕ್ಕೆ ಲಭ್ಯವಿದ್ದಾರೆ ಎಂಬ ಅಭಿಪ್ರಾಯವನ್ನು ಅವರು ವ್ಯಕ್ತಪಡಿಸಿದ್ದಾರೆ.
ಟೆಸ್ಟ್ ಮತ್ತು ಟಿ20 ಕ್ರಿಕೆಟ್ನಿಂದ ನಿವೃತ್ತರಾಗಿರುವ ರೋಹಿತ್ ಮತ್ತು ಕೊಹ್ಲಿ, ಸದ್ಯ 2027ರ ವಿಶ್ವಕಪ್ ಆಡುವ ಗುರಿಯೊಂದಿಗೆ ಏಕದಿನ ಮಾದರಿಯಲ್ಲಿ ಮಾತ್ರ ಆಟ ಮುಂದುವರಿಸಿದ್ದಾರೆ. ಆದರೆ ಆ ಮೆಗಾ ಟೂರ್ನಿಯವರೆಗೂ ಅವರು ತಂಡದಲ್ಲಿ ಮುಂದುವರಿಯುತ್ತಾರೆಯೇ ಮತ್ತು ದೈಹಿಕವಾಗಿ ಫಿಟ್ ಆಗಿರುತ್ತಾರೆಯೇ ಎಂಬ ಪ್ರಶ್ನೆಗಳು ಆಗಾಗ್ಗೆ ಉದ್ಭವಿಸುತ್ತಲೇ ಇರುತ್ತವೆ. ಅದರಲ್ಲೂ ರೋಹಿತ್ ಶರ್ಮಾ ಅವರ ಭವಿಷ್ಯದ ಬಗ್ಗೆ ಹೆಚ್ಚಿನ ಅನುಮಾನಗಳಿವೆ.
ಸಂದರ್ಶನವೊಂದರಲ್ಲಿ ಈ ವಿಷಯದ ಕುರಿತು ಮಾತನಾಡಿದ ಸಂದೀಪ್ ಪಾಟೀಲ್ ಆಸಕ್ತಿದಾಯಕ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ. “ತಂಡದಲ್ಲಿ ಮುಂದುವರಿಯಬೇಕೋ ಬೇಡವೋ ಎಂಬುದು ಸಂಪೂರ್ಣವಾಗಿ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಅವರ ಮೇಲೆಯೇ ಆಧಾರಿತವಾಗಿದೆ. ಎಲ್ಲವೂ ಈ ಇಬ್ಬರು ಆಟಗಾರರ ಕೈಯಲ್ಲೇ ಇದೆ. ಅವರಿಗೆ ಇನ್ನೂ ಕೆಲವು ಕಾಲ ಆಡುವ ಆಸೆ ಇದೆಯೇ? ಅವರು ತಮ್ಮ ಫಿಟ್ನೆಸ್ ಅನ್ನು ಕಾಪಾಡಿಕೊಳ್ಳಬಲ್ಲರಾ? ಅಷ್ಟೇ ಅಲ್ಲದೆ, ಪ್ರಸ್ತುತ ಆಯ್ಕೆಗಾರರು (Selectors) ಏನು ಯೋಚಿಸುತ್ತಿದ್ದಾರೆ? ಅವರು ಕೊಹ್ಲಿ ಮತ್ತು ರೋಹಿತ್ ಅವರ ಭವಿಷ್ಯದ ಬಗ್ಗೆ ಯೋಚಿಸುತ್ತಿದ್ದಾರೆಯೇ?” ಎಂದು ಸಂದೀಪ್ ಪಾಟೀಲ್ ಪ್ರಶ್ನಿಸಿದ್ದಾರೆ.
ಒಂದು ವೇಳೆ ಅವರಿಬ್ಬರರನ್ನು ತಂಡದಿಂದ ಕೈಬಿಡುವ ಅಗತ್ಯ ಬಂದರೆ, ಅವರ ಸ್ಥಾನವನ್ನು ತುಂಬಬಲ್ಲ ಸಮರ್ಥ ಆಟಗಾರರು ನಮಗೆ ಲಭ್ಯವಿದ್ದಾರೆಯೇ ಎಂಬುದನ್ನೂ ನಾವು ಪರಿಗಣಿಸಬೇಕಾಗುತ್ತದೆ. ಭಾರತೀಯ ತಂಡದ ‘ಬೆಂಚ್ ಸ್ಟ್ರೆಂತ್’ (ಮೀಸಲು ಆಟಗಾರರ ಸಾಮರ್ಥ್ಯ) ಅನ್ನು ಗಮನಿಸಿದರೆ, ವಿರಾಟ್ ಮತ್ತು ರೋಹಿತ್ ತಂಡದಲ್ಲಿದ್ದರೂ ಅಥವಾ ಇಲ್ಲದಿದ್ದರೂ ನಮಗೆ ಯಾವುದೇ ಸಮಸ್ಯೆ ಎದುರಾಗುವುದಿಲ್ಲ ಎಂದು ನನಗೆ ಅನ್ನಿಸುತ್ತದೆ.
ಕೊಹ್ಲಿ ಮತ್ತು ರೋಹಿತ್ ಸುದೀರ್ಘ ಕಾಲದಿಂದ ಭಾರತ ತಂಡಕ್ಕಾಗಿ ಆಡುತ್ತಿದ್ದಾರೆ. ಅವರು ಈ ಆಟದ ಸಾರ್ವಕಾಲಿಕ ದಿಗ್ಗಜರಾಗಿ ಉಳಿಯಲಿದ್ದಾರೆ. ವೈಟ್-ಬಾಲ್ (ಮಾದರಿಯ) ಕ್ರಿಕೆಟ್ನಲ್ಲಿ ರೋಹಿತ್ ಶರ್ಮಾ ಒಬ್ಬ ಅದ್ಭುತ ಆಟಗಾರ. ಇನ್ನು ವಿರಾಟ್ ಕೊಹ್ಲಿ ಬಗ್ಗೆ ಎಷ್ಟು ಹೇಳಿದರೂ ಕಡಿಮೆಯೇ.
ಪ್ರಸ್ತುತ ನಮ್ಮ ಬಳಿ ಗಂಟೆಗೆ 140 ಕಿಲೋಮೀಟರ್ ವೇಗದಲ್ಲಿ ಬೌಲಿಂಗ್ ಮಾಡಬಲ್ಲ ಮೂರ್ನಾಲ್ಕು ಬೌಲರ್ಗಳಿದ್ದಾರೆ. ಜಸ್ಪ್ರಿತ್ ಬುಮ್ರಾ ತಂಡದಿಂದ ದೂರ ಉಳಿದರೂ ಭಾರತದ ಬೌಲಿಂಗ್ ವಿಭಾಗಕ್ಕೆ ಆಗುವ ದೊಡ್ಡ ನಷ್ಟವೇನೂ ಇಲ್ಲ. ಯಾರಾದರೂ ಒಬ್ಬರು ಬಂದು ಅವರ ಸ್ಥಾನವನ್ನು ತುಂಬಲಿದ್ದಾರೆ.
ಎರಡು ದಿನಗಳ ಹಿಂದಷ್ಟೇ ನಾನು ಬೆಂಗಳೂರಿನಲ್ಲಿರುವ ‘ಸೆಂಟರ್ ಆಫ್ ಎಕ್ಸಲೆನ್ಸ್’ (ಹೊಸ ಎನ್ಸಿಎ – NCA) ಗೆ ಭೇಟಿ ನೀಡಿದ್ದೆ. ವಿ.ವಿ.ಎಸ್. ಲಕ್ಷ್ಮಣ್ ಅವರೊಂದಿಗೆ ಅಲ್ಲಿನ ಸೌಲಭ್ಯಗಳನ್ನು ವೀಕ್ಷಿಸಿದೆ. ಅಲ್ಲಿ ನಿಜಕ್ಕೂ ಬಿಸಿಸಿಐ ಮೈಂಡ್ ಬ್ಲೋಯಿಂಗ್ ಕೆಲಸ ಮಾಡಿದೆ. ಇಂತಹ ವರ್ಲ್ಡ್ ಕ್ಲಾಸ್ ಸೌಲಭ್ಯಗಳು ನಮ್ಮಲ್ಲಿ ಇರುವುದರಿಂದಲೇ, ಭವಿಷ್ಯದಲ್ಲಿ ಭಾರತೀಯ ಕ್ರಿಕೆಟ್ನಿಂದ ಕೇವಲ ಉತ್ತಮ ಬೌಲರ್ಗಳು ಮಾತ್ರವಲ್ಲದೆ, ಟಾಪ್ ಕ್ಲಾಸ್ ಬ್ಯಾಟರ್ಗಳು ಕೂಡ ಹೊರಹೊಮ್ಮಲಿದ್ದಾರೆ. ಆ ನಂಬಿಕೆ ನನಗಿದೆ,” ಎಂದು ಸಂದೀಪ್ ಪಾಟೀಲ್ ಹೇಳಿದ್ದಾರೆ.
