Last Updated:
ರಾಮಾಯಣ ಸಿನಿಮಾ ದೊಡ್ಡಮಟ್ಟದಲ್ಲಿಯೇ ರೆಡಿ ಆಗುತ್ತಿದೆ. ಈ ರಾಮಾಯಣದ ರಾವಣನ ಪಾತ್ರಧಾರಿ ಯಶ್ ಅವರನ್ನ ನಿರ್ಮಾಪಕ ನಮಿತ್ ಮಲ್ಹೋತ್ರಾ ತುಂಬಾನೆ ಹೊಗಳಿದ್ದಾರೆ. ಏನೆಲ್ಲ ಹೇಳಿದ್ದಾರೆ ಅನ್ನೋದು ಇಲ್ಲದೆ ಓದಿ.
ರಾಮಾಯಣ ಚಿತ್ರದ (Ramayana Movie) ರಾವಣನ ಪಾತ್ರದ (Ravana Role) ಮತ್ತೊಂದು ಅದ್ಭುತ ಪೋಸ್ಟರ್ ರಿಲೀಸ್ ಆಗಿದೆ. ಈ ಒಂದು ಚಿತ್ರದ ಈ ಪಾತ್ರವನ್ನ ಎಲ್ಲರಿಂದಲೂ ಮಾಡೋಕೆ ಸಾಧ್ಯವೇ ಇಲ್ಲ. ಕಾರಣ, ಭಾರತದಲ್ಲಿ ಈ ರಾವಣನನ್ನ ಎಲ್ಲೂ ದ್ವೇಷಿಸುತ್ತಾರೆ. ಆದರೆ, ರಾಕಿಂಗ್ ಸ್ಟಾರ್ ಯಶ್ (Yash) ಈ ಒಂದು ಪಾತ್ರವನ್ನ ಮಾಡಿದ್ದಾರೆ. ಅಷ್ಟೆ ಅಲ್ಲ, ಈ ಚಿತ್ರಕ್ಕೆ ನಿರ್ಮಾಪಕರೂ ಆಗಿದ್ದಾರೆ. ಇವರು ಇಲ್ಲದೆ ಇದ್ದರೆ ರಾಮಾಯಣ ಮಾಡೋಕೆ ಸಾಧ್ಯವೇ ಆಗ್ತಾ ಇರಲಿಲ್ಲ ಅಂತ ಚಿತ್ರದ ನಿರ್ಮಾಪಕ ನಮಿತ್ ಮಲ್ಹೋತ್ರಾ (Namit Malhotra) ಹೇಳಿಕೊಂಡಿದ್ದಾರೆ.
ರಾಮಾಯಾಣದ ‘ರಾವಣನ’ ಅದ್ಭುತ ಪೋಸ್ಟರ್ ರಿಲೀಸ್
(ಚಿತ್ರ ಕೃಪೆ: ಮಾನ್ಸ್ಟರ್ ಮೈಂಡ್ ಕ್ರಿಯೇಷನ್ಸ್ ಇನ್ಸ್ಟಾಗ್ರಾಮ್)
ಹಾಗೆ ರಾಮಾಯಣ ಚಿತ್ರದ ವಿಶೇಷ ಇವೆಂಟ್ ಮುಂಬೈ ಅಲ್ಲಿ ನಡೆದಿದೆ. ಈ ಇವೆಂಟ್ ಅಲ್ಲಿ ಯಶ್ ಗೈರು ಹಾಜರಾಗಿದ್ದಾರೆ. ಕಾರಣ ಏನು ಅನ್ನುವುದನ್ನ ಚಿತ್ರದ ನಿರ್ಮಾಪಕ ನಮಿತ್ ಮಲ್ಹೋತ್ರಾ ಹೇಳಿದ್ದಾರೆ. ಅನಾರೋಗ್ಯದ ಕಾರಣ ಯಶ್ ಈ ಇವೆಂಟ್ಗೆ ಬಂದಿಲ್ಲ ಅಂತ ಹೇಳಿದ್ದಾರೆ.
ಈ ಒಂದು ಮಾತನ್ನೆ ನಮಿತ್ ಮಲ್ಹೋತ್ರಾ ಹೇಳಿದ್ದಾರೆ. ಯಶ್ ನೀವು ಬೇಗ ಗುಣಮುಖರಾಗಿ, ನೀವು ಇಲ್ಲದೆ ಈ ಒಂದು ಜರ್ನಿ ಅಪೂರ್ಣ ಅಂತಲೂ ಹೇಳಿದ್ದಾರೆ.
ಸಾಮಾನ್ಯವಾಗಿ ಭಾರತದಲ್ಲಿ ರಾವಣನ ರೋಲ್ ಅನ್ನ ಎಲ್ಲರೂ ಹೇಟ್ ಮಾಡ್ತಾರೆ. ಆದರೆ, ಯಶ್ ಈ ಪಾತ್ರವನ್ನ ಮಾಡಿದ್ದಾರೆ. ಅಷ್ಟೆ ಅಲ್ಲ, ಯಶ್ ಈ ಚಿತ್ರಕ್ಕೆ ನಿರ್ಮಾಪಕರೂ ಆಗಿದ್ದಾರೆ ಅಂತಲೂ ನಮಿತ್ ಮಲ್ಹೋತ್ರಾ ಹೇಳಿಕೊಂಡಿದ್ದಾರೆ.
ಮುಂಬೈಯಲ್ಲಿ ನಡೆದ ರಾಮಾಯಣ ಇವೆಂಟ್ಗೆ ಹೆಸರಾಂತ ಯುಟ್ಯೂಬರ್ ಮಿಸ್ಟರ್ ಬೀಸ್ಟ್ ಕೂಡ ಆಗಮಿಸಿದ್ದರು. ರಣಬೀರ್ ಕಪೂರ್, ನಿರ್ಮಾಪಕ ನಮೀತ್ ಮಲ್ಹೋತ್ರಾ, ನಾಯಕಿ ಸಾಯಿ ಪಲ್ಲವಿ, ಡೈರೆಕ್ಟರ್ ನಿತೇಶ್ ತಿವಾರಿ ಕೂಡ ಈ ಇವೆಂಟ್ಗೆ ಆಗಮಿಸಿದ್ದರು.
ಯಶ್ ಬಗ್ಗೆ ನಮಿತ್ ಮಲ್ಹೋತ್ರಾ ಹೇಳಿದ್ದೇನು?
(ಚಿತ್ರ ಕೃಪೆ: ನಮಿತ್ ಮಲ್ಹೋತ್ರಾ ಇನ್ಸ್ಟಾಗ್ರಾಮ್)
ಈ ಚಿತ್ರ ದೀಪಾವಳಿ ಹಬ್ಬಕ್ಕೆ ರಿಲೀಸ್ ಆಗುತ್ತದೆ. ಎರಡು ಭಾಗದಲ್ಲಿ ಈ ರಾಮಾಯಣ ರಿಲೀಸ್ ಆಗುತ್ತದೆ. ಮೊದಲ ಭಾಗ 2026 ಈ ವರ್ಷ ರಿಲೀಸ್ ಆಗುತ್ತಿದೆ. ಎರಡನೇ ಭಾಗ ಮುಂದಿನ ವರ್ಷ 2027 ರಂದು ದೀಪಾವಳಿ ಹಬ್ಬಕ್ಕೇನೆ ಬರ್ತಿದೆ.
ಎ.ಆರ್.ರೆಹಮಾನ್ ಈ ಚಿತ್ರಕ್ಕೆ ಮ್ಯೂಸಿಕ್ ಮಾಡಿದ್ದಾರೆ. ಇವರೊಟ್ಟಿಗೆ ಹಾಲಿವುಡ್ ಮ್ಯೂಸಿಕ್ ಡೈರೆಕ್ಟರ್ ಹಾನ್ಸ್ ಜಿಮ್ಮರ್ ಕೂಡ ಈ ಚಿತ್ರಕ್ಕೆ ಸಂಗೀತ ಮಾಡಿದ್ದಾರೆ.
ಈ ಸಿನಿಮಾದ ಟ್ರೈಲರ್ ದೆಹಲಿಯಲ್ಲಿ ರಿಲೀಸ್ ಆಗಿದೆ. ಇಡೀ ಸಿನಿಮಾ ತಂಡ ಈ ಇವೆಂಟ್ ಅಲ್ಲಿ ಭಾಗಿ ಆಗಿತ್ತು. ಸನ್ನಿ ಡಿಯೋಲ್ ಸಹ ಬಂದಿದ್ದರು. ಈ ಟ್ರೈಲರ್ ಹೊಸ ರೀತಿಯ ಅನುಭವ ಕೊಟ್ಟಿದೆ.
ಅತಿ ದೊಡ್ಡ ಗೆಲುವಿನ ಭರವಸೆ ನೀಡಿದೆ. ಈ ಚಿತ್ರದಲ್ಲಿ ರಾಮ, ರಾವಣ, ಸೀತೆಯ ಪಾತ್ರಗಳು ಅದ್ಭುತವಾಗಿ ಮೂಡಿ ಬಂದಿವೆ. ಇಡೀ ಚಿತ್ರ ಹೇಗೆ ಇರುತ್ತದೆ ಅನ್ನುವ ಕುತೂಹಲ ಕೂಡ ಹೆಚ್ಚಾಗಿದೆ.
