ಸಮಾರಂಭದಲ್ಲಿ ಮಾಧವನ್ ಸಂಪೂರ್ಣ ಲುಕ್ ಅದ್ಭುತವಾಗಿತ್ತು. ಇದಲ್ಲದೆ, ಅವರ ವಾಚ್ ಎಲ್ಲರ ಗಮನ ಸೆಳೆಯಿತು. ವಾಸ್ತವವಾಗಿ, ಇದು ಸಾಮಾನ್ಯ ಕೈಗಡಿಯಾರವಲ್ಲ. ಇದು ಸಖತ್ ಸ್ಪೆಷಲ್ ಆಗಿರೋ ದುಬಾರಿ ವಾಚ್.
ಮಾಧವನ್ ಅವರು ಲಿಮಿಟೆಡ್ ಎಡಿಷನ್ ಜಲ್ಸಾ ವಾಚ್ ಟೈಟಾನ್ಸ್ ನೆಬ್ಯುಲಾ ಧರಿಸಿದ್ದರು. ಇದನ್ನು ಅತ್ಯಂತ ವಿಶೇಷ ಮತ್ತು ದುಬಾರಿ ಕೈಗಡಿಯಾರಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ.
ವರದಿಗಳ ಪ್ರಕಾರ, ಪದ್ಮಶ್ರೀ ಪ್ರಶಸ್ತಿಯನ್ನು ಸ್ವೀಕರಿಸುವಾಗ, ನಟ ಮಾಧವನ್ ಲಿಮಿಟೆಡ್ ಎಡಿಷನ್ ಜಲ್ಸಾ ವಾಚ್ ಧರಿಸಿದ್ದರು, ಈ ಮಾಡೆಲ್ ಕೇವಲ 10 ಯುನಿಟ್ಗಳನ್ನು ಮಾತ್ರ ವಿಶ್ವಾದ್ಯಂತ ತಯಾರಿಸಲಾಗಿದೆ.
ಜಲ್ಸಾ ಟೈಟಾನ್ನಿಂದ ಬಂದ ಪ್ರೀಮಿಯಂ ಗಡಿಯಾರವಾಗಿದ್ದು, ನಿಜವಾಗಿಯೂ ಸೊಗಸಾಗಿ ಕಾಣೋದಷ್ಟೆ ಅಲ್ಲದೆ ಐಷಾರಾಮಿ ಲುಕ್ ನೀಡುತ್ತದೆ. ಜೈಪುರದ ಪ್ರಸಿದ್ಧ ಹವಾ ಮಹಲ್ನ 225 ನೇ ವಾರ್ಷಿಕೋತ್ಸವದ ಸ್ಮರಣಾರ್ಥ ಟೈಟಾನ್ ನೆಬ್ಯುಲಾ ಸಾಲಿನ ಭಾಗವಾಗಿ ಇದನ್ನು ರಚಿಸಲಾಗಿದೆ.
ಇದರ ಬೆಲೆ ಕೇಳಿದರೆ ಅಚ್ಚರಿಯಾಗೋದು ಗ್ಯಾರೆಂಟಿ. ಆ ಮೊತ್ತಕ್ಕೆ ನೀವು ಮನೆ ಖರೀದಿಸಬಹುದು. ಈ ಗಡಿಯಾರದ ಬೆಲೆ ಸುಮಾರು ₹40.5 ಲಕ್ಷ ಎಂದು ವರದಿಯಾಗಿದೆ. ವರದಿಗಳ ಪ್ರಕಾರ, ಇದು ಟೈಟಾನ್ನ ಇಲ್ಲಿಯವರೆಗಿನ ಅತ್ಯಂತ ದುಬಾರಿ ಗಡಿಯಾರವಾಗಿದೆ.
– ವಿಶ್ವಾದ್ಯಂತ ಜಲ್ಸಾ ವಾಚ್ನ ಕೇವಲ 10 ಪೀಸ್ ಮಾತ್ರ ತಯಾರಿಸಲಾಗಿದೆ ಎಂದು ತಿಳಿದರೆ ನಿಮಗೆ ಆಶ್ಚರ್ಯವಾಗುತ್ತದೆ. ಇದು ಅದನ್ನು ಇನ್ನಷ್ಟು ವಿಶೇಷಗೊಳಿಸುತ್ತದೆ. ಇದು ಲಿಮಿಟೆಡ್ ಎಡಿಷನ್.
– ವಾಚ್ ಕೇಸ್ ಅನ್ನು 18-ಕ್ಯಾರೆಟ್ ರೋಸ್ ಗೋಲ್ಡ್ನಿಂದ ತಯಾರಿಸಲಾಗಿದೆ.
– ಈ ಗಡಿಯಾರದ ಡಯಲ್ ಅನ್ನು ಪದ್ಮಶ್ರೀ ಕಲಾವಿದ ಶಕೀರ್ ಅಲಿ ರಚಿಸಿದ ಸಾಂಪ್ರದಾಯಿಕ ಚಿಕಣಿ ಚಿತ್ರಕಲೆ ತಂತ್ರಗಳನ್ನು ಬಳಸಿ ಕೈಯಿಂದ ಚಿತ್ರಿಸಲಾಗಿದೆ. ಮತ್ತೊಂದು ವಿಶೇಷವೆಂದರೆ ಇದು ಜೈಪುರದ ರಾಜ ಪರಂಪರೆ ಮತ್ತು ಹವಾ ಮಹಲ್ ಅನ್ನು ಪ್ರತಿಬಿಂಬಿಸುತ್ತದೆ.
ಈ ವಾಚ್ ಅನ್ನು ವಿವಿಧ ಅಮೂಲ್ಯ ವಜ್ರ ಮತ್ತು ಕಲಾತ್ಮಕ ವಿನ್ಯಾಸಗಳನ್ನು ಬಳಸಿ ರಚಿಸಲಾಗಿದೆ. ಕೆಂಪು ಅಗೇಟ್ ಸ್ಟೋನ್ಸ್, ನೀಲಮಣಿ ಹರಳುಗಳು ಮತ್ತು ಸಂಕೀರ್ಣವಾದ ಲಲಿತಕಲೆಯು ಗಡಿಯಾರದ ಸೌಂದರ್ಯವನ್ನು ಹೆಚ್ಚಿಸಿದೆ.
-ಈ ಗಡಿಯಾರವು ವಿಶೇಷವಾಗಿದೆ. ಏಕೆಂದರೆ ಇದರಲ್ಲಿ ನೀವು ಭಾರತೀಯ ಪರಂಪರೆ, ಭಾರತೀಯ ಕಲೆ ಮತ್ತು ಕರಕುಶಲತೆಯಿಂದ ಪ್ರೇರಿತವಾದ ವಿನ್ಯಾಸಗಳನ್ನು ನೋಡಬಹುದು
– ಈ ವಾಚ್ ಟೈಟಾನ್ ಅಭಿವೃದ್ಧಿಪಡಿಸಿದ ಇನ್-ಹೌಸ್ ಫ್ಲೈಯಿಂಗ್ ಟೂರ್ಬಿಲ್ಲನ್ ಚಲನೆಯನ್ನು ಸಹ ಒಳಗೊಂಡಿದೆ. ಟೂರ್ಬಿಲ್ಲನ್ಗಳನ್ನು ಗಡಿಯಾರ ತಯಾರಿಕೆಯಲ್ಲಿ ಅತ್ಯಂತ ಸಂಕೀರ್ಣ ಮತ್ತು ಪ್ರತಿಷ್ಠಿತ ತಂತ್ರಜ್ಞಾನಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ.
ಆರ್. ಮಾಧವನ್ ಅವರು ಹೀಗೆ ಹೇಳಿದರು: “ನಾನು ಪದ್ಮಶ್ರೀ ಪ್ರಶಸ್ತಿಯನ್ನು ಅತ್ಯಂತ ಕೃತಜ್ಞತೆ ಮತ್ತು ನಮ್ರತೆಯಿಂದ ಸ್ವೀಕರಿಸುತ್ತೇನೆ. ಈ ಗೌರವವು ನನ್ನ ಕನಸುಗಳನ್ನು ಮೀರಿದ್ದು, ಮತ್ತು ನನ್ನ ಇಡೀ ಕುಟುಂಬದ ಪರವಾಗಿ ನಾನು ಇದನ್ನು ಸ್ವೀಕರಿಸುತ್ತೇನೆ. ಅವರ ನಿರಂತರ ಬೆಂಬಲ ಮತ್ತು ನಂಬಿಕೆ ನನಗೆ ದೊಡ್ಡ ಶಕ್ತಿಯನ್ನು ನೀಡಿದೆ ಎಂದಿದ್ದಾರೆ.
