ದಶಕಗಳ ಕಾಲ ದೇಶದ ರಾಜಕೀಯ ಚಟುವಟಿಕೆಗಳು ನೆಹರು-ಗಾಂಧಿ ಯುಗದ ಆಡಳಿತ ಶೈಲಿಯಾಗಿತ್ತು. ಆದ್ರೆ, ಮೋದಿಯವರು ಆ ಲೆಕ್ಕಾಚಾರವನ್ನೇ ಬದಲಿಸಿ, “ಜನಕಲ್ಯಾಣ ಯೋಜನೆಗಳು, ರಾಷ್ಟ್ರೀಯ ಭದ್ರತೆಗೆ ಆದ್ಯತೆ, ಸಾಂಸ್ಕೃತಿಕ ರಾಷ್ಟ್ರೀಯತೆಯ ನಿರೂಪಣೆ” ಎಂಬ ಈ ಮೂರು ಅಸ್ತ್ರಗಳ ಮೂಲಕ ಸಾಂಪ್ರದಾಯಿಕ ವೋಟ್​ಬ್ಯಾಂಕ್​ ರಾಜಕಾರಣವನ್ನು ಮೀರಿ ತಮ್ಮದೇ ಆದ ಆಡಳಿತವನ್ನ ನಡೆಸುತ್ತಿದ್ದಾರೆ. ಅದರಂತೆ, ಈ 12 ವರ್ಷಗಳಲ್ಲಿ ದೇಶದ ಆಡಳಿತದ ವೇಗವೂ ಬದಲಾಗಿದೆ. ಲಕ್ಷಾಂತರ ಕಿ.ಮೀ ರಾಷ್ಟ್ರೀಯ ಹೆದ್ದಾರಿ, ರೈಲ್ವೆ ಆಧುನೀಕರಣ, ಡಿಜಿಟಲ್ ಪೇಮೆಂಟ್ ಕ್ರಾಂತಿ, ಡಿಬಿಟಿ ಮೂಲಕ ನೇರ ಹಣ ವರ್ಗಾವಣೆ. ಜೊತೆಗೆ ಜಿಎಸ್‌ಟಿಯಂತಹ ತೆರಿಗೆ ಸುಧಾರಣೆ, ದೀರ್ಘಕಾಲ ಬಾಕಿ ಉಳಿದಿದ್ದ ರಾಷ್ಟ್ರೀಯ ಭದ್ರತೆಗೆ ಸಂಬಂಧ ಪಟ್ಟಂತಹ ನಿರ್ಧಾರಗಳು, ದೊಡ್ಡ ಶಾಸಕಾಂಗ ಬದಲಾವಣೆಗಳು – ಎಲ್ಲವೂ ಸಹ ಭಾರೀ ಬಹುಮತದೊಂದಿಗೆ ಸಾಧ್ಯವಾಗುತ್ತಿದೆ.

ಮುಂದುವರೆದು, ಮೋದಿ ಅಧಿಕಾರಾವಧಿಯಲ್ಲಿ ಜಿಎಸ್​ಟಿ ಮತ್ತು ದೊಡ್ಡ ರಾಷ್ಟ್ರೀಯ ಭದ್ರತಾ ಕ್ರಮಗಳ ಮೂಲಕ ಭಾರತ ಆಧುನಿಕ ಜಗತ್ತಿನಲ್ಲಿ ಹೊಸ ಅಧ್ಯಾಯ ಬರೆದಿದೆ. ಹಾಗಾಗಿ, ನರೇಂದ್ರ ಮೋದಿ ಅವರ ಈ ಮೈಲಿಗಲ್ಲು ಕೇವಲ ಅಧಿಕಾರದಲ್ಲಿ ಕಳೆದ ದಿನಗಳ ಲೆಕ್ಕವಲ್ಲ, ಬದಲಾಗಿ ಭಾರತವನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯುತ್ತಿರುವ ನವ ಭಾರತದ ಸ್ಪಷ್ಟ ಪ್ರತಿಬಿಂಬವಾಗಿದೆ.