Last Updated:
ಬಾಲಿವುಡ್ನ ಖ್ಯಾತ ನಟರಾದ ಶಾರುಖ್ ಖಾನ್ (Shah Rukh Khan), ಅಜಯ್ ದೇವಗನ್ (Ajay Devgn) ಮತ್ತು ಟೈಗರ್ ಶ್ರಾಫ್ (Tiger Shroff) ಇದೀಗ ಪಾನ್ ಮಸಾಲಾ ಜಾಹೀರಾತಿಗೆ (Pan Masala Advertisement) ಸಂಬಂಧಿಸಿದ ಕಾನೂನು ವಿವಾದದಕ್ಕೆ ಸಿಲುಕಿಕೊಂಡಿದ್ದಾರೆ.
ಬಾಲಿವುಡ್ನ ಖ್ಯಾತ ನಟರಾದ ಶಾರುಖ್ ಖಾನ್ (Shah Rukh Khan), ಅಜಯ್ ದೇವಗನ್ (Ajay Devgn) ಮತ್ತು ಟೈಗರ್ ಶ್ರಾಫ್ (Tiger Shroff) ಇದೀಗ ಪಾನ್ ಮಸಾಲಾ ಜಾಹೀರಾತಿಗೆ (Pan Masala Advertisement) ಸಂಬಂಧಿಸಿದ ಕಾನೂನು ವಿವಾದದಕ್ಕೆ ಸಿಲುಕಿಕೊಂಡಿದ್ದಾರೆ. ಜನಪ್ರಿಯ ಪಾನ್ ಮಸಾಲಾ ಬ್ರ್ಯಾಂಡ್ನ ಜಾಹೀರಾತಿನಲ್ಲಿ ಬಳಸಲಾದ ಒಂದು ಪ್ರಮುಖ ಹೇಳಿಕೆ ಗ್ರಾಹಕರನ್ನು ತಪ್ಪುದಾರಿಗೆಳೆಯುವ ಸಾಧ್ಯತೆಯಿದೆ ಎಂಬ ಆರೋಪದ ಹಿನ್ನೆಲೆಯಲ್ಲಿ ರಾಜಸ್ಥಾನದ ನ್ಯಾಯಾಲಯ ಈ ಮೂವರು ನಟರಿಗೆ ಸಮನ್ಸ್ ಜಾರಿ ಮಾಡಿದೆ. ಈ ಬೆಳವಣಿಗೆ ಮನರಂಜನಾ ವಲಯದಲ್ಲಿ ವ್ಯಾಪಕ ಚರ್ಚೆಗೆ ಕಾರಣವಾಗಿದೆ.
ಈ ವಿವಾದದ ಕೇಂದ್ರಬಿಂದುವಾಗಿರುವುದು ‘ಕಣ ಕಣದಲ್ಲೂ ಕೇಸರಿ’ ಎಂಬ ಜಾಹೀರಾತಿನ ಆ ಒಂದು ಸಾಲು. ಪಾನ್ ಮಸಾಲಾ ಉತ್ಪನ್ನವನ್ನು ಪ್ರಚಾರ ಮಾಡುವ ವೇಳೆ ಬಳಸಲಾದ ಈ ಹೇಳಿಕೆ ವಾಸ್ತವಕ್ಕೆ ಹೊಂದಿಕೆಯಾಗುವುದಿಲ್ಲ ಎಂದು ಅರ್ಜಿದಾರರು ಆರೋಪಿಸಿದ್ದಾರೆ.
ಅವರ ವಾದದ ಪ್ರಕಾರ, ಕೇಸರಿ ವಿಶ್ವದ ಅತ್ಯಂತ ದುಬಾರಿ ಮಸಾಲೆಗಳಲ್ಲಿ ಒಂದಾಗಿದೆ. ಇಂತಹ ದುಬಾರಿ ಅಂಶವನ್ನು ಕಡಿಮೆ ಬೆಲೆಯ ಪಾನ್ ಮಸಾಲಾ ಸ್ಯಾಚೆಟ್ನ ಪ್ರತಿಯೊಂದು ಧಾನ್ಯದಲ್ಲೂ ಸೇರಿಸಲಾಗಿದೆ ಎಂಬ ಸಂದೇಶವನ್ನು ಜಾಹೀರಾತು ನೀಡುತ್ತಿದೆ. ಇದು ಗ್ರಾಹಕರಲ್ಲಿ ತಪ್ಪು ಕಲ್ಪನೆ ಮೂಡಿಸುವ ಸಾಧ್ಯತೆ ಇದೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ.
ಪಾನ್ ಮಸಾಲಾ ಮತ್ತು ಸಂಬಂಧಿತ ಉತ್ಪನ್ನಗಳ ಜಾಹೀರಾತುಗಳು ಭಾರತದಲ್ಲಿ ಹಲವು ವರ್ಷಗಳಿಂದ ವಿವಾದದ ವಿಷಯವಾಗಿವೆ. ಆರೋಗ್ಯದ ಮೇಲೆ ಪರಿಣಾಮ ಬೀರುವ ಉತ್ಪನ್ನಗಳನ್ನು ನೇರವಾಗಿ ಜಾಹೀರಾತು ಮಾಡಲು ಇರುವ ನಿರ್ಬಂಧಗಳ ಹಿನ್ನೆಲೆಯಲ್ಲಿ ಅನೇಕ ಕಂಪನಿಗಳು ಬದಲಿ ಜಾಹೀರಾತು ತಂತ್ರಗಳನ್ನು ಅನುಸರಿಸುತ್ತಿವೆ ಎಂಬ ಆರೋಪಗಳು ಆಗಾಗ ಕೇಳಿಬರುತ್ತವೆ.
ಹೀಗಾಗಿ ಈ ಹಂತದಲ್ಲಿ ನ್ಯಾಯಾಲಯ ಯಾವುದೇ ಅಂತಿಮ ತೀರ್ಪು ನೀಡಿಲ್ಲ. ಅರ್ಜಿದಾರರ ವಾದ, ಪ್ರತಿವಾದಿಗಳ ಉತ್ತರ ಮತ್ತು ಸಲ್ಲಿಸಲಾದ ದಾಖಲೆಗಳನ್ನು ಪರಿಶೀಲಿಸಿದ ನಂತರವೇ ಮುಂದಿನ ಕ್ರಮ ನಿರ್ಧಾರವಾಗಲಿದೆ.
ಈ ಪ್ರಕರಣದ ಮುಂದಿನ ವಿಚಾರಣೆ ಜುಲೈ 9ರಂದು ನಡೆಯಲಿದೆ ಎಂದು ತಿಳಿದುಬಂದಿದೆ.
ಶಾರುಖ್ ಖಾನ್, ಅಜಯ್ ದೇವಗನ್ ಮತ್ತು ಟೈಗರ್ ಶ್ರಾಫ್ ಅವರಂತಹ ದೊಡ್ಡ ತಾರೆಯರು ಒಳಗೊಂಡಿರುವುದರಿಂದ ಈ ಪ್ರಕರಣ ರಾಷ್ಟ್ರೀಯ ಮಟ್ಟದಲ್ಲಿ ಗಮನ ಸೆಳೆದಿದೆ.
Bangalore [Bangalore],Bangalore,Karnataka
Jun 12, 2026 11:09 PM IST
