ದೊಡ್ಡ ಬಜೆಟ್, ಸೂಪರ್‌ಸ್ಟಾರ್ ನಟರು ಅಥವಾ ಭಾರೀ ಪ್ರಚಾರವಿಲ್ಲದಿದ್ದರೂ ಕೇವಲ ಕಥೆ ಮತ್ತು ನಿರೂಪಣೆಯ ಶಕ್ತಿಯಿಂದ ವಿಶ್ವದ ಗಮನ ಸೆಳೆದಿರುವ ಈ ಚಿತ್ರ, ಹಾಲಿವುಡ್‌ನಲ್ಲಿ ಹೊಸ ಟ್ರೆಂಡ್‌ಗೆ ಸೃಷ್ಟಿಸುತ್ತಿದೆ.

ಯೂಟ್ಯೂಬ್ ಮೂಲಕವೇ ನಿರ್ದೇಶನ, ಕಥೆ ಬರವಣಿಗೆ ಮತ್ತು ಸಿನಿಮಾ ನಿರ್ಮಾಣದ ತಂತ್ರಗಳನ್ನು ಅವರು ಸ್ವತಃ ಕಲಿತರು. ಇದೇ ಅನುಭವ ಮುಂದಿನ ದಿನಗಳಲ್ಲಿ ಅವರನ್ನು ಯಶಸ್ವಿ ನಿರ್ದೇಶಕರನ್ನಾಗಿ ರೂಪಿಸಿತು. 2024ರಲ್ಲಿ ಬಿಡುಗಡೆಯಾದ ಮಿಲ್ಕ್ ಅಂಡ್ ಸೀರಿಯಲ್ ಚಿತ್ರ ಕರಿ ಬಾರ್ಕರ್ ಅವರ ವೃತ್ತಿಜೀವನದಲ್ಲಿ ಮಹತ್ವದ ತಿರುವು ನೀಡಿತು. ಅತ್ಯಂತ ಕಡಿಮೆ ವೆಚ್ಚದಲ್ಲಿ ನಿರ್ಮಾಣವಾದ ಈ ಹಾರರ್ ಸಿನಿಮಾ ಯೂಟ್ಯೂಬ್‌ನಲ್ಲಿ ಉಚಿತವಾಗಿ ಬಿಡುಗಡೆಯಾಗಿತ್ತು. ಈ ಚಿತ್ರದ ಯಶಸ್ಸಿನ ಬಳಿಕ ಕರಿ ಬಾರ್ಕರ್ ಅವರ ಪ್ರತಿಭೆಯತ್ತ ಹಾಲಿವುಡ್‌ನ ಪ್ರಮುಖ ನಿರ್ಮಾಣ ಸಂಸ್ಥೆಗಳು ಗಮನ ಹರಿಸಲು ಆರಂಭಿಸಿದವು. ಆ ಬಳಿಕ ಸೃಷ್ಟಿಯಾದ ಕಥೆಯೇ ‘ಒಬ್ಸೆಷನ್’

‘ಒಬ್ಸೆಷನ್’ ಚಿತ್ರದ ಯಶಸ್ಸು ಕೇವಲ ವಿಮರ್ಶಕರ ಮೆಚ್ಚುಗೆಗೆ ಮಾತ್ರ ಸೀಮಿತವಾಗಿಲ್ಲ. ಆರ್ಥಿಕವಾಗಿಯೂ ಈ ಸಿನಿಮಾ ದೊಡ್ಡ ಮಟ್ಟದ ಸಾಧನೆ ಮಾಡಿದೆ. ಅಮೆರಿಕದ ಮಾರುಕಟ್ಟೆಯಲ್ಲಿ ಚಿತ್ರವು 152.1 ಮಿಲಿಯನ್ ಡಾಲರ್‌ಗೂ ಅಧಿಕ ಗಳಿಕೆ ದಾಖಲಿಸಿದ್ದು, ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲೂ ಅಸಾಧಾರಣ ಪ್ರದರ್ಶನ ನೀಡುತ್ತಿದೆ.