ಗಂಗಾ, ಯಮುನಾ ಮತ್ತು ಪೌರಾಣಿಕ ಸರಸ್ವತಿ ನದಿಗಳ ಸಂಗಮವಾದ ತ್ರಿವೇಣಿ ಸಂಗಮದಲ್ಲಿ ಸ್ನಾನ ಮಾಡಲು ಪ್ರಪಂಚದಾದ್ಯಂತದ ಲಕ್ಷಾಂತರ ಭಕ್ತರು ಈ ಪವಿತ್ರ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಆಗಮಿಸುತ್ತಿದ್ದಾರೆ. ಪವಿತ್ರ ನದಿಯಲ್ಲಿ ಸ್ನಾನ ಮಾಡುವುದರಿಂದ ಪಾಪಗಳು ಕಳೆದು ಮೋಕ್ಷ ಸಿಗುತ್ತದೆ ಎಂದು ನಂಬಲಾಗಿದೆ. 44 ದಿನಗಳ ಕಾಲ ನಡೆಯುವ ಮಹಾ ಕುಂಭಮೇಳ ಇಂದು 2025 ಜನವರಿ 13 ರಂದು ಪ್ರಾರಂಭವಾಗಿ ಫೆಬ್ರವರಿ 26 ರಂದು ಮಹಾ ಶಿವರಾತ್ರಿಯಂದು ಮುಕ್ತಾಯಗೊಳ್ಳುತ್ತದೆ.

“ಹಿಂದಿನ ಜನ್ಮದಲ್ಲಿ ನಾನು ಭಾರತೀಯಳಾಗಿದ್ದೆ ಎಂದು ನನಗೆ ಅನಿಸುತ್ತದೆ” ಎಂದು ಹಿಂದೂ ಸಂಸ್ಕೃತಿಯನ್ನು ಇಷ್ಟಪಡುವ ಮತ್ತು ಕುಂಭಮೇಳಕ್ಕೆ ಮೊದಲ ಬಾರಿಗೆ ಇಟಲಿಯಿಂದ ಭೇಟಿ ನೀಡಿದ ಎಮ್ಮಾ ಹೇಳಿದ್ದಾರೆ. ಇಟಲಿಯಿಂದ ಕುಂಭಮೇಳಕ್ಕೆ ಮೊದಲ ಬಾರಿಗೆ ಮೂವರು ಸ್ನೇಹಿತರು ಒಗ್ಗೂಡಿ ಬಂದಿದ್ದಾರೆ. ಅದರಲ್ಲಿ ಎಮ್ಮಾ ಎಂಬುವವರು ಮಾತನಾಡಿ “ಮಹಾ ಕುಂಭಕ್ಕೆ ನಾನು ಭೇಟಿ ನೀಡುತ್ತಿರುವುದು ಇದೇ ಮೊದಲು, ನಾನು ಯೋಗ ಶಿಕ್ಷಕಿ, ಮತ್ತು ನನ್ನ ಅನೇಕ ಸ್ನೇಹಿತರು ಭಾರತೀಯರು. ನಾನು ಭಾರತೀಯ ಸಂಸ್ಕೃತಿಯನ್ನು ತುಂಬಾ ಮೆಚ್ಚುತ್ತೇನೆ, ಮತ್ತು ನನ್ನ ಹಿಂದಿನ ಜನ್ಮದಲ್ಲಿ ನಾನು ಭಾರತೀಯನಾಗಿದ್ದೆ ಎಂಬ ಭಾವನೆ ನನಗಿದೆ.

ನನಗೆ ಭಾರತೀಯ ಸಂಗೀತ, ಭಜನೆಗಳು ಮತ್ತು ಕೀರ್ತನೆಗಳು ತುಂಬಾ ಇಷ್ಟ. ಇಲ್ಲಿ ಮಹಾ ಕುಂಭದಲ್ಲಿ ವ್ಯವಸ್ಥೆಗಳು ಅತ್ಯುತ್ತಮವಾಗಿವೆ” ಎಂದು ನದಿಯ ದಡದ ಶಿಬಿರದಲ್ಲಿ ತಂಗಿರುವ ಎಮ್ಮಾ ಹೇಳುತ್ತಾರೆ. “ನಾನು ಯೋಗ ಸಾಧಕ ಮತ್ತು ಭಾರತೀಯ ಸಂಸ್ಕೃತಿಯ ಬಗ್ಗೆ ಸ್ವಲ್ಪ ಜ್ಞಾನ ಹೊಂದಿದ್ದೇನೆ. ಕುಂಭಮೇಳವು ಸನಾತನ ಧರ್ಮದ ಅತಿದೊಡ್ಡ ಆಧ್ಯಾತ್ಮಿಕ ಕಾರ್ಯಕ್ರಮವಾಗಿದೆ ಮತ್ತು ಇದು ಇಲ್ಲಿಗೆ ನನ್ನ ಮೊದಲ ಭೇಟಿ. ನನ್ನ ಸ್ನೇಹಿತರು ಈ ಪ್ರವಾಸವನ್ನು ಯೋಜಿಸಿದಾಗ, ಕುಂಭಮೇಳ ಅನುಭವವನ್ನು ಪಡೆಯಲು ನಾನು ಅವರೊಂದಿಗೆ ಸೇರಲು ನಿರ್ಧರಿಸಿದೆ” ಎಂದು ಇಲಿಯಯ ಮತ್ತೊಬ್ಬ ಮಹಿಳೆ ಪಿಯೆಟ್ರೊ ಹೇಳುತ್ತಾರೆ.