ಸದ್ಯ 9 ಮಂದಿ ಗಾಯಾಳುಗಳಿಗೆ ಮೇಪಾಡಿಯ ವಿಮ್ಸ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗಿದ್ದು, ಹೆಚ್ಚುವರಿ ಚಿಕಿತ್ಸೆ ಬೇಕಾದರೆ ಕ್ಯಾಲಿಕಟ್‌ ಮೆಡಿಕಲ್ ಕಾಲೇಜಿಗೆ ರವಾನೆ ಮಾಡಲು ಸಿಎಂ ವಿಡಿ ಸತೀಶನ್ ಸೂಚನೆ ನೀಡಿದ್ದಾರೆ. ವಿಮ್ಸ್‌ನಲ್ಲಿ ಚಿಕಿತ್ಸೆ ಪಡೆಯುತ್ತಿರುವವರ ಪೈಕಿ, ಹರಿ ಕುಮಾರ್ (32), ದಿಲೀಪ್ (19),  ಸೂರಜ್ ಯಾದವ್ (25), ಸಂಜಯ್ ಠಾಕೂರ್ (35), ರಜನೀಶ್ (27),  ತನ್ಮಯ್ ಘೋಷ್ (28), ಕುಪಮಾಲ್ (37), ಕುಂಚು (39) ಮತ್ತು ಸಂತೋಷ್ ಕುಮಾರ್ ಸೇರಿದ್ದಾರೆ.

ಈ ಭೂಕುಸಿತಕ್ಕೆ ಸಂಬಂಧಿಸಿದಂತೆ ಪ್ರತಿಕ್ರಿಯೆ ನೀಡಿರುವ ಕೇರಳಂ ಮುಖ್ಯಮಂತ್ರಿ ವಿಡಿ ಸತೀಶನ್, ‘ವಯನಾಡಿನ ಕಲ್ಲಾಡಿಯಲ್ಲಿ ಗುತ್ತಿಗೆದಾರರು ಸೂಚನೆಗಳನ್ನು ನಿರ್ಲಕ್ಷಿಸಿದ್ದಾರೆ ಮಾಧ್ಯಮಗಳಿಗೆ ತಿಳಿಸಿದರು.

ಭಾರೀ ಮಳೆ ಸುರಿದ ಹಿನ್ನೆಲೆ ವಯನಾಡಿನ ಮೆಪ್ಪಾಡಿಯಲ್ಲಿ ಸುರಂಗ ನಿರ್ಮಾಣ ಪ್ರದೇಶದಲ್ಲಿ ಭೂಕುಸಿತ ಸಂಭವಿಸಿದ ಬೆನ್ನಲ್ಲೇ ಗಂಭೀರವಾಗಿ ಗಾಯಗೊಂಡ ಇಬ್ಬರನ್ನು ಆಸ್ಪತ್ರೆಗೆ ಸಾಗಿಸಲಾಯಿತು. ಇನ್ನೂ ಹಲವರು ನೆಲದಡಿಯಲ್ಲಿ ಸಿಲುಕಿಕೊಂಡಿದ್ದಾರೆ ಎಂದು ತಿಳಿದು ಬಂದಿದ್ದು, ರಸ್ತೆ ನಿರ್ಮಾಣಕ್ಕಾಗಿ ಅನೇಕ ಕಾರ್ಮಿಕರು ಈ ಜಾಗದಲ್ಲಿ ಕೆಲಸ ಮಾಡುತ್ತಿದ್ದರು, ಮೆಪ್ಪಾಡಿ ಬಳಿಯ ಮೀನಾಕ್ಷಿಪಾಲಂನಲ್ಲಿ ಈ ಅನಾಹುತ ಸಂಭವಿಸಿದ್ದು, ಭೂಕುಸಿತದಲ್ಲಿ ವಾಹನಗಳು ಸಹ ಸಿಲುಕಿಕೊಂಡಿವೆ ಎಂದು ಹೇಳಲಾಗಿದೆ.