ಮೇ 15 ರಂದು ರಿಲೀಸ್​ ಆದ ಕರುಪ್ಪು ಸಿನಿಮಾ 200 ಕೋಟಿ ರೂ. ಗಳಿಸಿ ಯಶಸ್ಸನ್ನು ಕಂಡಿದೆ. ಈ ಚಿತ್ರದಲ್ಲಿ ನಟ ಸೂರ್ಯ ಮತ್ತು ನಟಿ ತ್ರಿಶಾ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ಇದನ್ನು ಆರ್.ಜೆ. ಬಾಲಾಜಿ ನಿರ್ದೇಶಿಸಿದ್ದಾರೆ. ಇದು ನಟ ಸೂರ್ಯ ಅವರ 45ನೇ ಚಿತ್ರವಾಗಿದೆ ಎಂದು ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ.

ಆ ಸಂದರ್ಭದಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು ‘ಕರುಪ್ಪು’ ಚಿತ್ರದ ಕಥೆಯನ್ನು ಮೊದಲು ವಿಜಯ್ ಅವರಿಗೆ ಹೇಳಲಾಗಿತ್ತು. ನ್ಯೂಸ್18 ವರದಿಯ ಪ್ರಕಾರ ಆರ್.ಜೆ. ಬಾಲಾಜಿ ಕರುಪ್ಪು ಚಿತ್ರದ ಕಥೆಯನ್ನು 2023ರ ಆಗಸ್ಟ್​ನಲ್ಲಿ ಶುರು ಮಾಡಿದ್ದು ಈ ಸಿನಿಮಾ ಸ್ಕ್ರಿಪ್ಟ್ ಕೇಳಿದ ಮೊದಲ ಹೀರೋ ಸೂರ್ಯ ಅಲ್ಲ, ಬದಲಾಗಿ ದಳಪತಿ ವಿಜಯ್!

ವಿಜಯ್ ಅವರ ಬಳಿ ಈ ಸ್ಕ್ರಿಪ್ಟ್ ಅನ್ನು ವಿವರಿಸಿದ್ದ ಬಾಲಾಜಿ. ಆ ಸಂದರ್ಭವನ್ನು ನೆನಪಿಸಿಕೊಂಡು ಮಾತನಾಡಿದ ಬಾಲಾಜಿ “ವಿಜಯ್ ಸರ್​ಗೆ ಕಥೆ ಹೇಳಲು ಶುರು ಮಾಡಿದಾಗ, ಅವರು ಇದನ್ನು ತುಂಬಾ ಹೊಗಳಿದರು. ತಕ್ಷಣ, ‘ಈ ಸಿನಿಮಾವನ್ನು ನಾವೇ ಮಾಡೋಣವೇ?” ಎಂದು ಕೇಳಿದರು ಎಂದಿದ್ದಾರೆ.

ವಿಜಯ್ ಅವರ ಮಾತಿಗೆ ಉತ್ತರಿಸಿದ ಬಾಲಾಜಿ ಸ್ಕ್ರೀನ್ ಪ್ಲೇ ಇನ್ನಷ್ಟು ಕರೆಕ್ಷನ್ ಹೊಂದಿದ್ದು ಇದಕ್ಕಾಗಿ ಇನ್ನು ಸ್ವಲ್ಪ ಸಮಯ ಬೇಕು ಎಂದು ಕೇಳಿದ್ದರು. “ಸ್ಕ್ರಿಪ್ಟ್ ಅನ್ನು ಇನ್ನಷ್ಟು ಎಡಿಟ್ ಮಾಡುವುದಿದೆ. ನನಗೆ ಇನ್ನು ಸಮಯ ಬೇಕು ಎಂದು ಅವರಿಗೆ ಹೇಳಿದೆ” ಎಂದು ಬಾಲಾಜಿ ನೆನಪಿಸಿಕೊಂಡಿದ್ದಾರೆ. ಈ ಪ್ರಾಜೆಕ್ಟ್ ಶುರುವಾಗುವ ಮೊದಲೇ ವಿಜಯ್ ರಾಜಕೀಯದಲ್ಲಿ ತೊಡಗಿದ್ದರಿಂದ ನಮಗೆ ಕಾಸ್ಟಿಂಗ್ ಪ್ಲಾನ್ ಬದಲಾಯಿಸಬೇಕಾಯಿತು ಎಂದು ರಿವೀಲ್ ಮಾಡಿದ್ದಾರೆ.

ಅದೇ ಸಂದರ್ಭದಲ್ಲಿ ರಾಜಕೀಯಕ್ಕೆ ಎಂಟ್ರಿ ಕೊಟ್ಟಿರುವ ವಿಜಯ್ ಅವರ ಬಗ್ಗೆಯೂ ಬಾಲಾಜಿ ಮಾತನಾಡಿದರು. “ವಿಜಯ್ ಮುಖ್ಯಮಂತ್ರಿ ಆದ ನಂತರ ಜನರಲ್ಲಿ ಭರವಸೆ ಉಂಟಾಗಿದೆ. ನಾನಗೂ ಆ ಭರವಸೆ ಇದೆ ಎಂದು ಹೇಳಿದರು. ಹಾಗೆ, ವಿಜಯ್ ಆಡಳಿತದಲ್ಲಿ ಎಲ್ಲಾ ಸೆಕ್ಟರ್ ಅಭಿವೃಧ್ಧಿಯಾಗಲಿ ಎಂದು ಹೇಳಿದರು. ವಿಜಯ್ ಮತ್ತು ‘ಕರುಪ್ಪು’ ನಡುವಿನ ಸಂಬಧದ ಕುರಿತು ಬಿಚ್ಚಿಟ್ಟ ರಹಸ್ಯ ಅಭಿಮಾನಿಗಳ ಗಮನವನ್ನು ಸೆಳೆಯಿತು.