ನಟಿಯ ಈಗಿನ ಪ್ರಸ್ತುತ ಲುಕ್ ಅನ್ನು ಅವರ ಹಿಂದಿನ ದೇಹ ಪ್ರಕಾರದೊಂದಿಗೆ ಹೋಲಿಸಿದರು. ಟೀಕೆಗಳ ನಡುವೆ, ಸಲ್ಮಾನ್ ಖಾನ್ ಅವರ ಮಾಜಿ ಗೆಳತಿ ಸೋಮಿ ಅಲಿ ಕತ್ರಿನಾ ಅವರನ್ನು ಬೆಂಬಲಿಸಿದರು. ಹೆರಿಗೆಯ ನಂತರ ಮಹಿಳೆಯ ದೇಹದ ಬಗ್ಗೆ ಕಾಮೆಂಟ್ ಮಾಡುವ ಅಭ್ಯಾಸವನ್ನು ಬಲವಾಗಿ ಟೀಕಿಸಿದರು.

ಸೋಮಿ ಅಲಿ ಅವರು ಕತ್ರಿನಾ ಮತ್ತು ವಿಕಿ ಅವರ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ/ ಅಲ್ಲಿ ನಟಿಯ ಫೋಟೊ ಹಾಗೂ ವಿಡಿಯೋ ತೆಗೆದಿರುವುದನ್ನು ಕಾಣಬಹುದು.

ಟ್ರೋಲಿಂಗ್ ಬಗ್ಗೆ ಮಾತನಾಡುತ್ತಾ, ಸೋಮಿ ಪ್ರತಿಕ್ರಿಯಿಸಿ, “ಮಹಿಳೆಯ ದೇಹವು ಸಾರ್ವಜನಿಕ ಆಸ್ತಿಯಲ್ಲ – ಮತ್ತು ತಾಯ್ತನವು ಖಂಡಿತವಾಗಿಯೂ ಅದನ್ನು ಸಾರ್ವಜನಿಕ ವಿಮರ್ಶೆಗೆ ಗುರಿಯಾಗಿಸುವುದಿಲ್ಲ. ಅವಳು ಈ ಜಗತ್ತಿಗೆ ಒಂದು ಜೀವವನ್ನು ತಂದಳು. ಮತ್ತು ಅದು ಗೌರವಕ್ಕೆ ಅರ್ಹವಾಗಿದೆ, ಅಪಹಾಸ್ಯಕ್ಕಲ್ಲ ಎಂದರು.

ತೆರೆಯ ಹಿಂದೆ ಅಡಗಿರುವವರಿಗೆ ಮಹಿಳೆಯ ದೇಹವನ್ನು ಅವಮಾನಿಸುವುದು ಸುಲಭ, ಅವಳ ದೇಹ ಹೇಗಿದ್ದರೂ ನಿಮಗೇನು? ಅದು ನಿಮಗೆ ಸಂಬಂಧಿಸಿದ್ದಲ್ಲ. ಅವಳ ಪ್ರತಿಭೆ, ಅವಳ ಕೆಲಸ ಮತ್ತು ಅವಳ ಮಾನವೀಯತೆಯ ಬಗ್ಗೆ ಮಾತನಾಡಿ. ಮಹಿಳೆಯರು ಇದೇ ರೀತಿ ಕಾಣಬೇಕೆನ್ನುವ ಒತ್ತಾಯ ಇಲ್ಲವಾಗಲಿ ಎಂದರು.

ಹೆರಿಗೆಯ ನಂತರ ಮಹಿಳೆಯರು ಅನುಭವಿಸಬಹುದಾದ ದೈಹಿಕ ಬದಲಾವಣೆಗಳನ್ನು ಸಹ ಸೋಮಿ ಉಲ್ಲೇಖಿಸಿದರು. ತಾಯ್ತನದ ಬಗ್ಗೆ ಚರ್ಚಿಸುವಾಗ ಜನರು ಹೆಚ್ಚು ಪರಿಗಣನೆಯಿಂದ ಇರಬೇಕೆಂದು ಒತ್ತಾಯಿಸಿದರು.

“ಈ ಜಗತ್ತಿಗೆ ಜೀವವನ್ನು ಹೊತ್ತುಕೊಂಡು, ಪೋಷಿಸಿ, ತಂದ ಮಹಿಳೆಯಲ್ಲಿ ಏನೋ ಒಂದು ಆಳವಾದ ಸೌಂದರ್ಯವಿದೆ, ಸೊಬಗಿದೆ. ಪ್ರಸವಾನಂತರದ ದೇಹವು ಶಕ್ತಿ, ರೂಪಾಂತರ ಮತ್ತು ತಾಯ್ತನಕ್ಕೆ ಸಾಕ್ಷಿಯಾಗಿದೆ. ವಿಶೇಷವಾಗಿ ಮಹಿಳೆಯರ ಬಗ್ಗೆ ಮಾತನಾಡುವಾಗ ಬಹುಶಃ ನಾವು ಆಯ್ಕೆ ಮಾಡುವ ಪದಗಳ ಬಗ್ಗೆ ಹೆಚ್ಚು ಜಾಗರೂಕರಾಗಿರಬೇಕು ಎಂದರು.

ಸೌಂದರ್ಯವು ಒಂದು ಆಕಾರ, ಒಂದು ಗಾತ್ರ ಅಥವಾ ಒಂದು ಕಾಲಮಿತಿಯನ್ನು ಹೊಂದಿಲ್ಲ. ಮಹಿಳೆಯ ಮೌಲ್ಯವನ್ನು ಅವಳ ದೇಹವು ಬೇರೆಯವರ ನಿರೀಕ್ಷೆಗಳಿಗೆ ಸರಿಯಾಗಿದೆ, ಇಲ್ಲ ಎಂಬುದರ ಮೂಲಕ ಎಂದಿಗೂ ಅಳೆಯಲಾಗಿಲ್ಲ ಎಂದರು.

ಮಹಿಳೆಯರನ್ನು ಅವರ ಬಾಹ್ಯ ರೂಪಕ್ಕಿಂತ ಹೆಚ್ಚಿನ ಗುಣಕ್ಕಾಗಿ ಗುರುತಿಸಬೇಕೆಂದು ಅವರು ಕರೆ ನೀಡಿದರು. “ಮಹಿಳೆಯರನ್ನು ಅವರ ಜೀವನ, ಅವರು ಸೃಷ್ಟಿಸುವ ಕೆಲಸ ಮತ್ತು ಅವರು ನೀಡುವ ಪ್ರೀತಿಗಾಗಿ ಆಚರಿಸೋಣ ಎಂದು ಹೇಳಿದರು.

ಆದರೆ ಕಾರ್ಯಕ್ರಮದ ಫೋಟೋಗಳು ಮತ್ತು ವೀಡಿಯೊಗಳು ಆನ್‌ಲೈನ್‌ನಲ್ಲಿ ಹರಡಿದ ನಂತರ, ಕೆಲವು ಸಾಮಾಜಿಕ ಮಾಧ್ಯಮ ಬಳಕೆದಾರರು ಅವರ ಬದಲಾದ ನೋಟ ಮತ್ತು ತೂಕ ಇಳಿಕೆ ಬಗ್ಗೆ ಕಾಮೆಂಟ್ ಮಾಡಲು ಪ್ರಾರಂಭಿಸಿದರು.