‘ಜನ ನಾಯಗನ್’ ಬಿಡುಗಡೆಗೊಂಡ ಮೊದಲ ದಿನ ಭಾರತದಲ್ಲಿ 42.7 ಕೋಟಿ ರೂಪಾಯಿ ನಿವ್ವಳ ಗಳಿಕೆ ಮಾಡುವ ಮೂಲಕ ವರ್ಷದ ಪ್ರಮುಖ ಓಪನಿಂಗ್‌ಗಳಲ್ಲಿ ಒಂದಾಗಿ ಗುರುತಿಸಿಕೊಂಡಿತು. ವಿಜಯ್ ಅವರ ಕೊನೆಯ ಸಿನಿಮಾ ಎಂಬ ಕಾರಣಕ್ಕೆ ಅಭಿಮಾನಿಗಳಲ್ಲಿ ಭಾರೀ ನಿರೀಕ್ಷೆ ಇದ್ದು, ಅದರ ಪರಿಣಾಮ ಮೊದಲ ದಿನದ ಕಲೆಕ್ಷನ್‌ನಲ್ಲಿ ಸ್ಪಷ್ಟವಾಗಿ ಕಾಣಿಸಿತು.

ಭಾರತದಲ್ಲಿ ಗಳಿಕೆಯಲ್ಲಿ ಕುಸಿತ ಕಂಡರೂ, ವಿದೇಶಿ ಮಾರುಕಟ್ಟೆಯಲ್ಲಿ ಚಿತ್ರ ಉತ್ತಮ ಪ್ರದರ್ಶನ ನೀಡುತ್ತಿದೆ. ಬಿಡುಗಡೆಯಾದ ಎರಡೇ ದಿನಗಳಲ್ಲಿ ‘ಜನ ನಾಯಗನ್’ ವಿಶ್ವದಾದ್ಯಂತ 112.50 ಕೋಟಿ ರೂಪಾಯಿಗೂ ಅಧಿಕ ಗಳಿಕೆ ದಾಖಲಿಸಿದ್ದು, 100 ಕೋಟಿ ಕ್ಲಬ್ ಸೇರುವಲ್ಲಿ ಯಶಸ್ವಿಯಾಗಿದೆ.

‘ಜನ ನಾಯಗನ್’ ಸಿನಿಮಾ ವಿಜಯ್ ಅವರ ಮೂರು ದಶಕಗಳಿಗೂ ಹೆಚ್ಚು ಕಾಲದ ಸಿನಿ ಪಯಣಕ್ಕೆ ಅಂತ್ಯ ಹಾಡಲಿರುವ ಚಿತ್ರವಾಗಿದೆ. 60ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ವಿಜಯ್, ರಾಜಕೀಯ ಬದುಕಿನತ್ತ ಸಂಪೂರ್ಣ ಗಮನ ಹರಿಸುವ ಉದ್ದೇಶದಿಂದ ಈ ಚಿತ್ರದ ಬಳಿಕ ನಟನೆಯಿಂದ ದೂರ ಸರಿಯಲಿದ್ದಾರೆ ಎನ್ನಲಾಗಿದೆ.