ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿರುವ ವಿಡಿಯೊದಲ್ಲಿ ಇರಾ ಖಾನ್, ತಾವು ಸಾಮಾನ್ಯವಾಗಿ ಮಾನಸಿಕ ಆರೋಗ್ಯದ ಬಗ್ಗೆ ಹೆಚ್ಚು ಮಾತನಾಡುತ್ತೇನೆ ಎಂದು ಹೇಳಿದ್ದಾರೆ. ಜನರಲ್ಲಿ ಜಾಗೃತಿ ಮೂಡಿಸುವ ವಿಷಯಗಳಿಗೆ ಆದ್ಯತೆ ನೀಡುವುದು ತಮ್ಮ ಉದ್ದೇಶವಾಗಿದ್ದು, ಪ್ರತಿಯೊಂದು ಸಾರ್ವಜನಿಕ ವಿಚಾರದ ಬಗ್ಗೆ ಪ್ರತಿಕ್ರಿಯಿಸುವುದು ಸಾಧ್ಯವಾಗುವುದಿಲ್ಲ ಎಂದು ತಿಳಿಸಿದ್ದಾರೆ.

ಇಂತಹ ಘಟನೆಗಳನ್ನು ಹೆಚ್ಚು ನೋಡಿದಾಗ ನಾನು ಭಾವನಾತ್ಮಕವಾಗಿ ಕುಗ್ಗುತ್ತೇನೆ. ಅಸಹಾಯಕ ಭಾವನೆ ಕಾಡುತ್ತದೆ. ಅದರಿಂದ ಹೊರಬರಲು ನನ್ನ ಶಕ್ತಿ ಮತ್ತು ಗಮನವನ್ನು ಬೇರೆ ಕೆಲಸಗಳ ಕಡೆಗೆ ತಿರುಗಿಸುತ್ತೇನೆ ಎಂದು ವಿವರಿಸಿದ್ದಾರೆ.

ಈ ವಿಷಯದ ಬಗ್ಗೆ ಮಾತನಾಡದಿರುವುದರಿಂದ ಜನರಿಗೆ ನನಗೆ ಕಾಳಜಿ ಇಲ್ಲ ಎಂಬ ಭಾವನೆ ಮೂಡಿದ್ದರೆ ಅದಕ್ಕಾಗಿ ಕ್ಷಮೆಯಾಚಿಸುತ್ತೇನೆ ಎಂದು ಇರಾ ಖಾನ್ ಹೇಳಿದ್ದಾರೆ. ಮೌನವಾಗಿರುವುದು ನಿರ್ಲಕ್ಷ್ಯದ ಸಂಕೇತವಲ್ಲ. ನನ್ನ ಭಾವನಾತ್ಮಕ ಆರೋಗ್ಯವನ್ನು ಕಾಪಾಡಿಕೊಳ್ಳುವ ಪ್ರಯತ್ನ ಮಾತ್ರ ಎಂದು ಸ್ಪಷ್ಟಪಡಿಸಿದ್ದಾರೆ.