Last Updated:
ಲಖನೌನ ಏಕನಾ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಮೊದಲ ಟಿ20 ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ವೆಸ್ಟ್ ಇಂಡೀಸ್ ಬ್ಯಾಟಿಂಗ್ ವೈಪಲ್ಯದ ನಡುವೆಯೂ 171 ರನ್ಗಳ ಸವಾಲಿನ ಮೊತ್ತ ದಾಖಲಿಸಿದೆ.
ಲಖನೌನ ಏಕನಾ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಮೊದಲ ಟಿ20 ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ವೆಸ್ಟ್ ಇಂಡೀಸ್ ಬ್ಯಾಟಿಂಗ್ ವೈಫಲ್ಯದ ನಡುವೆಯೂ 171 ರನ್ಗಳ ಸವಾಲಿನ ಮೊತ್ತ ದಾಖಲಿಸಿದೆ. ಅದ್ಭುತ ಫಾರ್ಮ್ನಲ್ಲಿರುವ ನಾಯಕ ಶಾಯ್ ಹೋಪ್ 52 ರನ್ ಗಳಿಸಿದರೆ, ಶೆರ್ಫಾನ್ ರುದರ್ಫೋರ್ಡ್ 56 ರನ್ ಗಳಿಸಿ ಭಾರತಕ್ಕೆ 172 ರನ್ಗಳ ಗುರಿ ನೀಡಲು ನೆರವಾದರು. ಇಡೀ ಪಂದ್ಯದಲ್ಲಿ ಇವರಿಬ್ಬರನ್ನು ಬಿಟ್ಟರೆ ತಂಡದ ಯಾವೊಬ್ಬ ಬ್ಯಾಟರ್ ಕೂಡ 20ರ ಗಡಿ ದಾಟಲು ಸಾಧ್ಯವಾಗಲಿಲ್ಲ.
ಆರಂಭಿಕನಾಗಿ ಕಣಕ್ಕಿಳಿದಿದ್ದ ನಾಯಕ ಶಾಯ್ ಹೋಪ್ (37 ಎಸೆತಗಳಲ್ಲಿ 6 ಬೌಂ ಡರಿ ಮತ್ತು 2 ಸಿಕ್ಸರ್) 52 ರನ್ ಮತ್ತು ಶೆರ್ಫೇನ್ ರುದರ್ಫೋರ್ಡ್ (34 ಎಸೆತಗಳಲ್ಲಿ 6 ಬೌಂಡರಿ, 3 ಸಿಕ್ಸರ್) 56 ರನ್ ಗಳಿಸಿ ಅರ್ಧಶತಕ ಬಾರಿಸಿದರು. ಉಳಿದ ಬ್ಯಾಟ್ಸ್ ಮನ್ ಗಳು ದಯನೀಯವಾಗಿ ವಿಫಲರಾದರು. ಇವರಿಬ್ಬರನ್ನ ಹೊರೆತುಪಡಿಸಿದರೆ, 10ನೇ ಬ್ಯಾಟರ್ ಅಕೀಲ್ ಹೊಸೇನ್ 15, ಓಪನರ್ ಕಮಿಲ್ ಪೂರನ್ 12 ರನ್ಗಳಿಸಿ ಎರಂಕಿ ಮೊತ್ತ ದಾಖಲಿಸಿದ ಬ್ಯಾಟರ್ಸ್ ಎನಿಸಿಕೊಂಡರು. ಉಳಿದವರೆಲ್ಲರೂ ಭಾರತೀಯ ಸ್ಪಿನ್ನರ್ಗಳ ಕೌಶಲ್ಯದ ಮುಂದೆ ನಿಲ್ಲಲಾರದಾದರು.
ಭಾರತದ ಪರ ಅದ್ಭುತ ಬೌಲಿಂಗ್ ಪ್ರದರ್ಶಿಸಿದ ಚೊಚ್ಚಲ ಪಂದ್ಯದ ಆಟಗಾರ ನಮನ್ ಧೀರ್ 3 ವಿಕೆಟ್ ಪಡೆದು ಮಿಂಚಿದರೆ, ಅಕ್ಷರ್ ಪಟೇಲ್ ಮತ್ತು ಕುಲದೀಪ್ ಯಾದವ್ ತಲಾ 2 ವಿಕೆಟ್ ಉರುಳಿಸಿದರು. ಇದರೊಂದಿಗೆ ಭಾರತ ಪಂದ್ಯವನ್ನು ಗೆಲ್ಲಲು 172 ರನ್ಗಳ ಸಾಧಾರಣ ಗುರಿಯನ್ನು ಪಡೆದಿದೆ.
