ಟಾಸ್ ನಂತರ ಮಾತನಾಡಿದ ನಾಯಕ ಶುಭ್​​ಮನ್ ಗಿಲ್, ಕೆಎಲ್ ರಾಹುಲ್ ಅನಾರೋಗ್ಯದಿಂದ ಬಳಲುತ್ತಿರುವ ಕಾರಣ ಅವರಿಗೆ ವಿಶ್ರಾಂತಿ ನೀಡಲಾಗಿದೆ ಎಂದು ತಿಳಿಸಿದರು. “ನಾವು ಟಾಸ್ ಗೆದ್ದರೆ, ನಾವು ಮೊದಲು ಬೌಲಿಂಗ್ ಮಾಡಲು ಬಯಸುತ್ತಿದ್ದೆವು. ಕೊನೆಯ ಪಂದ್ಯದಲ್ಲಿ, ನಾವು ಸಾಮೂಹಿಕ ಪ್ರದರ್ಶನವನ್ನು ನೀಡಿದ್ದೇವೆ. ಇಂದು ಇದೇ ರೀತಿಯ ಪ್ರದರ್ಶನವನ್ನು ನೀಡಲು ನಾನು ಆಶಿಸುತ್ತೇನೆ.

ಕಳೆದ ಪಂದ್ಯದಲ್ಲಿ ನಾವು ಪವರ್ ಪ್ಲೇನಲ್ಲಿ ಮೊದಲ ಆರೇಳು ಓವರ್​ಗಳನ್ನ ಅತ್ಯುತ್ತಮವಾಗಿ ಎಸೆದಿದ್ದೆವು. ಆದರೆ ನಂತರ ಇಂಗ್ಲೆಂಡ್ ಬ್ಯಾಟ್ಸ್‌ಮನ್‌ಗಳು ನಮ್ಮ ಮೇಲೆ ಒತ್ತಡ ಹೇರಿದರು. ಆದರೆ ನಮ್ಮ ಬೌಲರ್‌ಗಳು ಮಧ್ಯಮ ಓವರ್‌ಗಳಲ್ಲಿ ಕಮ್‌ಬ್ಯಾಕ್ ಮಾಡಿದ ರೀತಿ, ವಿಕೆಟ್ ಪಡೆದ ರೀತಿ ಅದ್ಭುತವಾಗಿತ್ತು. ನಾನು ಈ ಹಿಂದೆ ಇಲ್ಲಿ ಆಡಿದ್ದೇನೆ. ನನಗೆ ಒಳ್ಳೆಯ ನೆನಪುಗಳಿವೆ. ನಾವು ನಮ್ಮ ತಂಡದಲ್ಲಿ ಒಂದು ಬದಲಾವಣೆ ಮಾಡಿದ್ದೇವೆ. ಕೆಎಲ್ ರಾಹುಲ್ ಅನಾರೋಗ್ಯದ ಕಾರಣ ಪಂದ್ಯದಿಂದ ಹೊರಗುಳಿದಿದ್ದಾರೆ. ಅವರ ಬದಲಿಗೆ ಇಶಾನ್ ಕಿಶನ್ ಆಡುತ್ತಿದ್ದಾರೆ’ ಎಂದು ಶುಭಮನ್ ಗಿಲ್ ಹೇಳಿದ್ದಾರೆ.

ಮತ್ತೊಂದೆಡೆ ಇಂಗ್ಲೆಂಡ್ ನಾಯಕ ಹ್ಯಾರಿ ಬ್ರೂಕ್ ಅವರು ಪಿಚ್ ಪರಿಸ್ಥಿತಿಗಳ ಹಿನ್ನೆಲೆಯಲ್ಲಿ ಬೌಲಿಂಗ್ ಮಾಡಲು ಆಯ್ಕೆ ಮಾಡಿಕೊಂಡಿದ್ದಾಗಿ ತಿಳಿಸಿದ್ದಾರೆ. “ಪಿಚ್‌ನಲ್ಲಿ ಸ್ವಲ್ಪ ಹುಲ್ಲು ಇದೆ. ಆದ್ದರಿಂದ ಚೆಂಡು ಆರಂಭದಲ್ಲಿ ಸೀಮ್ ಮತ್ತು ಸ್ವಿಂಗ್ ಆಗುತ್ತದೆ ಎಂದು ಆಶಿಸುತ್ತೇವೆ. ಕಳೆದ ಪಂದ್ಯವನ್ನು ಸೋತ ನಂತರ ನಾವು ನಮ್ಮ ಯೋಜನೆಗಳನ್ನು ಇನ್ನಷ್ಟು ಉತ್ತಮವಾಗಿ ಕಾರ್ಯಗತಗೊಳಿಸಲು ಬಯಸುತ್ತೇವೆ. ಯಾವುದೇ ಪಂದ್ಯದಲ್ಲಿ ನಾವು ಅಷ್ಟು ಸುಲಭವಾಗಿ ಬಿಟ್ಟುಕೊಡುವುದಿಲ್ಲ. ಕಳೆದ ಪಂದ್ಯದಲ್ಲೂ ನಾವು ಕಠಿಣ ಹೋರಾಟ ನೀಡಿದ್ದೆವು. ಇಂದಿನ ಪಂದ್ಯದಲ್ಲಿ ನಾವು ಎರಡು ಬದಲಾವಣೆ ಮಾಡಿಕೊಂಡಿದ್ದೇವೆ. ಜೋಸ್ ಟಂಗ್ ಡಾಸೆನ್ ಬದಲಿಗೆ ಗಸ್ ಅಟ್ಕಿನ್ಸನ್ ಹಾಗೂ ಸಾದಿಕ್ ಮಹ್ಮೂದ್ ತಂಡಕ್ಕೆ ಸೇರಿಕೊಂಡಿದ್ದಾರೆ ಎಂದು ತಿಳಿಸಿದರು.