ಶಿವಣ್ಣನ ಮನ ಮೆಚ್ಚಿದ ಹುಡುಗಿ ಚಿತ್ರದ “ಬೆಂಕಿಯಲ್ಲಿ ತಂಪು ಕಂಡೆನು” ಹಾಡನ್ನೆ ಇಲ್ಲಿ ಬಳಕೆ ಮಾಡಿದ್ದರು. ಇದಕ್ಕೆ ಮ್ಯೂಸಿಕ್ ಡೈರೆಕ್ಟರ್ ಪೂರ್ಣಚಂದ್ರ ತೇಜಸ್ವಿ ಹೊಸ ಸ್ಪರ್ಶ ಕೊಟ್ಟಿದ್ದರು. ವಿನಯ್ ರಾಜ್‌ಕುಮಾರ್ ಹಾಗೂ ಮೇಘಾ ಶೆಟ್ಟಿ ಈ ಹಾಡಿಗೆ ಸಖತ್ ಆಗಿಯೇ ಕುಣಿದಿದ್ದರು. ಇದಕ್ಕೆ ಮಿಲಿಯನ್ ಗಟ್ಟಲೆ ವೀವ್ಸ್ ಕೂಡ ಬಂದಿವೆ.

ಇದರಲ್ಲಿ ಬರುವ ಪ್ರತಿ ಲೈನ್ ಕೂಡ ಅಷ್ಟೆ ಪವರ್ ಫುಲ್ ಆಗಿಯೇ ಇವೆ. ಇದನ್ನ ರಘು ದೀಕ್ಷಿತ್ ಅಷ್ಟೆ ಎನರ್ಜಿಯನ್ನೆ ಹಾಕಿದ್ದಾರೆ. ಆದರೆ, ಸದ್ಯ ಈ ಹಾಡಿನ ಲಿರಿಕಲ್ ವಿಡಿಯೋ ಮಾತ್ರ ರಿಲೀಸ್ ಆಗಿದೆ.

ಹಾಡಿನ ಸಾಲುಗಳು ಹೀಗಿವೆ

ಶತಶತಮಾನಗಳಿಂದ

ಮೊದಲ ಪಂಕ್ತಿಎಲೆ ಕೂತು

ತೆಗಿ ತೇಗಿ ಉಂಡವರೇ

ಸಾಕು ಸಾಕು ಎದ್ದೇಳಿ

ಶತಶತಮಾನಗಳಿಂದ…

ತಲೆ ತಲೆಮಾರುಗಳಿಂದ

ದುಡಿದು ಕೂಡ ಹಸಿದವರ

ಸರತಿ ಸಾಲು ದೊಡ್ಡದಿದೆ…

ಏಳಿ ಏಳಿ ಮೇಲೇಳಿ

ಬೆವರ ಸುರಿಸಿ ದುಡಿದವರ

ರಕುತ ಕುದಿಯುವ ಮುನ್ನ

ಕಿತ್ತು ತಿನ್ನುವ ಜನರೇ

ಈ ಚಿತ್ರವನ್ನ ದೇವನೂರು ಚಂದ್ರು ಬರೆದಿದ್ದಾರೆ. ಇವರೇ ಡೈರೆಕ್ಷನ್ ಕೂಡ ಮಾಡಿದ್ದಾರೆ. ಈಗಾಗಲೇ ಹೇಳಿದಂತೆ ಪೂರ್ಣಚಂದ್ರ ತೇಜಸ್ವಿ ಸಂಗೀತ ಕೊಟ್ಟಿದ್ದಾರೆ. ಸಂತೋಷ್ ರೈ ಪಾತಾಜೆ ಕ್ಯಾಮರಾವರ್ಕ್ ಮಾಡಿದ್ದಾರೆ.

ಈ ಚಿತ್ರದ ರಿಲೀಸ್ ಯಾವಾಗ ಅನ್ನುವ ಕುತೂಹಲವೂ ಇದೆ. ಇದರೊಟ್ಟಿಗೆ ಈ ಸಿನಿಮಾದಲ್ಲಿ ವಿನಯ್ ರಾಜ್‌ಕುಮಾರ್ ಮತ್ತೊಂದು ಹೊಸ ಭರವಸೆ ಮೂಡಿಸಿದ್ದಾರೆ. ಚಿತ್ರದ ಪೋಸ್ಟರ್‌ಗಳು ಆ ಒಂದು ಭರವಸೆ ಮೂಡಿಸಿವೆ ಅಂತ ಹೇಳಬಹುದು.