ಸಂತ್ರಸ್ತ ಮಹಿಳೆಯ ಸಹೋದರ ರಾಕೇಶ್ ಶರ್ಮಾ ನೀಡಿರುವ ಮಾಹಿತಿಯ ಅನ್ವಯ, ಆಯುಷಿ ತಂದೆ ವಿಜಯ್ ಶರ್ಮಾ ರಾಜಸ್ಥಾನ ಹೈಕೋರ್ಟ್ ಮಾಸ್ಟರ್​​ ಆಗಿ ಕೆಲಸ ಮಾಡುತ್ತಿದ್ದರು. 2024ರಲ್ಲಿ ಅವರಿಗೆ ಮೆದುಳಿಗೆ ಸಂಬಂಧಿಸಿದ ಅನಾರೋಗ್ಯಕ್ಕೆ ಒಳಗಾಗಿದ್ದರು. ಚಿಕಿತ್ಸೆ ಬಳಿಕ ಸ್ವಲ್ಪ ಚೇತರಿಕೆ ಕಾಣಿಸಿತ್ತು. ಆದರೆ ಹೆಚ್ಚಿನ ಚಿಕಿತ್ಸೆಗೆ ಅಂತ ಆಯುಷಿ ಬೇರೆ ಸ್ಥಳಕ್ಕೆ ಕರೆದುಕೊಂಡು ಹೋಗಿದ್ದಳಂತೆ.

ಬರೋಬ್ಬರಿ ಮೂರು ತಿಂಗಳು ಆಕೆ, ತಂದೆಯನ್ನು ಎಲ್ಲಿಗೆ ಕರೆದುಕೊಂಡು ಹೋಗಿದ್ದಳು ಅನ್ನೋದು ತಿಳಿದು ಬಂದಿಲ್ಲವಂತೆ. ಆ ಬಳಿಕ ಜೈಪುರದ ಆಸ್ಪತ್ರೆಗೆ ಸೇರ್ಪಡೆ ಮಾಡಿದ್ದು ತಿಳಿದು ಕುಟುಂಬ ಸದಸ್ಯರು ಅಲ್ಲಿಗೆ ಹೋಗಿದ್ದರಂತೆ. ಆದರೆ ಆ ವೇಳೆಗಾಗಲೇ ಅವರ ಸ್ಥಿತಿ ಕೈಮೀರಿತ್ತಂತೆ. ಇದರಂತೆ ಏಪ್ರಿಲ್ 2025ರಂದು ವಿಜಯ್ ಶರ್ಮಾ ಸಾವನ್ನಪ್ಪಿದ್ದರಂತೆ. ಪ್ಲ್ಯಾನ್ ಮಾಡಿಯೇ, ತಂದೆಗೆ ಚಿಕಿತ್ಸೆ ಸಿಗದಂತೆ ಮಾಡಿ ಅವರನ್ನು ಕೊಲೆ ಮಾಡಿದ್ದಾರೆ ಎಂದು ಹೈಕೋರ್ಟ್ ಮೊರೆ ಹೋಗಿದ್ದಾರೆ.

ತಂದೆಯ ಸಾವಿನ ಬಳಿಕ ಕಾನೂನು ಅನ್ವಯ ಸರ್ಕಾರಿ ಉದ್ಯೋಗ ಆಯುಷಿಗೆ ಸಿಗದೆ ಅವರ ತಾಯಿ ನೀರಜ್ ಶರ್ಮಾಗೆ ಸಿಕ್ಕಿತ್ತಂತೆ. ಇದಕ್ಕೆ ಸಾಥ್ ನೀಡುವಂತೆ ಕುಟುಂಬದ ಆಸ್ತಿ ಎಲ್ಲಾ ತಾಯಿಯ ಹೆಸರಿಗೆ ಬಂದಿತ್ತಂತೆ. ಆಯುಷಿಗಿಂತ ತಾಯಿ ವಿಶೇಷ ಚೇತನ ತಂಗಿಗೆ ಹೆಚ್ಚು ಪ್ರೀತಿ ನೀಡುತ್ತಿದ್ದಳಂತೆ. ಇದರಿಂದ ಬೇಸರಗೊಂಡಿದ್ದ ಆಯುಷಿ, ತಾಯಿ ಮೇಲೆ ಹಗೆತನ ಬೆಳೆಸಿಕೊಂಡಿದ್ದಳಂತೆ. ತಂದೆಯ ಉದ್ಯೋಗ ತಾಯಿಗೆ ಸಿಕ್ಕ ಬಳಿಕ ತಾಯಿಯನ್ನ ತನ್ನ ದಾರಿಯಿಂದ ದೂರ ಮಾಡಲು ಪ್ಲ್ಯಾನ್ ಮಾಡಿದ್ದಳಂತೆ. ತಾಯಿ ಸಾವನ್ನಪ್ಪಿದರೆ ಉದ್ಯೋಗ, ಆಸ್ತಿ ಎರಡು ತನಗೆ ಸಿಗುತ್ತೆ ಅಂತ ಅಂದುಕೊಂಡಿದ್ದಳಂತೆ. ಎಲ್​​ಎಲ್​ಬಿ ಅಂತಿಮ ವರ್ಷದ ಶಿಕ್ಷಣ ಪಡೆಯುತ್ತಿದ್ದ ಕಾರಣ ಕಾನೂನಿನ ಬಗ್ಗೆ ಹೆಚ್ಚಿನ ಅರಿವು ಇತ್ತಂತೆ. ಇದರಂತೆ ಯಾರಿಗೂ ಡೌಟ್ ಕೂಡ ಬಾರದಂತೆ ಪ್ಲ್ಯಾನ್ ಮಾಡಿ ಕೊಲೆ ಮಾಡಿದ್ದರು.