ಆರೋಪಿಗಳ ಪರವಾಗಿ ಸಾಕ್ಷಿ ನುಡಿಯಬೇಕು ಎಂದು ರೇಣುಕಾಸ್ವಾಮಿ ಕೊಲೆ ಕೇಸ್​​ನ ಸಾಕ್ಷಿದಾರ ಸಂದೀಪ್ ಅವರಿಗೆ ಬೆದರಿಕೆ ಹಾಕಿದ್ದರು ಎನ್ನುವ ಆರೋಪವಿದೆ. ಈ ಸಂಬಂಧ ಪೊಲೀಸರು ತನಿಖೆ ನಡೆಸಿದ್ದು,  ತುಮಕೂರಿನ ದುರ್ಗಾ ಬಾರ್ ಕ್ಯಾಶಿಯರ್​ಗೆ ಧಮ್ಕಿ ಹಾಕಿದವನು ಬೇರೆ ಯಾರೂ ಅಲ್ಲ, ಇದೇ ಕೇಸ್​ನ ಮತ್ತೊಬ್ಬ ಸಾಕ್ಷಿ ಅನ್ನೋ ವಿಚಾರ ಬಯಲಾಗಿದೆ.

ಕಳೆದ ಜೂನ್ 25 ರಂದು ರೇಣುಕಾಸ್ವಾಮಿ ಕೊಲೆ ಕೇಸ್​ನಲ್ಲಿ  ತುಮಕೂರಿನ ದುರ್ಗಾ ಬಾರ್ ಕ್ಯಾಶಿಯರ್​ ಸಂದೀಪ್​ ಪ್ರಮುಖ ಸಾಕ್ಷಿಯಾಗಿದ್ದಾರೆ. ರೇಣುಕಾಸ್ವಾಮಿಯನ್ನ ಚಿತ್ರದುರ್ಗದಿಂದ ಬೆಂಗಳೂರಿಗೆ ಕರೆತರುವ ಮಾರ್ಗಮಧ್ಯೆ ಆರೋಪಿಗಳು ತುಮಕೂರಿನಲ್ಲಿ ಕಾರು ನಿಲ್ಲಿಸಿದ್ರು.

ತುಮಕೂರಿನ ದುರ್ಗಾ ಬಾರ್​ನಲ್ಲಿ ಮದ್ಯ ಖರೀದಿಸಿದ್ದರು ಎನ್ನಲಾಗ್ತಿದೆ. ಈ ವೇಳೆ ದುರ್ಗಾ ಬಾರ್ ಕ್ಯಾಶಿಯರ್ ಸಂದೀಪ್ ಗೆ ಹಣ ಪಾವತಿಸಿದ್ದಾರೆ. ಹೀಗಾಗಿ ರೇಣುಕಾಸ್ವಾಮಿಯನ್ನ ಆರೋಪಿಗಳು ಬೆಂಗಳೂರಿಗೆ ಕರೆತಂದಿದ್ದಕ್ಕೆ ಸಂದೀಪ್ ಪ್ರಮುಖ ಸಾಕ್ಷಿಯಾಗಿದ್ದ ಎಂದು ವರದಿ ಆಗಿದೆ.

ರೇಣುಕಾಸ್ವಾಮಿ ಹತ್ಯೆ ಕೇಸ್ ನಲ್ಲಿ ಸಾಕ್ಷಿಯಾಗಿರುವ ಸಂದೀಪ್​ಗೆ ಮತ್ತೊಬ್ಬ ಸಾಕ್ಷಿಯಾಗಿರೋ ಪುನೀತ್ ಎಂಬಾತನೇ ಬೆದರಿಕೆ ಹಾಕಿದ್ದಾನೆ ಎನ್ನುವ ವಿಚಾರ ಬಯಲಾಗಿದೆ. ರೇಣುಕಾಸ್ವಾಮಿ ಹತ್ಯೆಯಾದ ನಂತರ ಆರೋಪಿಗಳೆಲ್ಲಾ ಮೃತದೇಹ ಸಾಗಿಸಿದ್ದರು. ಮೃತದೇಹ ಸಾಗಾಟ ಮಾಡಿದ್ದ ಸ್ಕಾರ್ಪಿಯೋ ಕಾರಿನ ಮಾಲೀಕನೇ ಬೆದರಿಕೆ ಹಾಕಿದ ಆರೋಪಿ ಪುನೀತ್ ಎನ್ನುವ ವಿಚಾರ ತನಿಖೆ ವೇಳೆ ಹೊರಬಂದಿದೆ.

ಈತ ಚಿಕ್ಕಬಳ್ಳಾಪುರದಿಂದ ದರ್ಶನ್ ಫಾರ್ಮ್ ಹೌಸ್ ಗೆ ಮೇಕೆಗಳನ್ನ ಕೊಂಡೊಯ್ಯಲು ಕಾರನ್ನ ನೀಡಿದ್ದೆ ಎಂದಿದ್ದಾನೆ ಈತ. ಮೈಸೂರು ಮೂಲದ ದರ್ಶನ್ ಮ್ಯಾನೇಜರ್ ನಾಗರಾಜ್ ಸ್ಕಾರ್ಪಿಯೋ ಕಾರನ್ನ ಪಡೆದಿದ್ರಂತೆ. ಬಳಿಕ ರೇಣುಕಾಸ್ವಾಮಿ ಶವವನ್ನ ಕೂಡ ಇದೇ ಪುನೀತ್​ ಅವರ ಸ್ಕಾರ್ಪಿಯೋ ಕಾರನಲ್ಲೇ ಸಾಗಿಸಿದ್ರು.

ಹೀಗಾಗಿ ಕಾರು ಮಾಲೀಕ ಪುನೀತ್​ನನ್ನು ಕೂಡ ಸಾಕ್ಷಿದಾರನಾಗಿ ಪರಿಗಣಿಸಲಾಗಿತ್ತು. ಪುನೀತ್​ ಮೂಲತಃ ಹಾಸನದ ಅರಸೀಕೆರೆಯವನಾಗಿದ್ದು. ಬೆಂಗಳೂರಿನ ಮಹದೇವಪುರದಲ್ಲಿ ವಾಸವಾಗಿದ್ದ. ದರ್ಶನ್ ಅಭಿಮಾನಿ ಆಗಿರೋ ಆರೋಪಿ ಪುನೀತ್, ದರ್ಶನ್ ಹೆಸರಿನಲ್ಲಿ ಇನ್ಸಾಗ್ರಾಮ್​, ಫೇಸ್​ಬುಕ್​ ಖಾತೆಗಳಾದ ಡಿ ಕಂಪನಿ, ದರ್ಶನ್ ತೂಗುದೀಪ ಶ್ರೀನಿವಾಸ್, ದಾಸ ದರ್ಶನ್ ಸೇರಿ ದರ್ಶನ್ ಕೆಲ ಫ್ಯಾನ್ಸ್ ಪೇಜ್​ಗಳನ್ನ ಈತನೇ ನೋಡಿಕೊಳ್ತಿದ್ದನಂತೆ.