ವಿಚಾರಣೆ ಆರಂಭವಾಗ್ತಿದ್ದಂತೆ ಅರ್ಜಿದಾರರ ಪರ ಹಿರಿಯ ವಕೀಲ ನಾಗಮುತ್ತು ಅವರು ವಾದ ಮಂಡಿಸಿದ್ರು. ತಾವು ಎರಡು ಪ್ರಮುಖ ಅಂಶಗಳನ್ನು ಆಧರಿಸಿ ವಾದ ಮಂಡಿಸುವುದಾಗಿ ತಿಳಿಸಿದರು. ಎರಡು ಕೋರ್ಟ್ ತೀರ್ಪುಗಳ ಬಗ್ಗೆಯೂ ಉಲ್ಲೇಖಿಸಿದ್ರು. ಈ ವೇಳೆ ಪೀಠದಲ್ಲಿದ್ದ ನ್ಯಾಯಾಧೀಶರು, “ನಾವು ಪ್ರಕರಣದ ಸಂಪೂರ್ಣ ಕಡತಗಳನ್ನು ಓದಿದ್ದೇವೆ” ಎಂದು ಹೇಳಿದ್ದಲ್ಲದೆ, ನೀವು ಮಾಫಿ ಸಾಕ್ಷಿಯನ್ನು ಕ್ರಾಸ್ ಎಕ್ಸಾಮಿನೇಷನ್  ಮಾಡುತ್ತೀರಲ್ಲವೇ? ಎಂದು ಪ್ರಶ್ನಿಸಿದರು.

ವಾದ-ಪ್ರತಿವಾದ ಆಲಿಸಿದ ಸುಪ್ರೀಂ ಕೋರ್ಟ್‌ ವಿಜಯಲಕ್ಷ್ಮಿ ಅವರು ಸಲ್ಲಿಸಿದ್ದ ಅರ್ಜಿಯನ್ನು ವಜಾಗೊಳಿಸಿ ಆದೇಶಿಸಿದೆ. ಇದ್ರಿಂದಾಗಿ ಕೊಲೆ ಪ್ರಕರಣದಲ್ಲಿ ಕಾನೂನು ಹೋರಾಟ ನಡೆಸುತ್ತಿರುವ ನಟ ದರ್ಶನ್ ಹಾಗೂ ವಿಜಯಲಕ್ಷ್ಮಿಗೆ ಈ ಬಾರಿಯೂ ಹಿನ್ನಡೆಯಾದಂತಾಗಿದೆ.

ಸೆಷನ್ಸ್ ಕೋರ್ಟ್ ಹಾಗೂ ಹೈಕೋರ್ಟ್ ಆದೇಶ ಎತ್ತಿ ಹಿಡಿದ ಸುಪ್ರೀಂ ಕೋರ್ಟ್, ಬೇಕಾದ್ರೆ ಕ್ರಾಸ್ ಎಕ್ಸಾಮಿನ್ ಮಾಡಿ, ಅದು ಬಿಟ್ಟು ಮಾಫಿ ಅರ್ಜಿ ವಜಾ ಮಾಡಿ ಅನ್ನೋ ಅಧಿಕಾರ ಇಲ್ಲ ಎಂದು ಖಡಕ್ ಅಭಿಪ್ರಾಯ ತಿಳಿಸಿದೆ.

ಮಾಫಿ ಸಾಕ್ಷಿಗೆ ತಡೆಕೋರಿ ಸೆಷನ್ಸ್ ಕೋರ್ಟ್, ಹೈಕೋರ್ಟ್, ಸುಪ್ರೀಂ ಕೋರ್ಟ್ ಅಂತ 3 ಕೋರ್ಟ್​ಗಳಲ್ಲಿ ಅರ್ಜಿ ಹಾಕಿದ್ರೂ ದರ್ಶನ್​ಗೆ ಹಿನ್ನೆಡೆ ಆಗಿದೆ. ಕಾರಣ ಮಾಫಿ ಸಾಕ್ಷಿಯಾದವರು ಸಾಕ್ಷಿ ನುಡಿಯುವ ಅಧಿಕಾರವನ್ನ ಯಾರಿಂದಲೂ ಕಿತ್ತುಕೊಳ್ಳಲು ಸಾಧ್ಯವಿಲ್ಲ ಅನ್ನೋದು. ಮಾಫಿ ಸಾಕ್ಷಿ ಸಾಕ್ಷ್ಯ ನುಡಿದ ಬಳಿಕ ಕ್ರಾಸ್ ಎಕ್ಸಾಮಿನೇಷನ್​ ವೇಳೆ ಸತ್ಯ ಬಾಯ್ಬಿಡಿಸುವ ಅವಕಾಶ ಇರುತ್ತೆ. ಇದ್ರಿಂದಲೇ ದರ್ಶನ್ ಹಾಗೂ ವಿಜಯಲಕ್ಷ್ಮಿ ಹಿನ್ನೆಡೆ ಆಗಿದೆ ಎನ್ನಲಾಗ್ತಿದೆ.