Last Updated:
ಸ್ಕಾಟ್ಲೆಂಡ್ನ ಗ್ಲಾಸ್ಗೋದಲ್ಲಿ ನಡೆಯುತ್ತಿರುವ 2026ರ ಕಾಮನ್ವೆಲ್ತ್ ಕ್ರೀಡಾಕೂಟದಲ್ಲಿ ನೀರಜ್ ಚೋಪ್ರಾ ಚೆನ್ನಾಗಿ ಆಡಿ, ಮೊದಲ 12ರಲ್ಲಿ 5ನೇ ಸ್ಥಾನ ಪಡೆದು ಫೈನಲ್ಗೆ ಅರ್ಹತೆ ಪಡೆದಿದ್ದಾರೆ. ಅವರ ಜೊತೆಗೆ ಇನ್ನಿಬ್ಬರು ಭಾರತೀಯ ಜಾವೆಲಿನ್ ಎಸೆತಗಾರರೂ ಫೈನಲ್ಗೆ ತಲುಪಿದ್ದಾರೆ.
ಎರಡು ಬಾರಿ ಒಲಿಂಪಿಕ್ (Olympic) ಪದಕ ಗೆದ್ದ ಭಾರತದ ಸ್ಟಾರ್ ಜಾವೆಲಿನ್ (Javelin) ಎಸೆತಗಾರ ನೀರಜ್ ಚೋಪ್ರಾ (Neeraj Chopra) 2026ರ ಕಾಮನ್ವೆಲ್ತ್ (Commonwealth) ಕ್ರೀಡಾಕೂಟದಲ್ಲಿ ಭಾಗವಹಿಸಿದ್ದಾರೆ. ಜಾವೆಲಿನ್ ಥ್ರೋನಲ್ಲಿ ಅವರು ಚೆನ್ನಾಗಿ ಪ್ರದರ್ಶನ ನೀಡಿ ಫೈನಲ್ಗೆ ಎಂಟ್ರಿ ಕೊಟ್ಟಿದ್ದಾರೆ. ಅವರ ಜೊತೆಗೆ ಇನ್ನೂ ಇಬ್ಬರು ಭಾರತೀಯ ಆಟಗಾರರೂ ಫೈನಲ್(Final)ಗೆ ಹೋಗಿದ್ದಾರೆ. ಸ್ಪರ್ಧೆಯಲ್ಲಿ ನೀರಜ್ ಉತ್ಸಾಹದಿಂದ ಕಾಣಿಸಿಕೊಂಡರು. ಮೂವರೂ ಭಾರತೀಯರು ಟಾಪ್- 12ರಲ್ಲಿ ಬಂದು ಭಾರತಕ್ಕೆ ಪದಕದ ಭರವಸೆ ನೀಡಿದ್ದಾರೆ. ಈಗ ಫೈನಲ್ನಲ್ಲಿ ನೀರಜ್ ಮತ್ತು ಆ ಇಬ್ಬರೂ ಪದಕ ಗೆಲ್ಲುವ ನಿರೀಕ್ಷೆಯಲ್ಲಿದ್ದಾರೆ.
2018ರ ಕಾಮನ್ವೆಲ್ತ್ ಚಿನ್ನ ಗೆದ್ದ ನೀರಜ್, 2026ರ ಕ್ರೀಡಾಕೂಟದಲ್ಲಿ 79.61 ಮೀಟರ್ ಜಾವೆಲಿನ್ ಎಸೆದು ಅರ್ಹತಾ ಸುತ್ತಿನಲ್ಲಿ 5ನೇ ಸ್ಥಾನ ಪಡೆದರು. ರೋಹಿತ್ ಯಾದವ್ 78.37 ಮೀಟರ್ ಎಸೆದು 9ನೇ ಸ್ಥಾನ ಮತ್ತು ಯಶ್ವೀರ್ ಸಿಂಗ್ 78.36 ಮೀಟರ್ ಎಸೆದು 10ನೇ ಸ್ಥಾನ ಪಡೆದರು. ಇವರಿಬ್ಬರೂ ಅಗ್ರ 12ರಲ್ಲಿ ಸೇರಿದ್ದಾರೆ. ಹೀಗೆ ಗ್ಲಾಸ್ಗೋದಲ್ಲಿ ನಡೆದ 2026ರ ಕಾಮನ್ವೆಲ್ತ್ ಜಾವೆಲಿನ್ ಸ್ಪರ್ಧೆಯಲ್ಲಿ ಮೂವರು ಭಾರತೀಯರು ಫೈನಲ್ಗೆ ಅರ್ಹರಾಗಿದ್ದಾರೆ.
ಶ್ರೀಲಂಕಾದ ರುಮೇಶ್ ಪತಿರಾಜ್ 82.84 ಮೀಟರ್ ಎಸೆದು ಮೊದಲ ಸ್ಥಾನ ಪಡೆದರು. ಜರ್ಮನಿಯ ಆಂಡರ್ಸನ್ ಪೀಟರ್ಸ್ 81.29 ಮೀಟರ್ ಎಸೆದು ಎರಡನೇ ಸ್ಥಾನ ಪಡೆದರು. ದಕ್ಷಿಣ ಆಫ್ರಿಕಾದ ಡೌ ಸ್ಮಿತ್ 80.64 ಮೀಟರ್ ಎಸೆದು ಮೂರನೇ ಸ್ಥಾನ ಪಡೆದರು. ಇಂಗ್ಲೆಂಡ್ನ ಬೆನ್ ಈಸ್ಟ್ 80.38 ಮೀಟರ್ ಎಸೆದು ನಾಲ್ಕನೇ ಸ್ಥಾನ ಪಡೆದರು.
- ರುಮೇಶ್ ಪತಿರಗೆ (ಶ್ರೀಲಂಕಾ)- 82.84ಮೀ
- ಆಂಡರ್ಸನ್ ಪೀಟರ್ಸ್ (ಜರ್ಮನಿ) – 81.29ಮೀ.
- ಡೌ ಸ್ಮಿತ್ (ದಕ್ಷಿಣ ಆಫ್ರಿಕಾ) – 80.64ಮೀ
- ಬೆನ್ ಈಸ್ಟ್ (ಇಂಗ್ಲೆಂಡ್) – 80.38 ಮೀ.
- ನೀರಜ್ ಚೋಪ್ರಾ (ಭಾರತ) – 79.61ಮೀ.
- ಕ್ಯಾಮೆರಾನ್ ಮ್ಯಾಕ್ಇಂಟೈರ್ (ಆಸ್ಟ್ರೇಲಿಯಾ) – 78.91 ಮೀ
- ಅರ್ಷದ್ ನದೀಮ್ (ಪಾಕಿಸ್ತಾನ) – 78.63 ಮೀ.
- ಕೀಶಾನ್ ಸ್ಟ್ರಾಚನ್ (ಬಹರೇನ್) – 78.60 ಮೀ
- ರೋಹಿತ್ ಯಾದವ್ (ಭಾರತ) – 78.37ಮೀ.
- ಯಶ್ವೀರ್ ಸಿಂಗ್ (ಭಾರತ) – 78.36 ಮೀ.
- ಕೆಶಾರ್ನ್ ವಾಲ್ಕಾಟ್ (ಟ್ರಿನಿಡಾಡ್) – 78.26 ಮೀ.
- ಚಿನೆಚೆರೆಮ್ ನಮ್ಡಿ (ನೈಜೀರಿಯಾ) – 75.27 ಮೀ
