ಬಾಂಡ್ ರವಿ ಒಬ್ಬ ಪ್ರಾಮಾಣಿಕ ಲವರ್. ನಿಯತ್ತಾಗಿರೋ ಖತರ್ನಾಕ್​  ರೌಡಿನೂ ಹೌದು. ಒಂದೇ ಒಂದು ಕೇಸ್​ ನಲ್ಲಿ ಸಿಲುಕದೇ ಇರೋ ಬುದ್ದಿವಂತನೂ ಹೌದು. ಇಷ್ಟೆಲ್ಲ ಹೌದುಗಳ ಈ ರವಿ ಜೀವನದಲ್ಲಿ ಜೈಲೇ ಎಲ್ಲ. ಇಲ್ಲಿರೋರೇ ಎಲ್ಲ.

ಬಾಂಡ್​ ರವಿ ಸಿನಿಮಾದ ಇಂಟ್ರಸ್ಟಿಂಗ್ ವಿಚಾರ ಇದೇ ನೋಡಿ. ಲವ್ ಮಾಡೋ ಹುಡುಗಿ ಸದಾ ಸರ್ಪೈಸ್ ಕೇಳ್ತಾಳೆ. ಹಾಗೆ ಶ್ವೇತಾ ಕೂಡ ಇಲ್ಲಿ ಈ ರವಿಗೆ ಸರ್ಪ್ರೈಜ್ ಭೇಟಿ ಕೇಳುತ್ತಾಳೆ. ಅದು ಇಲ್ಲಿ ಕೋರ್ಟ್ ನಲ್ಲಿಯೇ ಆಗುತ್ತದೆ ಅನ್ನೋದೇ ವಿಶೇಷ ಮತ್ತು ಶಾಕ್ ಕೊಡುವ ಪಾಯಿಂಟ್.

ಬಾಂಡ್ ರವಿಯ ಜೀವನದಲ್ಲಿ ಶ್ವೇತಾನೆ ಎಲ್ಲ ಇವಳ ಮುಂದೆ ಏನೂ ಇಲ್ಲ. ಹೌದು, ಈ ಮಾತಂತೂ ಸತ್ಯವೇ ಆಗುತ್ತದೆ. ರವಿ ಜೈಲಿನಿಂದ ಹೊರ ಬರ್ತಾನೆ. ಬಂದ್ಮೇಲೆ ಏನ್ ಆಗುತ್ತದೆ. ಇದುವೇ ಇಲ್ಲಿ ರನ್ ಆಗೋ ಅಸಲಿ ಮ್ಯಾಟರ್. ಸೆಕೆಂಡ್ ಹಾಫ್ ನಿಂದ ಕಥೆ ಬೇರೆ ಟರ್ನ್ ತೆಗೆದುಕೊಳ್ಳುತ್ತದೆ.

ಹ್ಯಾಪಿ…ಹ್ಯಾಪಿ ಆಗಿಯೇ ಸಾಗುತ್ತದೆ. ರೌಡಿ ಒಬ್ಬನ ಜೀವನದಲ್ಲಿ ಎಲ್ಲರೂ ಸುಗಮ ಸುಗಮವಾಗಿಯೇ ಆಗುತ್ತದೆ. ಆದರೆ, ಕಥೆ ಕ್ಲೈಮ್ಯಾಕ್ಸ್ ಹಂತಕ್ಕೆ ಬರೋ ಹೊತ್ತಿಗೆ ಸಿನಿಮಾ ಕಥೇನೆ ಬೇರೆ ಆಗುತ್ತದೆ. ಇದನ್ನ ತೆರೆ ಮೇಲೆ ನೋಡಿದ್ರೇನೆ ಚೆಂದ ನೋಡಿ.

ಬಾಂಡ್ ರವಿ ಸಿನಿಮಾದಲ್ಲಿ ಶೋಭರಾಜ್ ಸಖತ್ ರೋಲ್ ಮಾಡಿದ್ದಾರೆ. ಕಾರ್ಪೋರೇಟರ್​​ ಆಗಿಯೇ ಅದ್ಭುತವಾಗಿಯೇ ಅಭಿನಯಿಸಿದ್ದಾರೆ. ರವಿ ಕಾಳೆ ಅಂತೂ ಜೈಲಿನಲ್ಲಿಯೇ ಗಢ ಗಢ ನಡುಗಿಸಿಯೇ ಬಿಡ್ತಾರೆ. ಇದರ ಹೊರತಾಗಿ ಕಾಮಿಡಿ ಕಿಲಾಡಿಯ ಜಿಜಿ, ಸಂತೋಷ್ ಜೈಲಿನಲ್ಲಿಯೇ ಪ್ರಮೋದ್​ಗೆ ಸಾಥ್ ಕೊಟ್ಟಿದ್ದಾರೆ.

ಬಾಂಡ್ ರವಿ ಸಿನಿಮಾದಲ್ಲಿ ಸಂಗೀತ ಕೂಡ ಇಷ್ಟ ಆಗುತ್ತದೆ. ಮನೋ ಮೂರ್ತಿ ಸಂಗೀತ ಇಷ್ಟ ಆಗುತ್ತದೆ. ಸೋನು ಗಾನ ಮತ್ತು ಜಯಂತ್ ಕಾಯ್ಕಿಣಿ ಸಾಹಿತ್ಯವೂ ಹೃದಯಕ್ಕೆ ಟಚ್ ಆಗುತ್ತದೆ.

ಬಾಂಡ್ ರವಿ ಜೊತೆಗೆ ಜೋಡಿ ಆಗಿರೋ ನವ ನಟಿ ಕಾಜಲ್ ಕುಂದರ್ ಚೆನ್ನಾಗಿ ನಟನೆ ಮಾಡಿದ್ದಾರೆ. ಒಬ್ಬ ಲವರ್ ಆಗಿಯೇ ಚೆನ್ನಾಗಿಯೇ ನಟಿಸಿದ್ದಾರೆ. ಒಬ್ಬ ದ್ವೇಷ ಪಡೋ ಹುಡುಗಿಯಾಗಿಯೂ ಅದ್ಭುತವಾಗಿಯೇ ನಟಿಸಿದ್ದಾರೆ.

ಬಾಂಡ್ ರವಿ ಸಿನಿಮಾ ಎಲ್ಲರಿಗೂ ಇಷ್ಟ ಆಗುತ್ತದೆ. ಚಿತ್ರದ ಕ್ಲೈಮ್ಯಾಕ್ಸ್ ಚೆನ್ನಾಗಿ ಮಾಡಿದ್ದಾರೆ. ಸಿನಿಮಾ ನೋಡಿ ಹೊರ ಬಂದ್ಮೇಲೂ ಕಾಡೋ ಕ್ಲೈಮ್ಯಾಕ್ಸ್ ಇದರಲ್ಲಿದೆ. ನಿರ್ದೇಶಕ ಪ್ರಜ್ವಲ್ ಒಳ್ಳೆ ಕೆಲಸ ಮಾಡಿದ್ದಾರೆ. ಜನ ಕೂಡ ಈ ಚಿತ್ರವನ್ನ ಒಪ್ಪಿಕೊಳ್ಳುವುದು ಕೂಡ ಗ್ಯಾರಂಟಿ.

ಅಮ್ಮ ಹುಟ್ಟಿಸ್ತಾಳೆ. ಲವರ್ ಸಾಯಿಸ್ತಾಳೆ. ಇದು ಇಡೀ ಚಿತ್ರದ ಕಥೆಯ ಜೀವಾಳ. ಇದರ ಸುತ್ತವೇ ಕಥೆ ಇದೆಯಾ? ಅಂತ ಕೇಳಬೇಡಿ. ಸಿನಿಮಾ ನೋಡಿ ಈ ಮಾತು ನಿಜವೋ ಸುಳ್ಳೋ ತಿಳಿಯುತ್ತದೆ.