ಭಯಂಕರ್ ಬಾಲನ್ ಸಿನಿಮಾ

ಅಮ್ಮ ಮತ್ತು ಮಗನ ಸಿನಿಮಾ ಇದಾಗಿದೆ. ಮುಗ್ಧ ಮಗನನ್ನ ಕರೆದುಕೊಂಡು ಅಮ್ಮ ಊರು ಊರು ಸುತ್ತಲೇ ಇರ್ತಾಳೆ. ಕಾರಣ ಅಮ್ಮ ನಾರ್ಮಲ್ ಅಲ್ಲ. ಅಬ್‌ನಾರ್ಮಲ್ ಅನಿಸುತ್ತದೆ. ಅಂದ್ರೆ ಸೈಕೋ ಕಿಲ್ಲರ್ ಅಂತಿವಲ್ಲ ಆ ರೀತಿಯೇ ಕಿಲ್ಲರ್ ಈ ಅಮ್ಮ ಅಂತಲೂ ಫೀಲ್ ಆಗುತ್ತದೆ.

ಆದರೆ, ಅಮ್ಮನ ಕ್ರೈಮ್ ಅಲ್ಲಿ ಈತನೂ ಭಾಗಿನಾ ಅನ್ನಿಸೋಕೆ ಶುರು ಆಗುತ್ತದೆ. ಪ್ರತಿ ಊರಲ್ಲಿ ಒಂದೊಂದು ಹೆಸರು ಇಟ್ಟುಕೊಳ್ಳುತ್ತಾರೆ. ಅಮ್ಮ ಒಂದೊಂದು ಕೆಲಸ ಮಾಡ್ತಾಳೆ.

ಟ್ರೈಲರ್ ಹೇಳುವ ಅಸಲಿ ಸತ್ಯ

ಮಲೆಯಾಳಂ ಭಾಷೆಯ ಈ ಚಿತ್ರ ಅದೇ ಪರಿಸರದಲ್ಲಿಯೇ ಇದೆ. ಆದರೆ, ಇದನ್ನ ಕನ್ನಡ, ಹಿಂದಿ, ತಮಿಳು ಹೀಗೆ ಬಹು ಭಾಷೆಯಲ್ಲಿ ಡಬ್ ಮಾಡಲಾಗಿದೆ. ಈ ಎಲ್ಲ ಭಾಷೆಯ ಟ್ರೈಲರ್ ಕೂಡ ರಿಲೀಸ್ ಆಗಿವೆ.

‘ಮಂಜುಮ್ಮೆಲ್‌ ಬಾಯ್ಸ್‌’‌ ಚಿತ್ರ ತಂಡವೇ ಈ ಸಿನಿಮಾ ಮಾಡಿದೆ. ‘ಮಂಜುಮ್ಮೆಲ್‌ ಬಾಯ್ಸ್‌’‌ ಮಾಲಿವುಡ್‌ನಲ್ಲಿ ಭಾರೀ ದೊಡ್ಡ ಹೊಸ ಅಲೆಯನ್ನೆ ಎಬ್ಬಿಸಿತ್ತು. ಅದೇ ಚಿತ್ರದ ಡೈರೆಕ್ಟರ್ ಚಿದಂಬರಂ ಈ ಸಿನಿಮಾ ಡೈರೆಕ್ಷನ್ ಮಾಡಿದ್ದಾರೆ.

ಆವೇಶಂ ನಿರ್ದೇಶಿಸಿದ್ದ ಜಿತು ಮಾಧವನ್‌ ಈ ಚಿತ್ರಕ್ಕೆ ಕತೆ ಮಾಡಿದ್ದಾರೆ. ಈ ಚಿತ್ರದ ಟ್ರೈಲರ್ ಈಗಾಗಲೇ ಭಾರೀ ಕುತೂಹಲ ಮೂಡಿಸಿದೆ. ಏನೋ ಮಾಡುವಂತೆ ಇದೆ. ಆದರೆ, ಇದರಲ್ಲಿ ವೈಲೆನ್ಸ್ ಅಷ್ಟೆ ಸೈಲೆಂಟ್ ಆಗಿದೆ. ಹಾಗಾಗಿ ಈ ಚಿತ್ರ ಬೇರೆ ರೀತಿಯ ಸಿನಿಮಾ ಅನಿಸುತ್ತಿದೆ ಅಂತಲೂ ಹೇಳಬಹುದು.