ಇಬ್ಬರು ಮಾಜಿ ಪತ್ನಿಯರು ಜೊತೆಗೆ ಭಾವೀ ಪತ್ನಿಯೂ ಒಟ್ಟಿಗೆ ಪ್ರಯಾಣ ಮಾಡ್ತಾ ಇದ್ದರೆ ನೋಡಿದವರು ಇದ್ಯಾರು ಗುರೂ ಈ ಲೆವೆಲ್​​ಗೆ ಅಂತ ಕಮೆಂಟ್ ಮಾಡಿದ್ದಾರೆ. ಅಮೀರ್ ಖಾನ್ ಅವರು ಸಂಬಂಧಗಳನ್ನು ನಿಭಾಯಿಸೋ ರೀತಿಗೆ ಸೆಲ್ಯೂಟ್ ಎಂದಿದ್ದಾರೆ ಜನ.

ಆಸ್ಕರ್-ನಾಮನಿರ್ದೇಶಿತ ಎವರ್​ಗ್ರೀನ್ ಸಿನಿಮಾ ಲಗಾನ್ ಇವೆಂಟ್​ನಲ್ಲಿ ನಟನೊಂದಿಗೆ ಅವರ ಈಗಿನ ಗರ್ಲ್​ಫ್ರೆಂಡ್ ಗೌರಿ ಸ್ಪ್ರಾಟ್ ಮಾತ್ರವಲ್ಲದೆ, ಅವರ ಮಾಜಿ ಪತ್ನಿಯರಾದ ರೀನಾ ದತ್ತಾ ಮತ್ತು ಕಿರಣ್ ರಾವ್ ಕೂಡ ಹಾಜರಿದ್ದರು.

ಈಗ ಕಾರ್ಯಕ್ರಮದ ವಿಡಿಯೋವೊಂದು ವೈರಲ್ ಆಗುತ್ತಿದ್ದು, ಅಲ್ಲಿ ಆಮಿರ್ ಖಾನ್ ತಮ್ಮ ಮಾಜಿ ಪತ್ನಿಯರು ಮತ್ತು ಪ್ರಸ್ತುತ ಸಂಗಾತಿ ಗೌರಿ ಅವರೊಂದಿಗೆ ಒಂದೇ ಕಾರಿನಲ್ಲಿ ಸ್ಥಳದಿಂದ ಹೊರಡುತ್ತಿರುವುದನ್ನು ಕಾಣಬಹುದು. ಇದು ತಕ್ಷಣ ವೈರಲ್ ಆಗಿದೆ.

ಸೆಲೆಬ್ರೇಷನ್ ವೀಡಿಯೊಗಳು ಮತ್ತು ಫೋಟೋಗಳು ವೈರಲ್ ಆಗಿದ್ದು, ಅಭಿಮಾನಿಗಳು ಅವರ ಕುಟುಂಬದ ಸ್ನೇಹ ಕಂಡು ಭೇಷ್ ಎಂದಿದ್ದಾರೆ.