ಎರಡು ದಿನಗಳ ಹಿಂದೆ ಇನ್‌ಸ್ಟಾಗ್ರಾಮ್‌ನಲ್ಲಿ ಆಕೃತಿ ಅಗರ್ವಾಲ್ ಹಂಚಿಕೊಂಡ ಪೋಸ್ಟ್‌ಗಳು ತೀವ್ರ ಚರ್ಚೆಗೆ ನಾಂದಿ ಹಾಡಿದ್ದವು. ಅವರು “ನಾನು ಹಲವು ಬಾರಿ ಮೋಸ ಹೋಗಿದ್ದೇನೆ, ಆದರೂ ನಾನು ಒಂದು ಮಾತನ್ನೂ ಹೇಳಿರಲಿಲ್ಲ. ಅವರೊಂದಿಗೆ ಜೀವನದಲ್ಲಿ ಮುಂದುವರಿಯಲು ನಿರ್ಧರಿಸಿದ ನಂತರ, ಇದನ್ನೆಲ್ಲ ನಂಬಲು ನನಗೆ ಕಷ್ಟವಾಗುತ್ತದೆ. ಅವರ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಕೇಳಿಬರುತ್ತಿರುವ ಎಲ್ಲವೂ ನಿಜ; ಎಲ್ಲಾ ವದಂತಿಗಳು ವಾಸ್ತವವೇ” ಎಂದು ಬರೆದುಕೊಂಡಿದ್ದರು.

ಆದರೆ ಆಕೃತಿ ಈ ಪೋಸ್ಟ್‌ಗಳಲ್ಲಿ ಎಲ್ಲೂ ಪೃಥ್ವಿ ಶಾ ಅವರ ಹೆಸರನ್ನು ಸ್ಪಷ್ಟವಾಗಿ ಉಲ್ಲೇಖಿಸಿರಲಿಲ್ಲ. ಆಕೃತಿ ಪೃಥ್ವಿ ಶಾ ಅವರನ್ನು ಅನ್​ಫಾಲೋ ಕೂಡ ಮಾಡಿರಲಿಲ್ಲ. ಅಲ್ಲದೆ ಅವರೊಂದಿಗಿನ ಫೋಟೋಗಳನ್ನು ಡಿಲೀಟ್ ಮಾಡಿಲ್ಲ. ಆದರೆ ನೆಟಿಜನ್ಸ್ ಆ ಪೋಸ್ಟ್‌ಗಳು ಪೃಥ್ವಿ ಶಾ ಅವರನ್ನೇ ಗುರಿಯಾಗಿರಿಸಿಕೊಂಡಿ ಮಾಡಲಾಗಿದೆ ಎಂದು ಊಹಿಸಿ ವೈರಲ್ ಮಾಡಿದ್ದರು. ಇದು ಅವರ ಮದುವೆಯನ್ನು ರದ್ದುಗೊಳಿಸಲಾಗಿದೆ ಎಂಬ ವದಂತಿಗಳಿಗೆ ಕಾರಣವಾಗಿತ್ತು. ಇದೀಗ ಈ ವರದಿಗಳಿಗೆ ಆಕೃತಿ ಫುಲ್​ಸ್ಟಾಪ್ ಇಟ್ಟಿದ್ದಾರೆ.

ನನ್ನ ಪೋಸ್ಟ್​ ಅನ್ನ ತಪ್ಪು ತಿಳಿಯಲಾಗಿದೆ ಎಂದು ಹೇಳುವ ಮತ್ತೊಂದು ಪೋಸ್ಟ್ ಅನ್ನು ಆಕೃತಿ ಹಂಚಿಕೊಂಡಿದ್ದಾರೆ. ಆದರೆ, ಈ ವರದಿಗಳು ಮುಂದುವರೆದು ಪೃಥ್ವಿ ಶಾ ಅವರ ಖ್ಯಾತಿಗೆ ಕಳಂಕ ತರುವ ಬೆದರಿಕೆ ಹಾಕುತ್ತಿರುವಂತಿದೆ. ಹಾಗಾಗಿ ನಾನು ಒಂದು ವಿಷಯವನ್ನು ಸ್ಪಷ್ಟಪಡಿಸಲು ಬಯಸುತ್ತೇನೆ. ನಾನು ನನ್ನ ಭಾವಿ ಪತಿಯ ಹೆಸರನ್ನು ಎಲ್ಲಿಯೂ ಉಲ್ಲೇಖಿಸಿಲ್ಲ. ನಮ್ಮ ನಿಶ್ಚಿತಾರ್ಥ ರದ್ದಾಯಿತು ಅಥವಾ ನಾವು ಬೇರ್ಪಟ್ಟಿದ್ದೇವೆ ಎಂದು ನಾನು ಎಲ್ಲೂ ಹೇಳಿಲ್ಲ. ಆ ಪೋಸ್ಟ್ ಪೃಥ್ವಿ ಶಾ ಬಗ್ಗೆ ಎಂದು ಅನೇಕ ಜನರು ಭಾವಿಸಿರುವುದು ದುರದೃಷ್ಟಕರ.

ಅಂಡರ್-19 ವಿಶ್ವಕಪ್ ಗೆಲುವಿನ ನಂತರ ಪೃಥ್ವಿ ಶಾ ಶೂಟಿಂಗ್ ತಾರೆಯಂತೆ ಭಾರತೀಯ ಕ್ರಿಕೆಟ್​ಗೆ ಬೇಗ ಸೇರಿಕೊಂಡಿದರು. ಆದರೆ ಅಷ್ಟೇ ಬೇಗನೆ ತಂಡದಿಂದ ದೂರ ಸರಿದರು. ಗಾಯಗಳು, ಫಿಟ್ನೆಸ್ ಸಮಸ್ಯೆಗಳು ಮತ್ತು ಕೆಟ್ಟ ಸಹವಾಸ ಅವರ ವೃತ್ತಿಜೀವನವನ್ನು ಹಾಳುಮಾಡಿತು. ಪರಿಣಾಮವಾಗಿ, ಒಮ್ಮೆ ಭಾರತೀಯ ಕ್ರಿಕೆಟ್‌ನ ಮುಖವಾಗುವ ನಿರೀಕ್ಷೆಯಿದ್ದ ಶಾ, ಐಪಿಎಲ್ ತಂಡದಲ್ಲಿಯೂ ಸ್ಥಾನ ಪಡೆಯಲು ವಿಫಲವಾದ ದಯನೀಯ ಸ್ಥಿತಿಗೆ ತಲುಪಿದರು. ಅವರು ಈಗ ಕೇವಲ ದೇಶೀಯ ಕ್ರಿಕೆಟ್ ತಾರೆಯಾಗಿ ತಮ್ಮ ವೃತ್ತಿಜೀವನವನ್ನು ಕೊನೆಗೊಳಿಸುವತ್ತ ಸಾಗುತ್ತಿರುವಂತೆ ಕಾಣುತ್ತಿದೆ.