ರಾಜ್ಯದಲ್ಲಿ ಪ್ರತಿ ವರ್ಷ ವಿದ್ಯುತ್ ಬೇಡಿಕೆ ಗಣನೀಯವಾಗಿ ಹೆಚ್ಚುತ್ತಿದೆ. ಈ ಹಿನ್ನೆಲೆಯಲ್ಲಿ ಕೇವಲ ಅಂದಾಜಿನ ಮೇಲೆ ಕೆಲಸ ಮಾಡುವ ಬದಲು, ‘ಮುನ್ಸೂಚನೆ ಆಧಾರಿತ ವಿದ್ಯುತ್ ಆಡಳಿತ’ (Forecast-based governance) ಅತ್ಯಗತ್ಯ ಎಂದು ಅವರು ಒತ್ತಿ ಹೇಳಿದ್ದಾರೆ. ಈ ನಿಟ್ಟಿನಲ್ಲಿ ರಾಜ್ಯದ ಸ್ಟಾರ್ಟ್‍ಅಪ್‍ಗಳು ಹಾಗೂ ಶಿಕ್ಷಣ ಸಂಸ್ಥೆಗಳು ಸರ್ಕಾರದೊಂದಿಗೆ ಜೊತೆಯಾಗಿ ಕೆಲಸ ಮಾಡಲಿವೆ.

ಇಷ್ಟೇ ಅಲ್ಲದೆ, ಬೆಂಗಳೂರು ಸಂಚಾರ ಪೊಲೀಸರು ಬಳಸುವ ಮಾದರಿಯಲ್ಲೇ ಇಂಧನ ಇಲಾಖೆಗೂ ಸಹ ‘ಡಿಜಿಟಲ್ ಟ್ವಿನ್’ ತಂತ್ರಜ್ಞಾನವನ್ನು ತರಲು ಯೋಚಿಸಲಾಗುತ್ತಿದೆ. ಇದು ದತ್ತಾಂಶ ಆಧಾರಿತ ಮುನ್ಸೂಚನೆ ಹಾಗೂ ವಿದ್ಯುತ್ ನಿರ್ವಹಣೆಯನ್ನು ಬ್ಯಾಂಕಿಂಗ್ ಸಿಸ್ಟಮ್‍ನಷ್ಟೇ ಅತ್ಯಾಧುನಿಕ ಮತ್ತು ಸುಲಭವಾಗಿಸಲಿದೆ.