ಇದರ ಬೆನ್ನಲ್ಲೇ ಐಷಾರಾಮಿ ವಾಚ್ ತಯಾರಿಸೋ ಸಂಸ್ಥೆಯಾದ ಜಾಕೋಬ್ & ಕಂಪನಿ ನೋರಾ ಅವರನ್ನು ತನ್ನ ಹೊಸ ಬ್ರಾಂಡ್ ರಾಯಭಾರಿಯಾಗಿ ಘೋಷಿಸಿದೆ. ಈ ಕೊಲಾಬರೇಷನ್ ಪ್ರಯುಕ್ತ ಪ್ರಸಿದ್ಧ ವಾಚ್ ಬ್ರ್ಯಾಂಡ್ FIFA ವರ್ಲ್ಡ್ ಕಪ್​​ನಿಂದ ಸ್ಫೂರ್ತಿ ಪಡೆದ ವಿಶೇಷವಾದ  ವಾಚ್ ಅನ್ನು ನಟಿಗೆ ನೀಡಿತು.

ಈ ವಿಶಿಷ್ಟವಾದ ವಾಚ್ ಅನ್ನು ಮೊರೊಕನ್ ಧ್ವಜದ ಕೆಂಪು ಮತ್ತು ಹಸಿರು ವರ್ಣಗಳಲ್ಲಿ ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ. ಇದು ಮಾರಾಟಕ್ಕೆ ಲಭ್ಯವಿಲ್ಲ, ಇದು ಅಪರೂಪದ ಕಲೆಕ್ಷನ್ ವಾಚ್ ಆಗಿದೆ.

ಕಂಪೆನಿಯ ಈ ನಡೆಯು ನೋರಾ ಫತೇಹಿ ಅವರನ್ನು ಐಷಾರಾಮಿ ವಾಚ್ ಬ್ರಾಂಡ್‌ನೊಂದಿಗೆ ಸಂಪರ್ಕ ಹೊಂದಿದ ಜಾಗತಿಕ ವ್ಯಕ್ತಿಗಳ ಲೀಗ್‌ನಲ್ಲಿ ಸೇರುವಂತೆ ಮಾಡಿದೆ. ಜಾಕೋಬ್ & ಕಂಪನಿಯ ಪವರ್​​ಫುಲ್ ಲಿಸ್ಟ್​ನಲ್ಲಿ ಸಲ್ಮಾನ್ ಖಾನ್, ನೀತಾ ಅಂಬಾನಿ, ರಿಹಾನ್ನಾ, ಜೇ-ಝಡ್, ಡ್ರೇಕ್, ಲಿಯೋನೆಲ್ ಮೆಸ್ಸಿ ಮತ್ತು ಕ್ರಿಸ್ಟಿಯಾನೊ ರೊನಾಲ್ಡೊ ಅವರಂತಹ ಹೆಸರುಗಳು ಸೇರಿವೆ.

ಗೂಗಲ್ ಟ್ರೆಂಡ್ಸ್ ಪ್ರಕಾರ, ಫಿಫಾದಲ್ಲಿ ನೋರಾ ಅವರ ಪ್ರದರ್ಶನದ ನಂತರದ ಸರ್ಚ್​ನಲ್ಲಿ ಅವರ ಕುರಿತಾದ ಹುಡುಕಾಟ ಹೆಚ್ಚಾಯಿತು. ಅವರು ಪ್ರಿಯಾಂಕಾ ಚೋಪ್ರಾ, ಆಲಿಯಾ ಭಟ್ ಮತ್ತು ದೀಪಿಕಾ ಪಡುಕೋಣೆ ಸೇರಿದಂತೆ ಬಾಲಿವುಡ್‌ನ ಹಲವಾರು ದೊಡ್ಡ ತಾರೆಗಳನ್ನು ಹಿಂದಿಕ್ಕಿದ್ದಾರೆ.

ಇತ್ತೀಚಿನ ಗೂಗಲ್ ಟ್ರೆಂಡ್ ನೋರಾ ಫತೇಹಿ ಬಗ್ಗೆ ಹೆಚ್ಚುತ್ತಿರುವ ಅಂತರರಾಷ್ಟ್ರೀಯ ಕುತೂಹಲ ಮತ್ತು ಪ್ರಭಾವವನ್ನು ಎತ್ತಿ ತೋರಿಸುತ್ತದೆ.

ಫುಟ್‌ಬಾಲ್‌ನ ಅತಿದೊಡ್ಡ ವೇದಿಕೆಯೊಂದಿಗೆ ನೋರಾ ಅವರ ದೀರ್ಘಕಾಲದ ಸಂಬಂಧವನ್ನು ಪರಿಗಣಿಸಿದರೆ ಈ ಕ್ಷಣವು ಹೆಚ್ಚಿನ ಮಹತ್ವವನ್ನು ಹೊಂದಿದೆ. ಅವರು ಮೊದಲು FIFA ವಿಶ್ವಕಪ್ 2022 ರ ಸಮಯದಲ್ಲಿ ಇತಿಹಾಸ ನಿರ್ಮಿಸಿದರು.