ವೈಭವ್ ಸೂರ್ಯವಂಶಿ ಅವರಿಗೆ 36 ಎಸೆತಗಳಲ್ಲಿ 80 ರನ್ ಗಳಿಸುವ ಸವಾಲು ಹಾಕಲಾಗಿತ್ತು. ಆದರೆ, 29 ಬಾಲ್‌ಗಳಲ್ಲೇ ಶತಕ ತಲುಪಿದ್ದಾರೆ. ಈ ವಿಡಿಯೀ ನೋಡಿದ ಕ್ರಿಕೆಟ್ ಅಭಿಮಾನಿಗಳು ವೈಭವ್ ಬ್ಯಾಟಿಂಗ್ ಅನ್ನು ಹೊಗಳುತ್ತಿದ್ದಾರೆ.

ವೈಭವ್ ಸೂರ್ಯವಂಶಿ ತಮ್ಮ ಬಿಡುವಿನ ವೇಳೆಯಲ್ಲಿ ರಾಜಸ್ಥಾನ್ ರಾಯಲ್ಸ್ ಕ್ಯಾಂಪ್‌ನಲ್ಲಿ ಅಭ್ಯಾಸ ಮಾಡುತ್ತಾರೆ. ಈ ವೀಡಿಯೋ ಈಗ ವೈರಲ್ ಆಗುತ್ತಿದೆ. ರಾಜಸ್ಥಾನ್ ರಾಯಲ್ಸ್‌ನ ಬ್ಯಾಟಿಂಗ್ ಕೋಚ್ ವಿಕ್ರಮ್ ರಾಥೋಡ್ ಅವರು ವೈಭವ್‌ಗೆ 36 ಬಾಲ್‌ಗಳಲ್ಲಿ 80 ರನ್ ತೆಗೆಯಲು ಸವಾಲು ಹಾಕಿದರು. ವೈಭವ್ ಮೊದಲ ಬಾಲ್‌ನಿಂದಲೇ ಬೌಂಡರಿ-ಸಿಕ್ಸರ್ ಹೊಡೆಯಲು ಪ್ರಾರಂಭಿಸಿದರು.

ವೈಭವ್ ಸೂರ್ಯವಂಶಿ ಕೇವಲ 18 ಎಸೆತಗಳಲ್ಲಿ 50 ರನ್ ಗಳಿಸಿ ಇತಿಹಾಸ ಬರೆದರು. ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಅರ್ಧಶತಕ ಹೊಡೆದ ಅತ್ಯಂತ ಕಿರಿಯ ಬ್ಯಾಟರ್ ಆದರು. ಅವರಿಗೆ ಆಗ 15 ವರ್ಷ 118 ದಿನಗಳು. ಈ ಮೂಲಕ ಶಾಹಿದ್ ಅಫ್ರಿದಿ, ಸಚಿನ್ ತೆಂಡೂಲ್ಕರ್ ಮುಂತಾದವರ ದಾಖಲೆಯನ್ನು ಬ್ರೇಕ್ ಮಾಡಿದರು.

ವೈಭವ್ ಸೂರ್ಯವಂಶಿ ಹರಾರೆ ಸ್ಪೋರ್ಟ್ಸ್ ಕ್ಲಬ್ ಮೈದಾನದಲ್ಲಿ ಚೆನ್ನಾಗಿ ಆಡಿದ್ದಾರೆ. ಭಾರತ ಮತ್ತು ಜಿಂಬಾಬ್ವೆ ನಡುವಿನ ಎರಡನೇ ಟಿ20ಐ ಪಂದ್ಯ ಈ ಮೈದಾನದಲ್ಲೇ ನಡೆಯಲಿದೆ. ಅವರು ಟಿ20ಐಯಲ್ಲಿ ಮೊದಲ ಶತಕ ಹೊಡೆಯುವ ಮುನ್ನ, ಅಂಡರ್-19 ವಿಶ್ವಕಪ್‌ನಲ್ಲಿ ಇದೇ ಮೈದಾನದಲ್ಲಿ 175 ರನ್ ಗಳಿಸಿದ್ದರು. ವೈಭವ್ ಈ ಮೈದಾನವನ್ನು ತುಂಬಾ ಇಷ್ಟಪಡುತ್ತಾರೆ. ಇಲ್ಲಿ ಮತ್ತೆ ದೊಡ್ಡ ಇನ್ನಿಂಗ್ಸ್ ಆಡಬಹುದು.