Last Updated:
ಆಸ್ಟ್ರೇಲಿಯಾ ಕ್ರಿಕೆಟ್ ಸಂಸ್ಥೆ ಭಾರತೀಯ ಮೂಲದ ಇಬ್ಬರು ಯುವ ಆಟಗಾರರಿಗೆ ಒಳ್ಳೆಯ ಸುದ್ದಿ ನೀಡಿದೆ. ಜರ್ಸಿಸ್ ವಾಡಿಯಾ ಮತ್ತು ಆರ್ಯನ್ ಶರ್ಮಾ ಅವರನ್ನು ಆಸ್ಟ್ರೇಲಿಯಾದ ವಿವಿಧ ತಂಡಗಳಿಗೆ ಆಯ್ಕೆ ಮಾಡಲಾಗಿದೆ.
ಆಸ್ಟ್ರೇಲಿಯಾ (Australia) ತಂಡದಲ್ಲಿ ಇಬ್ಬರು ಭಾರತೀಯ ಮೂಲದ ಯುವ ಆಟಗಾರರನ್ನು ಸೇರಿಸಿಕೊಳ್ಳಲಾಗಿದೆ. ಬ್ಯಾಟರ್ ಜರ್ಸಿಸ್ ವಾಡಿಯಾ (Jerrssis Wadia) ಮತ್ತು ಆಲ್ರೌಂಡರ್ ಆರ್ಯನ್ ಶರ್ಮಾ (Aryan Sharma) ಇಬ್ಬರನ್ನೂ ವಿವಿಧ ತಂಡಗಳಲ್ಲಿ ಆಯ್ಕೆ ಮಾಡಲಾಗಿದೆ. ಮುಂದಿನ ತಿಂಗಳು ಬಾಂಗ್ಲಾದೇಶ (Bangladesh) ವಿರುದ್ಧ ನಡೆಯುವ ಮೂರು ದಿನಗಳ ಪಂದ್ಯಕ್ಕಾಗಿ ವಾಡಿಯಾ ಅವರನ್ನು ಕ್ರಿಕೆಟ್ (Cricket) ಆಸ್ಟ್ರೇಲಿಯಾ ಇಲೆವೆನ್ ತಂಡಕ್ಕೆ ಆಯ್ಕೆ ಮಾಡಲಾಗಿದೆ. ಆರ್ಯನ್ ಶರ್ಮಾ ಅವರನ್ನು ಭಾರತಕ್ಕೆ ಪ್ರವಾಸ ಹೋಗುವ ಆಸ್ಟ್ರೇಲಿಯಾ ಅಭಿವೃದ್ಧಿ ತಂಡದಲ್ಲಿ ಸೇರಿಸಿಕೊಳ್ಳಲಾಗಿದೆ.
ಜರ್ಸಿಸ್ ವಾಡಿಯಾ ಎಡಗೈ ಬ್ಯಾಟರ್ ಮತ್ತು ಸ್ಪಿನ್ ಬೌಲರ್. ಆಗಸ್ಟ್ 6 ರಿಂದ 8 ರವರೆಗೆ ಡಾರ್ವಿನ್ನಲ್ಲಿ ನಡೆಯುವ ಬಾಂಗ್ಲಾದೇಶ ತಂಡದ ವಿರುದ್ಧದ ಮೂರು ದಿನಗಳ ಪಂದ್ಯಕ್ಕೆ ಕ್ರಿಕೆಟ್ ಆಸ್ಟ್ರೇಲಿಯಾ ಇಲೆವೆನ್ ತಂಡಕ್ಕೆ ಅವರನ್ನು ಆಯ್ಕೆ ಮಾಡಿದೆ.
24 ವರ್ಷದ ವಾಡಿಯಾ ಬಿಗ್ ಬ್ಯಾಷ್ ಲೀಗ್ನಲ್ಲಿ ಅಡಿಲೇಡ್ ಸ್ಟ್ರೈಕರ್ಸ್ ತಂಡಕ್ಕಾಗಿ ಆಡುತ್ತಾರೆ. ಅಲ್ಲಿ ತಮ್ಮ ಉತ್ತಮ ಬ್ಯಾಟಿಂಗ್ನಿಂದ ಎಲ್ಲರನ್ನೂ ಆಕರ್ಷಿಸಿದ್ದಾರೆ. ಇದುವರೆಗೆ 7 ಟಿ20 ಪಂದ್ಯಗಳಲ್ಲಿ ಅವರು 52 ರನ್ಗಳು ಗಳಿಸಿದ್ದು, 2 ವಿಕೆಟ್ಗಳನ್ನು ಪಡೆದಿದ್ದಾರೆ.
ಜರ್ಸಿಸ್ ವಾಡಿಯಾ ಭಾರತದ ಮುಂಬೈನಲ್ಲಿ ಹುಟ್ಟಿದರೆ, ತಮ್ಮ ಕ್ರಿಕೆಟ್ ವೃತ್ತಿಯನ್ನು ಭಾರತದ ಬರೋಡಾದಲ್ಲಿ ಆರಂಭಿಸಿದರು. ಅಲ್ಲಿ ಅವರು ವಯಸ್ಸುಗುಂಪು (ಏಜ್ ಗ್ರೂಪ್) ಕ್ರಿಕೆಟ್ ಆಡುತ್ತಿದ್ದರು. ನಂತರ ಚಿಕ್ಕ ವಯಸ್ಸಿನಲ್ಲೇ ಆಸ್ಟ್ರೇಲಿಯಾಗೆ ಹೋದರು. ಅಲ್ಲಿ ಟೀ ಟ್ರೀ ಗಲ್ಲಿ ಕ್ರಿಕೆಟ್ ಕ್ಲಬ್ನ ಪರವಾಗಿ ಪ್ರೀಮಿಯರ್ ಕ್ರಿಕೆಟ್ ಆಡಿದರು. ಅವರ ಉತ್ತಮ ಪ್ರದರ್ಶನದಿಂದ ಅಡಿಲೇಡ್ ಸ್ಟ್ರೈಕರ್ಸ್ ಅಕಾಡೆಮಿಯಲ್ಲಿ ಸ್ಥಾನ ಪಡೆದರು. ಈಗ ಅವರು ಕ್ರಿಕೆಟ್ ಆಸ್ಟ್ರೇಲಿಯಾ ಇಲೆವೆನ್ ತಂಡದಲ್ಲಿ ಆಡುವ ಅವಕಾಶ ಪಡೆದಿದ್ದಾರೆ.
ಕ್ರಿಕೆಟ್ ಆಸ್ಟ್ರೇಲಿಯಾ ಇಲೆವೆನ್ ತಂಡದಲ್ಲಿ ಸ್ಯಾಮ್ ಕಾನ್ಸ್ಟಾಸ್, ಜೋಶ್ ಫಿಲಿಪ್, ಕರ್ಟಿಸ್ ಪ್ಯಾಟರ್ಸನ್, ಕ್ಯಾಂಪ್ಬೆಲ್ ಕೆಲ್ಲೆವೇ ಮತ್ತು ಕೋರಿ ರೊಚ್ಚಿಯೋಲಿ ಸೇರಿದಂತೆ ಹಲವು ಅನುಭವಿ ಮತ್ತು ಉದಯೋನ್ಮುಖ ಆಟಗಾರರು ಇದ್ದಾರೆ. ಆಸ್ಟ್ರೇಲಿಯಾದ ಮಾಜಿ ಕೋಚ್ ಟಿಮ್ ನೀಲ್ಸನ್ ಈ ತಂಡದ ಹೆಡ್ ಕೋಚ್ ಆಗಿದ್ದಾರೆ.
ಆಸ್ಟ್ರೇಲಿಯಾದ 18 ವರ್ಷದ ಆಟಗಾರ ಆರ್ಯನ್ ಶರ್ಮಾ ಅವರನ್ನು ಚೆನ್ನೈನ MRF ಅಕಾಡೆಮಿಯಲ್ಲಿ ನಡೆಯಲಿರುವ ಕಾರ್ಯಕ್ರಮಕ್ಕಾಗಿ ಆಸ್ಟ್ರೇಲಿಯಾ ಅಭಿವೃದ್ಧಿ ತಂಡಕ್ಕೆ ಆಯ್ಕೆ ಮಾಡಲಾಗಿದೆ. ವಿಕ್ಟೋರಿಯಾದ ಆಲ್ರೌಂಡರ್ ಆಗಿರುವ ಆರ್ಯನ್, ಆಗಸ್ಟ್ 5-6 ಮತ್ತು ಆಗಸ್ಟ್ 10-11 ರಂದು ಭಾರತದಲ್ಲಿ ನಡೆಯುವ ಎರಡು ದಿನಗಳ ಪಂದ್ಯಗಳಲ್ಲಿ ಆಡಲಿದ್ದಾರೆ.
ಈ ತಂಡದಲ್ಲಿ ಅಂಡರ್-19 ನಾಯಕ ಹಗ್ ವೈಬ್ಗೆನ್, ಜೇಸನ್ ಸಂಘ, ಲಾಯ್ಡ್ ಪೋಪ್, ಜೋಯಲ್ ಡೇವಿಸ್ ಮತ್ತು ಜೇಡನ್ ಗುಡ್ವಿನ್ ಸೇರಿದಂತೆ ಹಲವು ಭರವಸೆಯ ಆಟಗಾರರು ಇದ್ದಾರೆ. ಆರ್ಯನ್ ಹಿಂದೆ 2026ರ ಐಸಿಸಿ ಅಂಡರ್-19 ವಿಶ್ವಕಪ್ನಲ್ಲಿ ಆಸ್ಟ್ರೇಲಿಯಾ ಪರ ಆಡಿದ್ದಾರೆ. ಕಳೆದ ಬಿಗ್ ಬ್ಯಾಷ್ ಲೀಗ್ (BBL) ಆವೃತ್ತಿಯಲ್ಲಿ ಮೆಲ್ಬೋರ್ನ್ ಸ್ಟಾರ್ಸ್ ತಂಡದ ಭಾಗವಾಗಿದ್ದರು.
ಆರ್ಯನ್ ನವೆಂಬರ್ 15, 2007 ರಂದು ಆಸ್ಟ್ರೇಲಿಯಾದ ಸಿಡ್ನಿ ನಗರದಲ್ಲಿ ಜನಿಸಿದರು. ಆದರೆ ಅವರ ತಂದೆ ಭಾರತೀಯರು. ಆರ್ಯನ್ ಬಾಲ್ಯದಿಂದಲೇ ಕ್ರಿಕೆಟ್ ಆಡುತ್ತಿದ್ದಾರೆ. 16 ವರ್ಷದ ವಯಸ್ಸಿನಲ್ಲಿ ಅವರು ಆಸ್ಟ್ರೇಲಿಯಾದ ಅಂಡರ್-19 ತಂಡಕ್ಕೆ ಪಾದಾರ್ಪಣೆ ಮಾಡಿದರು. ಅಂಡರ್-19 ವಿಶ್ವಕಪ್ ಇತಿಹಾಸದಲ್ಲಿ 300 ರನ್ ಗಳಿಸಿದ ಅತ್ಯಂತ ಕಿರಿಯ ಆಟಗಾರ ಎಂಬ ದಾಖಲೆ ಅವರದಾಗಿದೆ.
ಒಂದೇ ಟೂರ್ನಮೆಂಟ್ನಲ್ಲಿ 10 ವಿಕೆಟ್ ಪಡೆದ ಮೊದಲ ಆಲ್ರೌಂಡರ್ ಕೂಡ ಆರ್ಯನ್ ಆಗಿದ್ದಾರೆ. 2023 ರಲ್ಲಿ ಬಾಂಗ್ಲಾದೇಶ ವಿರುದ್ಧ ಆರ್ಯನ್ 135 ರನ್ ಗಳಿಸಿದ್ದಾರೆ. ಇದು ಅಂಡರ್-19 ವಿಶ್ವಕಪ್ನಲ್ಲಿ ಆಸ್ಟ್ರೇಲಿಯಾ ತಂಡದ ಯಾವುದೇ ಆಟಗಾರ ಸಾಧಿಸಿದ ಅತ್ಯಧಿಕ ವೈಯಕ್ತಿಕ ಸ್ಕೋರ್ ಆಗಿದೆ.
Jul 23, 2026 12:57 PM IST
IND vs AUS: ಆಸ್ಟ್ರೇಲಿಯಾ ತಂಡದಲ್ಲಿ ಇಬ್ಬರು ಭಾರತೀಯ ಆಟಗಾರರಿಗೆ ಚಾನ್ಸ್! ಟೀಮ್ ಇಂಡಿಯಾ ವಿರುದ್ಧ ಕಣಕ್ಕಿಳಿಯುವ ಈ ಪ್ಲೇಯರ್ ಗೊತ್ತಾ?
