9ನೇ ತರಗತಿಯಲ್ಲಿದ್ದಾಗಲೇ ರಂಗಭೂಮಿಗೆ ಕಾಲಿಟ್ಟ ಇವರ ಮೊದಲ ಸಂಪಾದನೆ ಕೇವಲ 500 ರೂಪಾಯಿಗಳಾಗಿತ್ತು. ಅದೇ ಹಣದ ಹುಮ್ಮಸ್ಸಿನಲ್ಲಿ ನಾಟಕ ರಂಗದಲ್ಲಿ ಮುಂದುವರಿದ ಅವರು, ನಂತರ ಸಿನಿಮಾರಂಗಕ್ಕೆ ಪ್ರವೇಶಿಸಿದರು.

ಕಳೆದ 20 ವರ್ಷಗಳ ಸುದೀರ್ಘ ವೃತ್ತಿಜೀವನದಲ್ಲಿ ತುಳು, ಕನ್ನಡ, ಬ್ಯಾರಿ, ಕೊಂಕಣಿ ಹಾಗೂ ಅರೆಭಾಷೆ ಸೇರಿದಂತೆ ಒಟ್ಟು 85ಕ್ಕೂ ಅಧಿಕ ಸಿನಿಮಾಗಳಲ್ಲಿ ಬಣ್ಣ ಹಚ್ಚಿದ್ದಾರೆ. ವಿಶೇಷವೆಂದರೆ, ತಾವು ನಟಿಸಿದ ಎಲ್ಲಾ ಚಿತ್ರಗಳಲ್ಲೂ ಕೇವಲ ಪೋಷಕ ನಟಿಯಾಗಿಯೇ ಅಭಿನಯಿಸಿರುವ ರೂಪಶ್ರೀ, ಇಂದು ದೇಶದ ಅತ್ಯುನ್ನತ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಳ್ಳುವ ಮೂಲಕ ಇತಿಹಾಸ ನಿರ್ಮಿಸಿದ್ದಾರೆ. ಕರಾವಳಿಯ ಮಣ್ಣಿನ ಈ ಪ್ರತಿಮೆಯ ಸಾಧನೆ ಈಗ ಇಡೀ ಸ್ಯಾಂಡ್‍ವುಡ್‍ನಲ್ಲಿ ಸಂಚಲನ ಮೂಡಿಸಿದೆ.