Last Updated:
ಭಾರತದ ಎಡಗೈ ಸ್ಪಿನ್ನರ್ ಸಾಯಿ ಕಿಶೋರ್ ಅವರಿಗೆ ಜಾಕ್ಪಾಟ್ ಹೊಡೆದಿದೆ. ಈಗ ಸಾಯಿ ಕಿಶೋರ್ ಇಂಗ್ಲೆಂಡ್ನಲ್ಲಿ ನಡೆಯಲಿರುವ ಕೌಂಟಿ ಚಾಂಪಿಯನ್ಶಿಪ್ನಲ್ಲಿ ಆಡಲಿದ್ದಾರೆ.
ಒಂದೆಡೆ, ಭಾರತ (India) ತಂಡವು ಪ್ರಸ್ತುತ ಇಂಗ್ಲೆಂಡ್(England)ನಲ್ಲಿ 5 ಪಂದ್ಯಗಳ ಟಿ20 ಸರಣಿಯನ್ನು ಆಡುತ್ತಿದೆ. ಇದಾದ ನಂತರ ಮೂರು ಏಕದಿನ (ODI) ಪಂದ್ಯಗಳ ಸರಣಿಯನ್ನು ಆಡಲಿದೆ. ಇದರ ನಡುವೆ, ದೀರ್ಘಕಾಲದಿಂದ ಟೀಮ್ ಇಂಡಿಯಾ(Team India)ದಲ್ಲಿ ಸ್ಥಾನ ಪಡೆಯಲು ಪ್ರಯತ್ನಿಸುತ್ತಿರುವ ಭಾರತೀಯ ಆಟಗಾರ, ಎಡಗೈ ಸ್ಪಿನ್ ಬೌಲರ್ ಸಾಯಿ ಕಿಶೋರ್ (Sai Kishore), ಇಂಗ್ಲೆಂಡ್ನಲ್ಲಿ ನಡೆಯುವ ಕೌಂಟಿ ಚಾಂಪಿಯನ್ಶಿಪ್(County Championship)ನಲ್ಲಿ ಆಡಲು ನಿರ್ಧರಿಸಿದ್ದಾರೆ. ಕಳೆದ ಕೌಂಟಿ ಋತುವಿನಲ್ಲಿ ಸರ್ರೆ (Surrey) ಪರ ಆಡಿದ್ದ ಸಾಯಿ ಕಿಶೋರ್, ಈ ಬಾರಿ ಗ್ಲೌಸೆಸ್ಟರ್ಶೈರ್ (Gloucestershire) ಪರ ಆಡಲು ನಿರ್ಧರಿಸಿದ್ದಾರೆ. ಇದರಲ್ಲಿ ಸಾಯಿ ಕಿಶೋರ್ ಟೂರ್ನಿಯ ಉಳಿದ 6 ಪಂದ್ಯಗಳಲ್ಲಿ ಭಾಗವಹಿಸಲಿದ್ದಾರೆ.
ಸಾಯಿ ಕಿಶೋರ್ ದೇಶೀಯ ಕ್ರಿಕೆಟ್ನಲ್ಲಿ ಅಸಾಧಾರಣವಾಗಿ ಉತ್ತಮ ಪ್ರದರ್ಶನ ನೀಡಿದ್ದಾರೆ. ಐಪಿಎಲ್ 2026 ರಲ್ಲಿಯೂ ಸಹ ಮಿಂಚಿದ್ದಾರೆ. ಈಗ, ಇಂಗ್ಲೆಂಡ್ನ ಸವಾಲಿನ ಪಿಚ್ಗಳಲ್ಲಿ ತಮ್ಮನ್ನು ತಾವು ಪರೀಕ್ಷಿಸಿಕೊಳ್ಳಲು ಅವರಿಗೆ ಸುವರ್ಣಾವಕಾಶ ಸಿಕ್ಕಿದೆ. ಅವರು ಆರು ಪಂದ್ಯಗಳ ಕೌಂಟಿ ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ.
ಸಾಯಿ ಕಿಶೋರ್ 2026 ರ ಕೌಂಟಿ ಚಾಂಪಿಯನ್ಶಿಪ್ ಋತುವಿಗಾಗಿ ಗ್ಲೌಸೆಸ್ಟರ್ಶೈರ್ ಕ್ರಿಕೆಟ್ ಕ್ಲಬ್ನೊಂದಿಗೆ ಆರು ಪಂದ್ಯಗಳ ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ. ಆಗಸ್ಟ್ 20 ರಂದು ವೋರ್ಸೆಸ್ಟರ್ಶೈರ್ ವಿರುದ್ಧದ ಪಂದ್ಯಕ್ಕೆ ಅವರು ಲಭ್ಯವಿರುತ್ತಾರೆ. ಇಂಗ್ಲೆಂಡ್ನಲ್ಲಿ ಸ್ಪಿನ್ ಬೌಲರ್ಗಳಿಗೆ ಈಗ ಹೆಚ್ಚಿನ ನೆರವು ಸಿಗುವುದರಿಂದ ಮುಖ್ಯ ಕೋಚ್ ಜಾನ್ ಲೂಯಿಸ್ 29 ವರ್ಷದ ಸಾಯಿ ಕಿಶೋರ್ ಅವರನ್ನು ತಮ್ಮ ತಂಡಕ್ಕೆ ಸೇರಿಸಿಕೊಂಡಿದ್ದಾರೆ.
ಸಾಯಿ ಕಿಶೋರ್ ಕೌಂಟಿ ಚಾಂಪಿಯನ್ಶಿಪ್ನಲ್ಲಿ ಆಡುತ್ತಿರುವುದು ಇದೇ ಮೊದಲಲ್ಲ. ಇದಕ್ಕೂ ಮೊದಲು, ಕಿಶೋರ್ 2025 ರ ಋತುವಿನಲ್ಲಿ ಸರ್ರೆಯ ಭಾಗವಾಗಿದ್ದರು. ಅವರು ಎರಡು ಪಂದ್ಯಗಳನ್ನು ಆಡಿದರು. ಒಟ್ಟು 11 ವಿಕೆಟ್ಗಳನ್ನು ಕಬಳಿಸಿದರು. ಅವರು ಡರ್ಹ್ಯಾಮ್ ವಿರುದ್ಧ ಐದು ವಿಕೆಟ್ಗಳನ್ನು ಸಹ ಪಡೆದರು.
ಸಾಯಿ ಕಿಶೋರ್ ತಮಿಳುನಾಡು ಪರ ದೇಶೀಯ ಕ್ರಿಕೆಟ್ ಆಡುತ್ತಾರೆ. ಅಲ್ಲಿ ಅವರು 54 ಪ್ರಥಮ ದರ್ಜೆ ಪಂದ್ಯಗಳಲ್ಲಿ 24.21 ಸರಾಸರಿಯಲ್ಲಿ 223 ವಿಕೆಟ್ಗಳನ್ನು ಕಬಳಿಸಿದ್ದಾರೆ. ಇದಲ್ಲದೆ, ಸಾಯಿ ಕಿಶೋರ್ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಮೂರು ಟಿ20 ಪಂದ್ಯಗಳನ್ನು ಆಡಿದ್ದು, ನಾಲ್ಕು ವಿಕೆಟ್ಗಳನ್ನು ಪಡೆದಿದ್ದಾರೆ.
ಸಾಯಿ ಕಿಶೋರ್ ಪಂದ್ಯಗಳು ಯಾವಾಗ ನಡೆಯುತ್ತವೆ?
- ಗ್ಲೌಸೆಸ್ಟರ್ಶೈರ್ vs ವೋಸೆಸ್ಟರ್ಶೈರ್ : ಆಗಸ್ಟ್ 20 – ಆಗಸ್ಟ್ 23 (ಚೆಲ್ಟೆನ್ಹ್ಯಾಮ್)
- ಗ್ಲೌಸೆಸ್ಟರ್ಶೈರ್ vs ಡರ್ಹಾಮ್ : ಆಗಸ್ಟ್ 27 – ಆಗಸ್ಟ್ 30 (ಚೆಸ್ಟರ್-ಲೆ-ಸ್ಟ್ರೀಟ್)
- ಗ್ಲೌಸೆಸ್ಟರ್ಶೈರ್ vs ಡರ್ಬಿಶೈರ್ : ಸೆಪ್ಟೆಂಬರ್ 2 – ಸೆಪ್ಟೆಂಬರ್ 5 (ಬ್ರಿಸ್ಟಲ್)
- ಗ್ಲೌಸೆಸ್ಟರ್ಶೈರ್ vs ಲಂಕಾಷೈರ್ : ಸೆಪ್ಟೆಂಬರ್ 8 – ಸೆಪ್ಟೆಂಬರ್ 11 (ಮ್ಯಾಂಚೆಸ್ಟರ್)
- ಗ್ಲೌಸೆಸ್ಟರ್ಶೈರ್ vs ಮಿಡ್ಲ್ಸೆಕ್ಸ್ : ಸೆಪ್ಟೆಂಬರ್ 15-18 (ಬ್ರಿಸ್ಟಲ್)
- ಗ್ಲೌಸೆಸ್ಟರ್ಶೈರ್ vs ಕೆಂಟ್ : ಸೆಪ್ಟೆಂಬರ್ 24 – ಸೆಪ್ಟೆಂಬರ್ 27 (ಕ್ಯಾಂಟರ್ಬರಿ)
