ಪಾಕಿಸ್ತಾನದ ಖೈಬರ್ ಪಖ್ತುಂಖ್ವಾ ಪ್ರಾಂತ್ಯದ ಬಾರಾ ಪಟ್ಟಣದ ಮನೆಯ ಮೇಲೆ ಜೂನ್ 18 ರಂದು ದಾಳಿ ನಡೆಸಿದ ಪೊಲೀಸರು ಎಲ್ಲರನ್ನೂ ರಕ್ಷಿಸಿದ್ದಾರೆ. ಈ ದಂಪತಿಯ ಪುತ್ರರೊಬ್ಬರು ಮನೆಯಿಂದ ಹೊರಬಂದು ಅಧಿಕಾರಿಗಳಿಗೆ ಮಾಹಿತಿ ನೀಡಿದ ನಂತರ ತಾಯಿ ಮಕ್ಕಳನ್ನು ರಕ್ಷಿಸಲಾಗಿದೆ.

ಆ ವ್ಯಕ್ತಿಯ ಗುರುತು ಬಹಿರಂಗಗೊಂಡಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. ಸಿಲ್ವಿ ಯಾಸ್ಮಿನಾ ಮತ್ತು ಅವರ ಮಕ್ಕಳು ಒಂದು ಸಣ್ಣ, “ಶಿಥಿಲಗೊಂಡ ಕೋಣೆಯಲ್ಲಿ” ವಾಸಿಸುತ್ತಿರುವುದು ಕಂಡುಬಂದಿದೆ ಎಂದು ಅವರು ಹೇಳಿದರು. ಹಲವಾರು ಕುಟುಂಬ ಸದಸ್ಯರು ದೈಹಿಕವಾಗಿ ಗಾಯಗೊಂಡಿದ್ದರು ಎಂದು ಪೊಲೀಸರು ವರದಿ ಮಾಡಿದ್ದಾರೆ.

2014 ರಲ್ಲಿ ಆಸ್ಟ್ರೇಲಿಯಾದಿಂದ ಪಾಕಿಸ್ತಾನಕ್ಕೆ ಸ್ಥಳಾಂತರಗೊಂಡಾಗಿನಿಂದ ಮಹಿಳೆ ತನ್ನ ಪಾಕಿಸ್ತಾನಿ ಪತಿಯ ಕಟ್ಟುನಿಟ್ಟಿನ ನಿಯಂತ್ರಣದಲ್ಲಿ ನರಕ ನೋಡಿದ್ದಾಗಿ ಯಾಸ್ಮಿನಾ ಪೊಲೀಸರಿಗೆ ಪದೇ ಪದೇ ಹೇಳಿದ್ದರು. ಅವರು 2003 ರಲ್ಲಿ ಆಸ್ಟ್ರೇಲಿಯಾದಲ್ಲಿ ವಿವಾಹವಾದರು. ಆರೋಪಿಯು ಅಲ್ಲಿ “ಅಕ್ರಮವಾಗಿ ವಾಸಿಸುತ್ತಿದ್ದ” ಎಂದು ಆರೋಪಿಸಲಾಗಿದೆ.

ಪಾಕಿಸ್ತಾನದ ಜಿಯೋಟಿವಿ ವರದಿ ಪ್ರಕಾರ, ದೌರ್ಜನ್ಯದಿಂದ ಮಹಿಳೆ ಹಾಗೂ ಮಕ್ಕಳ ಮುಖ ಮತ್ತು ದೈಹಿಕ ಗಾಯದ ಗುರುತುಗಳಿವೆ ಮತ್ತು ಅವರ ವಿರುದ್ಧ ಕ್ರಿಮಿನಲ್ ಮೊಕದ್ದಮೆ ಹೂಡುವಂತೆ ಅಧಿಕಾರಿಗಳನ್ನು ಕೋರಿದ್ದಾರೆ ಎನ್ನಲಾಗಿದೆ.

ಕುಟುಂಬದೊಂದಿಗೆ ಕೆಟ್ಟದಾಗಿ ನಡೆಸಿಕೊಳ್ಳುವ ಹಿಂಸಾತ್ಮಕ ವ್ಯಕ್ತಿಯಾಗಿದ್ದು, ಇತರರೊಂದಿಗೆ ಮಾತನಾಡದಂತೆ ಅವರನ್ನು ತಡೆಯಲಾಗಿದೆ ಎಂದು ಅವರು ಹೇಳಿಕೊಂಡಿದ್ದಾರೆ. “ನಮ್ಮ ಸ್ವಾತಂತ್ರ್ಯವನ್ನು ಕಸಿದುಕೊಳ್ಳಲಾಯಿತು, ನನ್ನ ಪತಿ ಒಬ್ಬ ಪತಿಯಾಗಿ ಮತ್ತು ನನ್ನ ಮಕ್ಕಳ ತಂದೆಯಾಗಿ ನಮ್ಮನ್ನು ಸರಿಯಾಗಿ ನೋಡಿಕೊಳ್ಳಲಿಲ್ಲ. ಅವರು ಪ್ರತಿದಿನ ನಮ್ಮನ್ನು ಹೊಡೆಯುತ್ತಾರೆ ಮತ್ತು ನಮ್ಮ ಜೀವನದ ಮೇಲೆ ಒತ್ತಡ ಹೇರುತ್ತಾರೆ” ಎಂದು ಅವರು ಹೇಳಿದರು.