ಎರಡು ಪಂದ್ಯಗಳ ಟಿ20 ಸರಣಿಯಲ್ಲಿ ಟೀಂ ಇಂಡಿಯಾ ಹೀನಾಯವಾಗಿ ಸೋಲುಂಡಿದ್ದು, ಐರ್ಲೆಂಡ್ ತಂಡ ಸರಣಿಯನ್ನು ಕ್ಲೀನ್ ಸ್ವೀಫ್ ಮಾಡಿದೆ. ಇದರೊಂದಿಗೆ ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಮಹತ್ವದ ದಾಖಲೆಯನ್ನು ನಿರ್ಮಿಸಿದೆ. ಭಾನುವಾರ ಐರ್ಲೆಂಡ್ ವಿರುದ್ಧ ಎರಡನೇ ಟಿ20 ಪಂದ್ಯದಲ್ಲಿ ಭಾರತ ಒಂದು ರನ್‌ನಿಂದ ಸೋಲುಂಡಿದ್ದು, ಅದ್ಭುತ ಪ್ರದರ್ಶನ ನೀಡಿದ ಐರ್ಲೆಂಡ್ ತಂಡ ಸರಣಿಯನ್ನು 2-0ಯೊಂದಿಗೆ ಕ್ಲೀನ್ ಸ್ವೀಪ್ ಮಾಡಿದೆ.

ಪಂದ್ಯದ ಬಳಿಕ ಮಾತನಾಡಿದ ಶ್ರೇಯಸ್ ಅಯ್ಯರ್, ಐರ್ಲೆಂಡ್ ತಮಗಿಂತ ಉತ್ತಮ ಪ್ರದರ್ಶನ ನೀಡಿದೆ. ನಿಜ ಹೇಳಬೇಕು ಎಂದರೇ ಇದು ನಮಗೆ ಉತ್ತಮ ಸರಣಿ ಅಲ್ಲ. ಆದರೆ ಐರ್ಲೆಂಡ್ ಟೀಂ ಅದ್ಭುತವಾಗಿ ವೃತ್ತಿಪರ ಕೌಶಲ್ಯಗಳನ್ನು ತೋರಿದೆ. ಪಿಚ್ ಹೇಗೆ ವರ್ತಿಸುತ್ತದೆ ಎಂದು ಅರ್ಥ ಮಾಡಿಕೊಂಡಿದ್ದರು. ಅದೇ ರೀತಿ ಫೀಲ್ಡಿಂಗ್ ಕೂಡ ಅತ್ಯುತ್ತಮವಾಗಿ ಮಾಡಿದೆ. ತಂಡದ ಒಟ್ಟು ಪ್ರದರ್ಶನದಿಂದ ಇಂದು ಗೆಲುವು ಸಿಕ್ಕಿದೆ. ಅವರಿಗೆ ನನ್ನ ಅಭಿನಂದನೆಗಳು ಎಂದು ಹೇಳಿದ್ದಾರೆ.

ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಐರ್ಲೆಂಡ್ 20 ಓವರ್‌ಗಳಲ್ಲಿ 8 ವಿಕೆಟ್‌ಗಳಿಗೆ 154 ರನ್ ಗಳಿಸಿತು. ಹ್ಯಾರಿ ಟೆಕ್ಟರ್ (47 ಎಸೆತಗಳಲ್ಲಿ 5 ಬೌಂಡರಿ ಮತ್ತು 2 ಸಿಕ್ಸರ್‌ಗಳೊಂದಿಗೆ 53) ಅರ್ಧಶತಕ ಗಳಿಸಿದರು, ಆದರೆ ಬೆನ್ ಕಾಲಿಟ್ಜ್ (23 ಎಸೆತಗಳಲ್ಲಿ 3 ಬೌಂಡರಿ ಮತ್ತು 2 ಸಿಕ್ಸರ್‌ಗಳೊಂದಿಗೆ 37) ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಟೀಂ ಇಂಡಿಯಾ ಪರ, ಪ್ರಿನ್ಸ್ ಯಾದವ್ (3/22) ಮೂರು ವಿಕೆಟ್ ಪಡೆದರು, ಅರ್ಶ್ದೀಪ್ ಸಿಂಗ್ (2/35) ಮತ್ತು ಶಿವಂ ದುಬೆ (2/25) ತಲಾ ಎರಡು ವಿಕೆಟ್ ಪಡೆದರು.

ಆ ಬಳಿಕ ಬ್ಯಾಟಿಂಗ್‌ಗೆ ಇಳಿದ ಭಾರತ ನಿಗದಿತ 20 ಓವರ್​​ಗಳಲ್ಲಿ 9 ವಿಕೆಟ್​​ಗಳಿಗೆ 153 ರನ್ ಅಷ್ಟೇ ಗಳಿಸಿತು. ತಿಲಕ್ ವರ್ಮಾ (46 ಎಸೆತಗಳಲ್ಲಿ 3 ಬೌಂಡರಿ ಮತ್ತು 1 ಸಿಕ್ಸರ್‌ನೊಂದಿಗೆ 55) ಅಜೇಯರಾಗಿ ಉಳಿದರು. ಐರಿಷ್ ಬೌಲರ್‌ಗಳಲ್ಲಿ ಜೈ ಮೂಂದ್ರಾ (3/32) ಮತ್ತು ಮ್ಯಾಟ್ ಹೊಲ್ಲಾರ್ಡ್ (3/26) ತಲಾ ಮೂರು ವಿಕೆಟ್ ಪಡೆದರು, ಮ್ಯಾಥ್ಯೂ ಹಂಫ್ರೀಸ್ ಮತ್ತು ಹ್ಯಾರಿ ಟೆಕ್ಟರ್ ತಲಾ ಒಂದು ವಿಕೆಟ್ ಪಡೆದರು. ಪ್ರಿನ್ಸ್ ಯಾದವ್ ಕೊನೆಯ ಎಸೆತದಲ್ಲಿ 6 ರನ್ ಗಳಿಸಿ ಅಜೇಯರಾಗುಳಿದರು, ಆದರೆ ತಂಡವನ್ನು ಗೆಲ್ಲಿಸಲು ಆಗಲಿಲ್ಲ.