Last Updated:
Kamya Mishra: 22ನೇ ವಯಸ್ಸಿನಲ್ಲಿಯೇ ಯುಪಿಎಸ್ಸಿ (UPSC) ಕ್ಲಿಯರ್ ಮಾಡಿ, ಬಳಿಕ ಐಪಿಎಸ್ (IPS) ಆದ ಅತ್ಯಂತ ಕಿರಿಯ ಮಹಿಳಾ ಅಧಿಕಾರಿಗಳಲ್ಲಿ ಒಬ್ಬರಾಗಿ ಖ್ಯಾತಿ ಪಡೆದಿದ್ದರು. ಇದೀಗ ತಮ್ಮ 28ನೇ ವಯಸ್ಸಿನಲ್ಲಿಯೇ ವೈಯಕ್ತಿಕ ಕಾರಣಗಳಿಗಾಗಿ ತಮ್ಮ ಐಪಿಎಸ್ ಹುದ್ದೆಗೆ ರಾಜೀನಾಮೆ ನೀಡಿದ್ದರು. ಇದೀಗ ಅವರು ರಾಜಕೀಯಕ್ಕೆ (Politics) ಬರುತ್ತಾರೆ ಎಂಬ ಬಗ್ಗೆ ಚರ್ಚೆ ಶುರುವಾಗಿದೆ.
ಕಾಮ್ಯಾ ಮಿಶ್ರಾ (Kamyaa Misra) ಒಬ್ಬ ಮಾಜಿ ಐಪಿಎಸ್ (former IPS officer) ಅಧಿಕಾರಿ. ಬಿಹಾರ (Bihar) ಕೇಡರ್ನಲ್ಲಿ ಸೇವೆ ಸಲ್ಲಿಸಿದ್ದ ಇವರು ‘ಬಿಹಾರದ ಲೇಡಿ ಸಿಂಗಂ’ (Lady Singham of Bihar) ಎಂದು ಜನಪ್ರಿಯರಾಗಿದ್ದರು. 22ನೇ ವಯಸ್ಸಿನಲ್ಲಿಯೇ ಯುಪಿಎಸ್ಸಿ (UPSC) ಕ್ಲಿಯರ್ ಮಾಡಿ, ಬಳಿಕ ಐಪಿಎಸ್ (IPS) ಆದ ಅತ್ಯಂತ ಕಿರಿಯ ಮಹಿಳಾ ಅಧಿಕಾರಿಗಳಲ್ಲಿ ಒಬ್ಬರಾಗಿ ಖ್ಯಾತಿ ಪಡೆದಿದ್ದರು. ಇದೀಗ ತಮ್ಮ 28ನೇ ವಯಸ್ಸಿನಲ್ಲಿಯೇ ವೈಯಕ್ತಿಕ ಕಾರಣಗಳಿಗಾಗಿ ತಮ್ಮ ಐಪಿಎಸ್ ಹುದ್ದೆಗೆ ರಾಜೀನಾಮೆ ನೀಡಿದ್ದರು. ಇದೀಗ ಅವರು ರಾಜಕೀಯಕ್ಕೆ (Politics) ಬರುತ್ತಾರೆ ಎಂಬ ಬಗ್ಗೆ ಚರ್ಚೆ ಶುರುವಾಗಿದೆ.
ಕಾಮ್ಯಾ ಮಿಶ್ರಾ ಒಡಿಶಾ ರಾಜ್ಯದ ಮಯೂರ್ಭಂಜ್ ಜಿಲ್ಲೆಯ ರಾಯರಂಗ್ಪುರ್ ಮೂಲದವರು. ಅದು ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರ ಸ್ಥಳೀಯ ಪ್ರದೇಶವಾಗಿದೆ. ತಂದೆ ರಾಜ್ಕುಮಾರ್ ಮಿಶ್ರಾ ಗಣಿಗಾರಿಕೆ ಮತ್ತು ಸ್ಟೀಲ್ ವ್ಯವಹಾರದಲ್ಲಿ ತೊಡಗಿರುವ ವ್ಯಾಪಾರಿಯಾಗಿದ್ರು. ಅವರ ಏಕಮಾತ್ರ ಮಗಳು ಕಾಮ್ಯಾ ಮಿಶ್ರಾ.
ಒಡಿಶಾದ ಕಿಟ್ ಇಂಟರ್ನ್ಯಾಷನಲ್ ಸ್ಕೂಲ್ನಲ್ಲಿ ದ್ವಿತೀಯ ಪಿಯುಸಿಯಲ್ಲಿ 98.6% ಅಂಕ ಪಡೆದ ಕಾಮ್ಯಾ, ಲೇಡಿ ಶ್ರೀರಾಮ್ ಕಾಲೇಜ್ ಫಾರ್ ವುಮೆನ್ ಹಾಗೂ ದೆಹಲಿ ವಿಶ್ವವಿದ್ಯಾಲಯದಲ್ಲಿ ಪೊಲಿಟಿಕಲ್ ಸೈನ್ಸ್ ಪದವಿ ಪಡೆದರು. 2018ರ ಯುಪಿಎಸ್ಸಿ ಸಿವಿಲ್ ಸರ್ವಿಸಸ್ ಪರೀಕ್ಷೆಯಲ್ಲಿ ಮೊದಲ ಪ್ರಯತ್ನದಲ್ಲೇ ಆಲ್ ಇಂಡಿಯಾ ರ್ಯಾಂಕ್ (AIR)ನಲ್ಲಿ 172ನೇ ಸ್ಥಾನ ಪಡೆದು ಐಪಿಎಸ್ ಆಗಿ ಆಯ್ಕೆಯಾದರು. ಆಗ ಅವರಿಗೆ ಕೇವಲ 22 ವರ್ಷ ವಯಸ್ಸು!
ಆರಂಭದಲ್ಲಿ ಹಿಮಾಚಲ್ ಪ್ರದೇಶ ಕೇಡರ್ಗೆ ನಿಯೋಜನೆ, ನಂತರ ಮದುವೆಯ ನಂತರ ಬಿಹಾರ ಕೇಡರ್ಗೆ ವರ್ಗಾವಣೆಯಾದರು. 2019ರ ಬ್ಯಾಚ್ ಐಪಿಎಸ್ ಅಧಿಕಾರಿ (ಬಿಹಾರ ಕೇಡರ್) ಅವಧೇಶ್ ಸರೋಜ್ ಅವರನ್ನು ಮದುವೆಯಾದರು. ಇವರು ರಾಜಸ್ಥಾನದ ಕರೌಲಿ ಜಿಲ್ಲೆಯವರು, ಐಐಟಿ ಮುಂಬೈನಿಂದ ಏರೋಸ್ಪೇಸ್ ಇಂಜಿನಿಯರಿಂಗ್ ಪದವಿ ಪಡೆದಿದ್ದಾರೆ. 2021ರಲ್ಲಿ ಉದಯಪುರದಲ್ಲಿ ಅದ್ಧೂರಿಯಾಗಿ ಮದುವೆ ನಡೆದಿತ್ತು.
ಇಬ್ಬರೂ ಐಪಿಎಸ್ ಅಧಿಕಾರಿಗಳಾಗಿದ್ದು, ವೃತ್ತಿಪರ ಮತ್ತು ವೈಯಕ್ತಿಕ ಜೀವನವನ್ನು ಸಮತೋಲನಗೊಳಿಸುತ್ತಿದ್ದರು. ಕಾಮ್ಯಾ ಮೊದಲು ಅಸಿಸ್ಟೆಂಟ್ ಸೂಪರಿಂಟೆಂಡೆಂಟ್ ಆಫ್ ಪೊಲೀಸ್ (ASP) ಆದರು. ಬಳಿಕ ಸೂಪರಿಂಟೆಂಡೆಂಟ್ ಆಫ್ ಪೊಲೀಸ್ (SP) ಆಗಿ ಸೇವೆ ಸಲ್ಲಿಸಿದ್ರು. “ನೋ-ನಾನ್ಸೆನ್ಸ್” ಅಧಿಕಾರಿ ಎಂದು ಪ್ರಸಿದ್ಧಿ. ಕಠಿಣ ಕ್ರಮಗಳು, ಕಾನೂನು-ಸುವ್ಯವಸ್ಥೆ ನಿರ್ವಹಣೆಗೆ ಹೆಸರಾಗಿದ್ದರು.
ಮಾಜಿ ಬಿಹಾರ ಮಂತ್ರಿ ಮುಕೇಶ್ ಸಹಾನಿ ಅವರ ಕೊಲೆ ಪ್ರಕರಣ ಸೇರಿದಂತೆ ಅನೇಕ ಚಾಲೆಂಜಿಂಗ್ ಕೇಸ್ ಅನ್ನು ಬೇಧಿಸಿದ್ದಾರೆ. ಒಟ್ಟು ಸುಮಾರು 6 ವರ್ಷ ಸೇವೆ ಸಲ್ಲಿಸಿದರು. ದೇಶದ ಕಿರಿಯ ಮಹಿಳಾ ಐಪಿಎಸ್ ಅಧಿಕಾರಿಗಳಲ್ಲಿ ಒಬ್ಬರಾಗಿ ಗುರುತಿಸಲ್ಪಟ್ಟರು. ಅವರನ್ನು ಬಿಹಾರದ ಲೇಡಿ ಸಿಂಗಂ ಅಂತಾನೆ ಕರೆಯುತ್ತಾರೆ.
ಆಗಸ್ಟ್ 2024ರಲ್ಲಿ ದರ್ಭಂಗಾ SP ಆಗಿದ್ದಾಗ ರಾಜೀನಾಮೆ ಸಲ್ಲಿಸಿದರು. ವೈಯಕ್ತಿಕ ಮತ್ತು ಕುಟುಂಬದ ಕಾರಣಗಳು ಅಂತ ಹೇಳಿದ್ರು. ನನ್ನ ತಂದೆಗೆ 5 ವರ್ಷ ಮಾತ್ರ ಸೇವೆ ಮಾಡುತ್ತೇನೆ ಎಂದು ಭರವಸೆ ನೀಡಿದ್ದೆ, ಇದೀಗ ಏಕಮಾತ್ರ ಮಗಳಾಗಿ ತಂದೆಯ ವ್ಯವಹಾರವನ್ನು ನೋಡಿಕೊಳ್ಳಲು ಬಯಸಿದ್ದೆ ಅಂತ ಹೇಳಿದ್ದರು. ಅವರ ರಾಜೀನಾಮೆಯನ್ನು 7 ತಿಂಗಳ ನಂತರ ಅಂಗೀಕರಿಸಲಾಯ್ತು.
ಸದ್ಯ ಅವರು ಉದ್ಯಮಿಯಾಗಿದ್ದು, ತಂದೆಯ ವ್ಯವಹಾರ ನೋಡಿಕೊಳ್ಳುತ್ತಿದ್ದಾರೆ. ಇತ್ತೀಚೆಗೆ ಐಪಿಎಸ್ ತರಬೇತಿ, ಗ್ರೇಹೌಂಡ್ಸ್ ತರಬೇತಿ, ಬಿಹಾರದ ಅನುಭವಗಳ ಬಗ್ಗೆ ಇಂಟರ್ವ್ಯೂಗಳನ್ನು ನೀಡುತ್ತಿದ್ದಾರೆ. ರಾಜಕೀಯಕ್ಕೆ ಪ್ರವೇಶಿಸುವ ಸಾಧ್ಯತೆಯ ಬಗ್ಗೆ ಕೆಲವು ಹೇಳಿಕೆಗಳು ಬಂದಿವೆ, ಆದರೆ ಇನ್ನೂ ಖಚಿತವಾಗಿಲ್ಲ. ಆದರೆ ಅವರು ರಾಜಕೀಯಕ್ಕೆ ಬರೋದು ಪಕ್ಕಾ ಅಂತ ಕೆಲವರು ಹೇಳುತ್ತಿದ್ದಾರೆ.
